Manobo, Western Bukidnon - 2001 Edition (NT) Drama

Manobo, Western Bukidnon - 2001 Edition (NT)

<div class="version vid1313 iso6393mbb" data-vid="1313" data-iso6393="mbb">
 <div class="book bkACT">
 <div class="chapter ch4" data-usfm="ACT.4">
 <div class="label">4</div><div class="s">Is Kedewaya ki Pedro wey ki Juan</div><div class="p"> 1Ne zutun te kemulu pa egkag&#821;i si Pedro wey si Juan diy&#224; te menge etew, mibeyaan sikandan te menge memumuhat wey te kepitan te guwardya ziy&#224; te simbahan wey elin daan is menge Sedusiyu. 2Ne heini is menge punuan, neepesan dan is penur&#249; eni Pedro te menge etew su impenur&#249; ni Pedro he is kegkevanhew ni Jesus, iyan timaan he egkengevanhew keuzem&#224; is menge etew. 3Ne midakep dan si Pedro wey si Juan ne g&#821;eina te mahapun en utew, mibpirisu zan su idtag&#821;ad dan taman te egkepaw&#224;. 4Ne minsan pa zutun, neketuu is mezakel he nekepemineg engki Pedro. Ne tenged dutun is kezakel te menge maama zutun te nemeketuu ki Jesus ne migawhat te lelima he libu.</div><div class="p"> 5Ne hein nepaw&#224; nengetig&#821;um diy&#224; te inged he Hiruselim is menge menunudl&#249; te kesug&#821;uan wey is menge ebmeg&#821;urangen wey is menge zuma pa he punuan he menge Hudiyu. 6Ne elin daan dutun si Anas, is lavew he memumuhat wey si Keyipas wey si Juan wey si Alejandro wey menge zuma pa he mesipeg he kezuzumahi ni Anas. 7Ne impeetuvang dan si Pedro wey si Juan, ne mid-insaan dan te, &#8220;Hengkey heini he g&#821;ehem is ingkeulii kayi te ken&#224; ebpekehipanew, ne hentei is mibeg&#821;ey keniyu kayi te g&#821;ehem?&#8221; 8Ne zutun midtavak si Pedro is nepurung ulini te Wag&#821;as he Mulin-ulin, ke sikandin te, &#8220;Sikiyu is menge punuan wey ebmeg&#821;urangen dey, 9emun iyan niw id-ins&#224; kenami ke mibmenumenu zey is meupiya he midhimu zey kayi te ken&#224; ebpekehipanew, ne emun iyan niw zaan id-ins&#224; ke hengkey he g&#821;ehem is ingkeulii kandin, 10ne sikiyu wey is langun he menge zuma ku he kevuwazan ni Israyil, kinahanglan he sevuta niw heini. Su heini is etew he zini te etuvangan niw, neulian sikandin pinaag&#821;i te g&#821;ehem te ngazan ni Jesu Kristu he tigNeserit. Heini si Jesus, inransang niw te krus ne minatey, iyan, mibanhew te Megbevay&#224;. 11Iyan si Jesus kes batu he netagn&#224; te insurat dengan he Lalag te Megbevay&#224; he edhenduen te,</div><div class="q1">&#8216;Sikan is batu he himan te valey,</div><div class="q1">mid-engkezan niw te menge pandey</div><div class="q1">su kunaan niw ke waz&#232; din pulus.</div><div class="q1">Iyan, nehimu en heini g&#821;untaan he vatu</div><div class="q1">he iyan d&#224; igkepurungi te valey.&#8217;</div><div class="m"> 12Iyan d&#224; si Jesus ebpekelibri te silut kenitew,&#8221; ke si Pedro, &#8220;su zini te tivuuk he kelibutan waz&#232; en duma pa he ngazan he etew he ebpemeleveg he imbeg&#821;ey te Megbevay&#224;.&#8221;</div><div class="p"> 13Ne zutun, haaz&#224; is menge punuan he menge Hudiyu, hein neeh&#232; dan he ken&#224; egkehandek si Pedro wey si Juan he egkag&#821;i wey hein netuenan dan he ken&#224; metikang is netunghaan dutun te zezuwa ne ken&#224; metikang is pid-etawan dan, ne nengeinuinu zan. Ne human dan dutun mekilala he menge zuma zengan ni Jesus si Pedro wey si Juan. 14Ne edsumpeliten dan pezem haaz&#224; is egkein-inuwan he mid-ulaula eni Pedro, iyan, geina te zutun daan kes etew he neulian waz&#232; en egkekag&#821;i zan. 15Umba, dutun te rug&#821;u he netig&#821;uman dan migkeg&#821;iyan dan ensi Pedro he med-aw&#232; dan d&#232; pa. Ne zutun mibitiyara zan, ke sikandan te, 16&#8220;Ebmenmenuwen tew heini is menge etew su venar man iyan he egkein-inuwan is nehimu zan, ne nevantug en heini zini te tivuuk he inged he Hiruselim ne ken&#232; tew egkevarew. 17Edewayen tew nas&#236; sikandan he ken&#232; dan en maan ipenur&#249; is kedtuu te ngazan ni Jesus diy&#224; te minsan hentei su wey ken&#224; mekeeneb heini is ibpenur&#249; dan diy&#224; te menge etew.&#8221; 18Ne zutun impelik&#249; dan ensi Pedro ne mibpelihandek dan ne migkeg&#821;iyan dan te, &#8220;Ken&#232; niw en maan ipenur&#249; is kedtuu te ngazan ni Jesus.&#8221;</div><div class="p"> 19Ne midtavak si Pedro wey si Juan te, &#8220;Isipa niw ke hendei zapit is egkesuatan te Megbevay&#224; kayi te zezuwa he paag&#821;i: ke edtumanen dey ve is sug&#821;&#249; niw he ken&#232; dey ibpenur&#249; is ngazan ni Jesus, wey ke edtumanen dey is ebpeveelan kenami te Megbevay&#224;. 20Ken&#224; egehimu he ken&#232; dey idsangyew is nezineg dey wey is neeh&#232; dey,&#8221; ke si Pedro. 21Iyan, impaaw&#232; ded sikandan ne mibeleuzan dan he ken&#224; ipesangyew. Ne haaz&#224; is menge ebmeg&#821;urangen, waz&#232; dan neisip he paag&#821;i te kedsiluti kandan su nahandek dan te menge etew. Is langun he menge etew, midalig dan is Megbevay&#224; tenged te egkein-inuwan he nehimu, 22su kes etew he neulian, subre en he kepatan he tuig is keg&#821;urang din, umba nengeinuinu is menge etew.</div><div class="s">Is Ked-amp&#249; te Menge Tumutuu</div><div class="p"> 23Ne zutun hein impeg&#821;uw&#232; en si Pedro wey si Juan, mid-ul&#236; dan diy&#224; te menge zuma zan he tumutuu. Ne mibpenudtul zan haaz&#224; is imbelaud kandan te menge punuan he menge memumuhat wey menge ebmeg&#821;urangen. 24Ne is menge tumutuu, hein nezineg dan haaz&#224;, ne mid-amur-amur zan te ked-amp&#249;. Ne iyan heini ked-amp&#249; dan, ke sikandan te, &#8220;Megbevay&#224; he Nengazen te langun, nenlimbag ka te langit wey tan&#224; wey zag&#821;at wey is langun he tag&#821;&#249; kayi. 25Iyan ka kes nekekag&#821;i zengan pinaag&#821;i te kepuun dey he sulug&#821;uen nu he si Had&#236; David, su mid-ulinan sikandin te Wag&#821;as he Mulin-ulin ne nekag&#821;i zin he,</div><div class="q1">&#8216;Maan is utew nengepauk is menge etew</div><div class="q1">he ken&#224; menge Hudiyu,</div><div class="q1">wey maan is ebpekeisip sikandan te waz&#232; din pulus?</div><div class="q1"> 26Su migkayew en is menge had&#236; dini te kelibutan</div><div class="q1">wey nengetig&#821;um is menge punuan</div><div class="q1">su edtebeken dan is Nengazen wey egkuntedahan dan</div><div class="q1">is mibpil&#236; din he had&#236;.&#8217;</div><div class="m"> 27Na,&#8221; ke sikandan is ed-amp&#249; te, &#8220;netuman en kes migkag&#821;i nu su zini te Hiruselim mid-uyun is menge Hudiyu wey is ken&#224; menge Hudiyu su si Had&#236; Hirudis wey si Gubirnedur Pilatu, nesevaha zan he ebpekigkuntada ki Jesus he pinil&#236; nu he sulug&#821;uen he ibpahad&#236; nu. 28Ne mid-uyunan dan ke hengkey is ed-ul-ulahan dan diy&#224; te kandin sumal&#224; is imbanglis nu he meulaula zan. 29Ne ahaa nu man guntaan, Nengazen, is menge pelihandek dan kenami. Iveg&#821;ey nu kenami g&#821;untaan te menge sulug&#821;uen nu is kevurut wey key ken&#224; mahandek te kedsangyew te lalag nu. 30Ipelepew nu is gehem nu su wey zey meulii is egkengezeruwan, wey zuen daan menge egkein-inuwan wey singyal he igkepeeh&#232; dey pinaag&#821;i te g&#821;ehem te ngazan ni Jesus he pinil&#236; nu he sulug&#821;uen nu.&#8221; 31Ne hein nekeamp&#249; dan, ne neg&#821;ezam dan he egkehuyung haaz&#224; is baley he netig&#821;uman dan. Ne mibpurungan ulini te Wag&#821;as he Mulin-ulin is kada sevaha kandan, ne waz&#232; dan ikehandek is kedsengyawa zan te Lalag te Megbevay&#224;.</div><div class="s">Is Kedsevahaa te Menge Tumutuu te Menge Azen Dan</div><div class="p"> 32Mezesen is kebpekid-upakat te menge tumutuu su nesevaha z&#224; is isip dan wey g&#821;ehinawa zan. Waz&#224; minsan sevaha kandan he mid-isip din is menge azen din he iyan d&#224; sikandin ebpehimulus, keken&#224;, mid-isip dan he sevaha zan d&#224; te azen. 33Ne is menge epustul, utew zekel&#224; is gehem he imbeg&#821;ey kandan te kedtistig&#821;us he nevanhew is Nengazen tew he si Jesus, ne zekel&#224; daan is kedtuvazi te Megbevay&#224; te langun kandan te nemeketuu ki Jesus. 34Ne is minsan hentei kandan, ken&#224; edlised te minsan hengkey su is duma zan he zuen din tan&#224; wey ke valey ve, ibelegy&#232; din 35ne ibeg&#821;ey zin is halin dutun diy&#224; te menge epustul ne ebeg&#821;ayan te menge epustul is minsan hentei he edlised. 36Ne zuen duma zan he tigSipru he Hudiyu zaan he kevuwazan duen te tipehuna he si Levi. Iyan ngazan din si Jose ne migeraran te menge epustul ki Bernabe he ke v&#224; d&#224; egkeg&#821;iya, ebpekeveg&#821;ey te kezesen te kedtuu. 37Ne zuen tan&#224; ni Bernabe, ne imbelegy&#232; din haaz&#224;. Ne imbeg&#821;ey zin is halin dutun diy&#224; te menge epustul.</div>
 </div>
 </div>
</div>

Ne zutun te kemulu pa egkag̵i si Pedro wey si Juan diyà te menge etew, mibeyaan sikandan te menge memumuhat wey te kepitan te guwardya ziyà te simbahan wey elin daan is menge Sedusiyu. Ne heini is menge punuan, neepesan dan is penurù eni Pedro te menge etew su impenurù ni Pedro he is kegkevanhew ni Jesus, iyan timaan he egkengevanhew keuzemà is menge etew. Ne midakep dan si Pedro wey si Juan ne g̵eina te mahapun en utew, mibpirisu zan su idtag̵ad dan taman te egkepawà. Ne minsan pa zutun, neketuu is mezakel he nekepemineg engki Pedro. Ne tenged dutun is kezakel te menge maama zutun te nemeketuu ki Jesus ne migawhat te lelima he libu.
Ne hein nepawà nengetig̵um diyà te inged he Hiruselim is menge menunudlù te kesug̵uan wey is menge ebmeg̵urangen wey is menge zuma pa he punuan he menge Hudiyu. Ne elin daan dutun si Anas, is lavew he memumuhat wey si Keyipas wey si Juan wey si Alejandro wey menge zuma pa he mesipeg he kezuzumahi ni Anas. Ne impeetuvang dan si Pedro wey si Juan, ne mid-insaan dan te, “Hengkey heini he g̵ehem is ingkeulii kayi te kenà ebpekehipanew, ne hentei is mibeg̵ey keniyu kayi te g̵ehem?” Ne zutun midtavak si Pedro is nepurung ulini te Wag̵as he Mulin-ulin, ke sikandin te, “Sikiyu is menge punuan wey ebmeg̵urangen dey, emun iyan niw id-insà kenami ke mibmenumenu zey is meupiya he midhimu zey kayi te kenà ebpekehipanew, ne emun iyan niw zaan id-insà ke hengkey he g̵ehem is ingkeulii kandin, ne sikiyu wey is langun he menge zuma ku he kevuwazan ni Israyil, kinahanglan he sevuta niw heini. Su heini is etew he zini te etuvangan niw, neulian sikandin pinaag̵i te g̵ehem te ngazan ni Jesu Kristu he tigNeserit. Heini si Jesus, inransang niw te krus ne minatey, iyan, mibanhew te Megbevayà. Iyan si Jesus kes batu he netagnà te insurat dengan he Lalag te Megbevayà he edhenduen te,
‘Sikan is batu he himan te valey,
mid-engkezan niw te menge pandey
su kunaan niw ke wazè din pulus.
Iyan, nehimu en heini g̵untaan he vatu
he iyan dà igkepurungi te valey.’
Iyan dà si Jesus ebpekelibri te silut kenitew,” ke si Pedro, “su zini te tivuuk he kelibutan wazè en duma pa he ngazan he etew he ebpemeleveg he imbeg̵ey te Megbevayà.”
Ne zutun, haazà is menge punuan he menge Hudiyu, hein neehè dan he kenà egkehandek si Pedro wey si Juan he egkag̵i wey hein netuenan dan he kenà metikang is netunghaan dutun te zezuwa ne kenà metikang is pid-etawan dan, ne nengeinuinu zan. Ne human dan dutun mekilala he menge zuma zengan ni Jesus si Pedro wey si Juan. Ne edsumpeliten dan pezem haazà is egkein-inuwan he mid-ulaula eni Pedro, iyan, geina te zutun daan kes etew he neulian wazè en egkekag̵i zan. Umba, dutun te rug̵u he netig̵uman dan migkeg̵iyan dan ensi Pedro he med-awè dan dè pa. Ne zutun mibitiyara zan, ke sikandan te, “Ebmenmenuwen tew heini is menge etew su venar man iyan he egkein-inuwan is nehimu zan, ne nevantug en heini zini te tivuuk he inged he Hiruselim ne kenè tew egkevarew. Edewayen tew nasì sikandan he kenè dan en maan ipenurù is kedtuu te ngazan ni Jesus diyà te minsan hentei su wey kenà mekeeneb heini is ibpenurù dan diyà te menge etew.” Ne zutun impelikù dan ensi Pedro ne mibpelihandek dan ne migkeg̵iyan dan te, “Kenè niw en maan ipenurù is kedtuu te ngazan ni Jesus.”
Ne midtavak si Pedro wey si Juan te, “Isipa niw ke hendei zapit is egkesuatan te Megbevayà kayi te zezuwa he paag̵i: ke edtumanen dey ve is sug̵ù niw he kenè dey ibpenurù is ngazan ni Jesus, wey ke edtumanen dey is ebpeveelan kenami te Megbevayà. Kenà egehimu he kenè dey idsangyew is nezineg dey wey is neehè dey,” ke si Pedro. Iyan, impaawè ded sikandan ne mibeleuzan dan he kenà ipesangyew. Ne haazà is menge ebmeg̵urangen, wazè dan neisip he paag̵i te kedsiluti kandan su nahandek dan te menge etew. Is langun he menge etew, midalig dan is Megbevayà tenged te egkein-inuwan he nehimu, su kes etew he neulian, subre en he kepatan he tuig is keg̵urang din, umba nengeinuinu is menge etew.

Ne zutun hein impeg̵uwè en si Pedro wey si Juan, mid-ulì dan diyà te menge zuma zan he tumutuu. Ne mibpenudtul zan haazà is imbelaud kandan te menge punuan he menge memumuhat wey menge ebmeg̵urangen. Ne is menge tumutuu, hein nezineg dan haazà, ne mid-amur-amur zan te ked-ampù. Ne iyan heini ked-ampù dan, ke sikandan te, “Megbevayà he Nengazen te langun, nenlimbag ka te langit wey tanà wey zag̵at wey is langun he tag̵ù kayi. Iyan ka kes nekekag̵i zengan pinaag̵i te kepuun dey he sulug̵uen nu he si Hadì David, su mid-ulinan sikandin te Wag̵as he Mulin-ulin ne nekag̵i zin he,
‘Maan is utew nengepauk is menge etew
he kenà menge Hudiyu,
wey maan is ebpekeisip sikandan te wazè din pulus?
Su migkayew en is menge hadì dini te kelibutan
wey nengetig̵um is menge punuan
su edtebeken dan is Nengazen wey egkuntedahan dan
is mibpilì din he hadì.’
Na,” ke sikandan is ed-ampù te, “netuman en kes migkag̵i nu su zini te Hiruselim mid-uyun is menge Hudiyu wey is kenà menge Hudiyu su si Hadì Hirudis wey si Gubirnedur Pilatu, nesevaha zan he ebpekigkuntada ki Jesus he pinilì nu he sulug̵uen he ibpahadì nu. Ne mid-uyunan dan ke hengkey is ed-ul-ulahan dan diyà te kandin sumalà is imbanglis nu he meulaula zan. Ne ahaa nu man guntaan, Nengazen, is menge pelihandek dan kenami. Iveg̵ey nu kenami g̵untaan te menge sulug̵uen nu is kevurut wey key kenà mahandek te kedsangyew te lalag nu. Ipelepew nu is gehem nu su wey zey meulii is egkengezeruwan, wey zuen daan menge egkein-inuwan wey singyal he igkepeehè dey pinaag̵i te g̵ehem te ngazan ni Jesus he pinilì nu he sulug̵uen nu.” Ne hein nekeampù dan, ne neg̵ezam dan he egkehuyung haazà is baley he netig̵uman dan. Ne mibpurungan ulini te Wag̵as he Mulin-ulin is kada sevaha kandan, ne wazè dan ikehandek is kedsengyawa zan te Lalag te Megbevayà.

Mezesen is kebpekid-upakat te menge tumutuu su nesevaha zà is isip dan wey g̵ehinawa zan. Wazà minsan sevaha kandan he mid-isip din is menge azen din he iyan dà sikandin ebpehimulus, kekenà, mid-isip dan he sevaha zan dà te azen. Ne is menge epustul, utew zekelà is gehem he imbeg̵ey kandan te kedtistig̵us he nevanhew is Nengazen tew he si Jesus, ne zekelà daan is kedtuvazi te Megbevayà te langun kandan te nemeketuu ki Jesus. Ne is minsan hentei kandan, kenà edlised te minsan hengkey su is duma zan he zuen din tanà wey ke valey ve, ibelegyè din ne ibeg̵ey zin is halin dutun diyà te menge epustul ne ebeg̵ayan te menge epustul is minsan hentei he edlised. Ne zuen duma zan he tigSipru he Hudiyu zaan he kevuwazan duen te tipehuna he si Levi. Iyan ngazan din si Jose ne migeraran te menge epustul ki Bernabe he ke và dà egkeg̵iya, ebpekeveg̵ey te kezesen te kedtuu. Ne zuen tanà ni Bernabe, ne imbelegyè din haazà. Ne imbeg̵ey zin is halin dutun diyà te menge epustul.

Phulaphula i Nengeulaula 4