The Konkomba Old Testament

<div class="version vid1150 iso6393xon" data-vid="1150" data-iso6393="xon">
 <div class="book bkGEN">
 <div class="chapter ch21" data-usfm="GEN.21">
 <div class="label">21</div><div class="s1">Sara aah ma Aisak pu na aab&#596;r</div><div class="p"> 1Uwumb&#596;r nan &#331;a tinyoor &#331;a Sara pu, waah nan puu ke u ga &#331;a pu na, 2le u dek lipuul ki ma ubijabo tii uchal Abraham, waah nan p&#596;r sakpen buyoonn na. U nan ma u buyoonn Uwumb&#596;r nan len ke bi ga nan maa u na la. 3Abraham nan yin u ke Aisak, 4le ubop&#596;&#596;n ngbaan aah nan ti saa iwiin iniin na, le ute Abraham gii uchakpaln, Uwumb&#596;r aah nan tuk u ke u &#331;a pu na. 5N&#8209;yoonn ngbaan Abraham nan ye &#331;ibin nkub le ki nin ma Aisak. 6Sara nan bui ke, &#8220;Uwumb&#596;r tii mi mpopiin, le ni mu ki kpa tilaar, le unii um&#596;k &#331;un tib&#596;r tee na ga laa.&#8221;#21.6: Aisak aatataa le ye ke &#8220;tilaar.&#8221; 7Le u ki len ke, &#8220;&#330;ma ga &#331;maa bui Abraham ke upuu Sara ga ki maa ubo ki joo u? M ma ubijabo buyoonn u por na.&#8221;</div><div class="p"> 8Aisak nan muun, le waah nan lii libiil na, Abraham nan &#331;a njim sakpiin.</div><div class="s1">Abraham aah nan nyan Hagar ni waabo pu na aab&#596;r</div><div class="p"> 9Daalbaadaal le Ismael, u Ijipt yaab aapiibo Hagar nan ma u Abraham chee na, nan bi &#331;ani Aisak mb&#596;nyun. 10Le Sara kan bi, le naa m&#596;&#596;r u, le u bui uchal Abraham ke, &#8220;Nyan unaagbiipii wee ni waabo aado. Unaagbiipii wee aabo aa kpa nsan u ji lifaal li maabo Aisak ga ji na.&#8221; 11Le ni bii Abraham aasui pam, ba pu? Ismael mu nan ye waabo la. 12T&#596;, Uwumb&#596;r nan bui Abraham ke, &#8220;Taa cha ubo ngbaan ni una aab&#596;r li muk si sakpen. &#330;a Sara aah len ke aa &#331;a pu na. Ni ye mbam&#596;n ke Aisak pu le m puu ke aa ga kan yaabitiib.#21.12: Lik Rom Yaab 9.7; Hiibru Yaab 11.18. 13M ga cha Ismael mu maa pam, aan bi mu &#331;a litimbokpaan. U mu ye aajap&#596;&#596;n la.&#8221;</div><div class="p"> 14Ni woln kichakpiik ni le Abraham ban tijikaar, le ki ban nnyun &#331;a ntuun ni, ki di baln Hagar aab&#596;gbiln pu, le ki di waabo ngbaan tii u, le ki bui u ke u li cha. Hagar nan chuun le ki yenni Beerseba aateersakpiin ni. 15Waah nan joo nnyun mu na nan ti doo, le u di waabo Ismael di bil kiti&#331;, busub bubaa taab, 16le ki buen ti kal nibaa chee ni daa siib ki cha ubo ngbaan. U nan bui ke, &#8220;Maan &#331;maa li ka ki kan maabo aah ga kpo pu na.&#8221; Le u nan ka nima ki wii.</div><div class="p"> 17Uwumb&#596;r nan &#331;un ubo ngbaan aah wii pu na, le upii ngbaan nan &#331;un Uwumb&#596;r aaneel nyan ni paacham ki baa u ke, &#8220;Hagar, ba muk si? Taa san ijawaan, Uwumb&#596;r &#331;un saabo aah wii pu na. 18Fiin, ki buen ti yoor ubo ngbaan ki s&#596;&#331; usui. M ga cha uyaabitiib &#331;a litimbokpaan.&#8221; 19Le Uwumb&#596;r cha unimbil likr, le u kan nnyunbun nima chee. Le u san buen ti lun nnyun nan tii waabo ngbaan, u nyun, le ki lun nnyun gbiin ntuun na mu. 20Ubo ngbaan aah nan bi muun ni na, Uwumb&#596;r nan bi u chee. U nan bi Parann aateersakpiin ni, le ki &#331;a ukpakpaan. 21Una nan yoor Ijipt yaab aapiibo le tii u.</div><div class="s1">Abraham ni Abimelek aah nan &#331;a kim&#596;baan pu na aab&#596;r</div><div class="p"> 22N&#8209;yoonn ngbaan le Abimelek ni waajab aaninkpel u bi nan yin u ke Fikol na, nan buen Abraham chee ki ti bui u ke, &#8220;M nyi ke Uwumb&#596;r bi aa chee ki ter si n&#8209;yoonn m&#596;m&#596;k. 23Nima pu na, puu Uwumb&#596;r aanimbiin ni ke saan &#331;mann mi, bee maabim, bee n&#8209;yaabitiib. M si aacha&#331; ni pam, aa mu puu ke aa ga li si ncha&#331; ni, ni kiti&#331; kimina aanib pu.&#8221;</div><div class="p"> 24Abraham nan giin bui u ke, &#8220;M puu.&#8221;</div><div class="p"> 25Abraham nan tuk Abimelek waanaagbiib aah jenn uma Abraham aanib ki gaa nnyunbun mubaa pu na. 26Abimelek nan bui ke, &#8220;Maa nyi unii u &#331;a kina na. Saa tuk mi tib&#596;r ngbaan, dandana wee le m laa &#331;un ti.&#8221; 27Le Abraham nan tii Abimelek ipiih, ni inaa, le bima bilee ngbaan &#331;a kim&#596;baan. 28Abraham nan yakr ki nyan ipiih i laa diin na ilole, waapiih ponn ni, 29le Abimelek baa u ke, &#8220;Ba &#331;a aa &#331;a kina?&#8221;</div><div class="p"> 30Abraham nan bui Abimelek ke, &#8220;Gaa ipiih ilole yee. Aa yaa gaa ipiih ngbaan kan, ni ga m&#596;k ke mi Abraham le gbii nnyunbun ngbaan.&#8221; 31Nima pu na, bi nan yin nima chee ke Beerseba, ba pu? nima chee le Abraham ni Abimelek nan puu tii t&#596;b.#21.31: Beerseba aatataa le ye ke &#8220;tipuur aanyunbun.&#8221;</div><div class="p"> 32Baah nan ti &#331;a kim&#596;baan Beerseba aanyunbun ngbaan chee doo na, le Abimelek ni Fikol nan gir buen Filistia aati&#331; ni. 33Beerseba aanyunbun ngbaan chee le Abraham nan &#331;um busub bu aafar aa gbaar n&#8209;yoonn m&#596;m&#596;k na, le ki doon Tidindaan Uwumb&#596;r u bi kaa kpa ndoon na. 34Abraham nan bi Filistia aati&#331; ni ki yunn pam.</div>
 </div>
 </div>
</div>

Uwumbɔr nan ŋa tinyoor ŋa Sara pu, waah nan puu ke u ga ŋa pu na, le u dek lipuul ki ma ubijabo tii uchal Abraham, waah nan pɔr sakpen buyoonn na. U nan ma u buyoonn Uwumbɔr nan len ke bi ga nan maa u na la. Abraham nan yin u ke Aisak, le ubopɔɔn ngbaan aah nan ti saa iwiin iniin na, le ute Abraham gii uchakpaln, Uwumbɔr aah nan tuk u ke u ŋa pu na. N‑yoonn ngbaan Abraham nan ye ŋibin nkub le ki nin ma Aisak. Sara nan bui ke, “Uwumbɔr tii mi mpopiin, le ni mu ki kpa tilaar, le unii umɔk ŋun tibɔr tee na ga laa.” Le u ki len ke, “Ŋma ga ŋmaa bui Abraham ke upuu Sara ga ki maa ubo ki joo u? M ma ubijabo buyoonn u por na.”
Aisak nan muun, le waah nan lii libiil na, Abraham nan ŋa njim sakpiin.

Daalbaadaal le Ismael, u Ijipt yaab aapiibo Hagar nan ma u Abraham chee na, nan bi ŋani Aisak mbɔnyun. Le Sara kan bi, le naa mɔɔr u, le u bui uchal Abraham ke, “Nyan unaagbiipii wee ni waabo aado. Unaagbiipii wee aabo aa kpa nsan u ji lifaal li maabo Aisak ga ji na.” Le ni bii Abraham aasui pam, ba pu? Ismael mu nan ye waabo la. Tɔ, Uwumbɔr nan bui Abraham ke, “Taa cha ubo ngbaan ni una aabɔr li muk si sakpen. Ŋa Sara aah len ke aa ŋa pu na. Ni ye mbamɔn ke Aisak pu le m puu ke aa ga kan yaabitiib. M ga cha Ismael mu maa pam, aan bi mu ŋa litimbokpaan. U mu ye aajapɔɔn la.”
Ni woln kichakpiik ni le Abraham ban tijikaar, le ki ban nnyun ŋa ntuun ni, ki di baln Hagar aabɔgbiln pu, le ki di waabo ngbaan tii u, le ki bui u ke u li cha. Hagar nan chuun le ki yenni Beerseba aateersakpiin ni. Waah nan joo nnyun mu na nan ti doo, le u di waabo Ismael di bil kitiŋ, busub bubaa taab, le ki buen ti kal nibaa chee ni daa siib ki cha ubo ngbaan. U nan bui ke, “Maan ŋmaa li ka ki kan maabo aah ga kpo pu na.” Le u nan ka nima ki wii.
Uwumbɔr nan ŋun ubo ngbaan aah wii pu na, le upii ngbaan nan ŋun Uwumbɔr aaneel nyan ni paacham ki baa u ke, “Hagar, ba muk si? Taa san ijawaan, Uwumbɔr ŋun saabo aah wii pu na. Fiin, ki buen ti yoor ubo ngbaan ki sɔŋ usui. M ga cha uyaabitiib ŋa litimbokpaan.” Le Uwumbɔr cha unimbil likr, le u kan nnyunbun nima chee. Le u san buen ti lun nnyun nan tii waabo ngbaan, u nyun, le ki lun nnyun gbiin ntuun na mu. Ubo ngbaan aah nan bi muun ni na, Uwumbɔr nan bi u chee. U nan bi Parann aateersakpiin ni, le ki ŋa ukpakpaan. Una nan yoor Ijipt yaab aapiibo le tii u.

N‑yoonn ngbaan le Abimelek ni waajab aaninkpel u bi nan yin u ke Fikol na, nan buen Abraham chee ki ti bui u ke, “M nyi ke Uwumbɔr bi aa chee ki ter si n‑yoonn mɔmɔk. Nima pu na, puu Uwumbɔr aanimbiin ni ke saan ŋmann mi, bee maabim, bee n‑yaabitiib. M si aachaŋ ni pam, aa mu puu ke aa ga li si nchaŋ ni, ni kitiŋ kimina aanib pu.”
Abraham nan giin bui u ke, “M puu.”
Abraham nan tuk Abimelek waanaagbiib aah jenn uma Abraham aanib ki gaa nnyunbun mubaa pu na. Abimelek nan bui ke, “Maa nyi unii u ŋa kina na. Saa tuk mi tibɔr ngbaan, dandana wee le m laa ŋun ti.” Le Abraham nan tii Abimelek ipiih, ni inaa, le bima bilee ngbaan ŋa kimɔbaan. Abraham nan yakr ki nyan ipiih i laa diin na ilole, waapiih ponn ni, le Abimelek baa u ke, “Ba ŋa aa ŋa kina?”
Abraham nan bui Abimelek ke, “Gaa ipiih ilole yee. Aa yaa gaa ipiih ngbaan kan, ni ga mɔk ke mi Abraham le gbii nnyunbun ngbaan.” Nima pu na, bi nan yin nima chee ke Beerseba, ba pu? nima chee le Abraham ni Abimelek nan puu tii tɔb.
Baah nan ti ŋa kimɔbaan Beerseba aanyunbun ngbaan chee doo na, le Abimelek ni Fikol nan gir buen Filistia aatiŋ ni. Beerseba aanyunbun ngbaan chee le Abraham nan ŋum busub bu aafar aa gbaar n‑yoonn mɔmɔk na, le ki doon Tidindaan Uwumbɔr u bi kaa kpa ndoon na. Abraham nan bi Filistia aatiŋ ni ki yunn pam.

Phulaphula i Mpiin 21