This translation, published by the Bible Society of Zambia, was published in 2015. If you are interested in the work that the Bible Society of Zambia is doing please visit www.unitedbiblesocieties.org.

Ishiwi Lyakwa Lesa 2016

Chibemba - 1956 Icipingo Cipya (NT)

<div class="version vid1097 iso6393bem" data-vid="1097" data-iso6393="bem">
 <div class="book bkJHN">
 <div class="chapter ch1" data-usfm="JHN.1">
 <div class="label">1</div><div class="s1">Lishiwi ayaluka umuntu</div><div class="p"> 1Ukufumafye ku citendekelo, Lishiwi eko ali. Lishiwi ali pamo na Lesa. Kabili Lishiwi ali ni Lesa. 2Lishiwi ali pamo na Lesa ukufumafye ku citendekelo. 3Ni kuli Lishiwi Lesa abumbile ifintu fyonse. Tapaba nelyo cimo ico Lesa abumba ukwabula Lishiwi. 4Muli Lishiwi mwaba umweo, noyu mweo waba ulubuuto ku bantu. 5Ulubuuto lusanika mu mfifi, pantu imfifi yalifilwa ukulushimya.</div><div class="p"> 6Lesa atumine umuntu, ishina lyakwe ni Yoani. 7Yoani epakwisa nga kambone, pakuti apeele bukambone pa lubuuto. Epakuti bonse abalemumfwa basumine. 8Yoani wena tali lubuuto. Lelo aishile pakupeela bukambone ku lubuuto. 9Lishiwi ewali e lubuuto lwacine cine. Ewaisa pano isonde kukusanikila umuntu onse.</div><div class="p"> 10Lishiwi ali pano isonde. Ni muli Lishiwi Lesa abumbile isonde. Nomba abantu ba pano sonde tabamwishibe. 11Lishiwi aishile mu calo cakwe, nomba abantu bakwe tabamupokelele. 12Lelo bonse abamupokelela, bamusumina no kumusumina, ena abapeela amaka yakuba abana bakwa Lesa. 13Baba abana bakwa Lesa te mu musango wabumuntu, nangu ukufwaya kwa bantu, nangu ukufwaya kwa mwaume, awe iyoo, ni Lesa fye umwine ku maka yakwe.</div><div class="p"> 14Awe Lishiwi aishile aluka umuntu. Aisa ikala na ifwe. Twalimona ubucindami bwakwe. Ubucindami bwa Mwana uwabafye umo mpo, ubo apoka ukufuma kuli Wishi. Alikwatisha icikuuku ne cishinka.</div><div class="p"> 15Yoani alimwiminine bukambone ilyo alebila ati, &#8220;Euyu naleeba nati, uukankonka panuma, alicila ine. Pantu ine nshilabako ninshi wena eko aba!&#8221;</div><div class="p"> 16Nico wacikuuku nganshi eco na ifwe bonse tushukilako amapaalo na mapaalo. 17Mose ewaletele amafunde, lelo icikuuku ne cishinka fyena ni Yesu Kristu ewaleta. 18Takwaba nangu umo uwatala amona Lesa, kanofye Mwane umo mpo, Lesa wine uwikala mu ceni cakwa Wishi, ewaisa musokolola.</div><div class="s1">Yoani akaana ati nshili Kristu</div><div class="r">(Mateo 3:1-12; Mako 1:1-8; Luka 3:1-18)</div><div class="p"> 19Ubu e bukambone bwakwa Yoani. Abayuda ba mu Yerusalemu batile ilyo batuma bashimapepo na bena Levi kuli Yoani, baisa kukumwipusha abati, &#8220;Bushe niwe ani?&#8221; 20Yoani tafishile, ayasukafye apabuuta tuutu ati, &#8220;Ine nshili Kristu.&#8221; 21#Amaf 18:15,18; Mala 4:5Elyo bamwipusha abati, &#8220;Kanshi niwe ani? Bushe niwe Eliya?&#8221; Yoani ati, &#8220;Awe ine tene.&#8221; &#8220;Bushe niwe ulya kasesema?&#8221; Yoani abasuka ati, &#8220;Awe iyoo.&#8221; 22Kabili bamwipusha abati, &#8220;Kanshi niwe ani? Tuli nokuya eba abatutumine ifyo uleyasuka. Nga kanshi we mwine uletila niwe ani?&#8221; 23#Esaya 40:3Yoani ayasuka ati, &#8220;Ngomo kasesema Esaya alandile,</div><div class="q1">&#8220;&#8216;Nine shiwi lya ulebilikisha mu matololo lileti,</div><div class="q2">lungamikeni inshila umwakupita Imfumu.&#8217;&#8221;</div><div class="p"> 24Nomba Abafalise nabo batumako inkombe.#1:24 Nomba Abafalise nabo batumako inkombe: Ba Baibele bamo batila, &#8220;Nomba pali abo abatuminwe pali na Bafalise.&#8221; 25Inkombe shaipusha Yoani ashiti, &#8220;Nga kanshi cinshi ico ubatishisha nga tauli Kristu nangu Eliya nangu ulya kasesema?&#8221; 26Yoani abasuka ati, &#8220;Ine mbatisha ku menshi. Nomba apo muli palipo umo uo mushishibe. 27Akesa panuma yandi. Elyo ine nshilingile no kukakula inshinga sha ndyato shakwe.&#8221;</div><div class="p"> 28Ifi fyonse fyacitike mu Betani uko Yoani alebatisha, lubali lwa kwishilya lya mumana wa Yordani.</div><div class="s1">Yesu e Mwana wa mpaanga wakwa Lesa</div><div class="p"> 29Ubushiku bwakonkelepo, Yoani amwene Yesu aleisa uko ali, asosa ati, &#8220;Ala uyu, e Mwana wa mpaanga wakwa Lesa, uufumya ububifi bwa ba pano isonde. 30Kanshi uyu eo nalelandapo, ilyo naleti, &#8216;Umuntu alaisa panuma yandi. Alicindama ukuncila. Pantu ine nshilati mbeko ninshi wena eko aba.&#8217; 31Na ine wine nshamwishibe. Lelo umulandu naishile kukubatisha na menshi, ni pakuti asokoloke ku bena Israeli.&#8221;</div><div class="p"> 32Kabili Yoani alanda muli bukambone bwakwe ati, &#8220;Namwene Mupashi aleika ukufuma ku mulu kwati ni nkunda, aisa ikalilila pali Yesu. 33Na ine nshamwishibe nakalya. Lelo uwantumine kukubatisha ku menshi, anjebele ati, &#8216;Uo ukamona Mupashi amwikila, aisa ikalilila pali ena, uyo eukalabatisha kuli Mupashi.&#8217; 34Ee, naliimwena no kushininkisha ukuti, uyu e Mwana wakwa Lesa.&#8221;</div><div class="s1">Abasambi bakwa Yesu abakubalilapo</div><div class="p"> 35Ubushiku bwakonkelepo, Yoani kabili ali palya pene na basambi bakwe babili. 36Cilya Yesu alepita, Yoani amumona, alasosa ati, &#8220;Moneni, Umwana wa mpaanga wakwa Lesa!&#8221; 37Abasambi aba babili bati bomfwe ifyo Yoani alanda, baya kuli Yesu balamukonka. 38Yesu acebukila kunuma, amona balemukonka. Abepusha ati, &#8220;Cinshi mulefwaya?&#8221; Bamwasuka abati, &#8220;Rabi, (emukutila &#8216;Kafundisha,&#8217;) bushe ni kwi wikala?&#8221; 39Nao Yesu abasuka ati, &#8220;Iseni, mumone!&#8221; Awe nabo baya mona uko aleikala. Baikala nankwe ubo bushiku, cali mupepi na lilya akasuba kalasumbila kukuwa pa nshita ya 16:00: 40Pali aba babili abaumfwile ifyo Yoani alelanda, bakonka na Yesu, umo ni Andele munyina kwa Simoni Petelo. 41Icakubalilapofye Andele acitile, kuya alefwaya Simoni munyina. Amweba ati, &#8220;Natusanga Mesia,&#8221;#1:41 Mesia: Ili shiwi lya Cihibulu, mu Cigiriki ni Kristu. Calola mukuti &#8220;Umusubwa wakwa Lesa.&#8221; emukutila Kristu. 42Elyo aleta Simoni kuli Yesu. Yesu amulolesha, asosa ati, &#8220;Niwe Simoni mwana Yoani. Nomba wakulaitwa Kefa, ekutila &#8216;Petelo.&#8217;#1:42 Petelo Icalola mukuti, &#8220;Ilibwe.&#8221;&#8221;</div><div class="s1">Yesu aita Filipo na Natanaeli</div><div class="p"> 43Ubushiku bwakonkelepo, Yesu apangile ukuya ku Galile. Awe cilya asanga Filipo, amweba ati, &#8220;Nkonka.&#8221; 44Filipo ali umwina Betisaida umusumba umwaleikala Andele na Petelo. 45Elyo Filipo aya sanga Natanaeli. Alamweba ati, &#8220;Natusanga uo Mose alembapo mu mafunde kabili eo na bakasesema balembapo. Ala ni Yesu wa ku Nasaleti, mwana Yosefu.&#8221; 46Natanaeli amweba ati, &#8220;Bushe ku Nasaleti nako kuti kwafuma icintu icisuma?&#8221; Filipo amwasuka ati, &#8220;Isa, so imwene.&#8221;</div><div class="p"> 47Yesu cilya amona Natanaeli uko aleisa, alamulandapo ati, &#8220;Ala uyu e mwina Israeli wine wine uushaba na bufi.&#8221; 48Natanaeli epakwipusha Yesu ati, &#8220;Nga mwanjishiba shani?&#8221; Yesu amwasuka ati, &#8220;Nacikumona lilya wali wikele mwisamba lya mukunyu ninshi Filipo talati akwite.&#8221; 49Natanaeli amwasuka ati, &#8220;Kafundisha, uli Mwana wakwa Lesa, uli Mfumu ya bena Israeli!&#8221; 50Yesu amwasuka ati, &#8220;Bushe wasumina icofye nakweba ati, &#8216;Nacikumona mwisamba lya mukunyu?&#8217; Ala ukamona ifintu ifyacila pali ici.&#8221; 51#Icite 28:12Elyo alundapo ati, &#8220;Ndemweba icine cine, mukamona umulu wacenama, na bamalaika bakwa Lesa balenina no kwika apali Umwana wa muntu!&#8221;</div>
 </div>
 </div>
</div>

Ukufumafye ku citendekelo, Lishiwi eko ali. Lishiwi ali pamo na Lesa. Kabili Lishiwi ali ni Lesa. Lishiwi ali pamo na Lesa ukufumafye ku citendekelo. Ni kuli Lishiwi Lesa abumbile ifintu fyonse. Tapaba nelyo cimo ico Lesa abumba ukwabula Lishiwi. Muli Lishiwi mwaba umweo, noyu mweo waba ulubuuto ku bantu. Ulubuuto lusanika mu mfifi, pantu imfifi yalifilwa ukulushimya.
Lesa atumine umuntu, ishina lyakwe ni Yoani. Yoani epakwisa nga kambone, pakuti apeele bukambone pa lubuuto. Epakuti bonse abalemumfwa basumine. Yoani wena tali lubuuto. Lelo aishile pakupeela bukambone ku lubuuto. Lishiwi ewali e lubuuto lwacine cine. Ewaisa pano isonde kukusanikila umuntu onse.
Lishiwi ali pano isonde. Ni muli Lishiwi Lesa abumbile isonde. Nomba abantu ba pano sonde tabamwishibe. Lishiwi aishile mu calo cakwe, nomba abantu bakwe tabamupokelele. Lelo bonse abamupokelela, bamusumina no kumusumina, ena abapeela amaka yakuba abana bakwa Lesa. Baba abana bakwa Lesa te mu musango wabumuntu, nangu ukufwaya kwa bantu, nangu ukufwaya kwa mwaume, awe iyoo, ni Lesa fye umwine ku maka yakwe.
Awe Lishiwi aishile aluka umuntu. Aisa ikala na ifwe. Twalimona ubucindami bwakwe. Ubucindami bwa Mwana uwabafye umo mpo, ubo apoka ukufuma kuli Wishi. Alikwatisha icikuuku ne cishinka.
Yoani alimwiminine bukambone ilyo alebila ati, “Euyu naleeba nati, uukankonka panuma, alicila ine. Pantu ine nshilabako ninshi wena eko aba!”
Nico wacikuuku nganshi eco na ifwe bonse tushukilako amapaalo na mapaalo. Mose ewaletele amafunde, lelo icikuuku ne cishinka fyena ni Yesu Kristu ewaleta. Takwaba nangu umo uwatala amona Lesa, kanofye Mwane umo mpo, Lesa wine uwikala mu ceni cakwa Wishi, ewaisa musokolola.


Ubu e bukambone bwakwa Yoani. Abayuda ba mu Yerusalemu batile ilyo batuma bashimapepo na bena Levi kuli Yoani, baisa kukumwipusha abati, “Bushe niwe ani?” Yoani tafishile, ayasukafye apabuuta tuutu ati, “Ine nshili Kristu.” Elyo bamwipusha abati, “Kanshi niwe ani? Bushe niwe Eliya?” Yoani ati, “Awe ine tene.” “Bushe niwe ulya kasesema?” Yoani abasuka ati, “Awe iyoo.” Kabili bamwipusha abati, “Kanshi niwe ani? Tuli nokuya eba abatutumine ifyo uleyasuka. Nga kanshi we mwine uletila niwe ani?” Yoani ayasuka ati, “Ngomo kasesema Esaya alandile,
“‘Nine shiwi lya ulebilikisha mu matololo lileti,
lungamikeni inshila umwakupita Imfumu.’”
Nomba Abafalise nabo batumako inkombe. Inkombe shaipusha Yoani ashiti, “Nga kanshi cinshi ico ubatishisha nga tauli Kristu nangu Eliya nangu ulya kasesema?” Yoani abasuka ati, “Ine mbatisha ku menshi. Nomba apo muli palipo umo uo mushishibe. Akesa panuma yandi. Elyo ine nshilingile no kukakula inshinga sha ndyato shakwe.”
Ifi fyonse fyacitike mu Betani uko Yoani alebatisha, lubali lwa kwishilya lya mumana wa Yordani.

Ubushiku bwakonkelepo, Yoani amwene Yesu aleisa uko ali, asosa ati, “Ala uyu, e Mwana wa mpaanga wakwa Lesa, uufumya ububifi bwa ba pano isonde. Kanshi uyu eo nalelandapo, ilyo naleti, ‘Umuntu alaisa panuma yandi. Alicindama ukuncila. Pantu ine nshilati mbeko ninshi wena eko aba.’ Na ine wine nshamwishibe. Lelo umulandu naishile kukubatisha na menshi, ni pakuti asokoloke ku bena Israeli.”
Kabili Yoani alanda muli bukambone bwakwe ati, “Namwene Mupashi aleika ukufuma ku mulu kwati ni nkunda, aisa ikalilila pali Yesu. Na ine nshamwishibe nakalya. Lelo uwantumine kukubatisha ku menshi, anjebele ati, ‘Uo ukamona Mupashi amwikila, aisa ikalilila pali ena, uyo eukalabatisha kuli Mupashi.’ Ee, naliimwena no kushininkisha ukuti, uyu e Mwana wakwa Lesa.”

Ubushiku bwakonkelepo, Yoani kabili ali palya pene na basambi bakwe babili. Cilya Yesu alepita, Yoani amumona, alasosa ati, “Moneni, Umwana wa mpaanga wakwa Lesa!” Abasambi aba babili bati bomfwe ifyo Yoani alanda, baya kuli Yesu balamukonka. Yesu acebukila kunuma, amona balemukonka. Abepusha ati, “Cinshi mulefwaya?” Bamwasuka abati, “Rabi, (emukutila ‘Kafundisha,’) bushe ni kwi wikala?” Nao Yesu abasuka ati, “Iseni, mumone!” Awe nabo baya mona uko aleikala. Baikala nankwe ubo bushiku, cali mupepi na lilya akasuba kalasumbila kukuwa pa nshita ya 16:00: Pali aba babili abaumfwile ifyo Yoani alelanda, bakonka na Yesu, umo ni Andele munyina kwa Simoni Petelo. Icakubalilapofye Andele acitile, kuya alefwaya Simoni munyina. Amweba ati, “Natusanga Mesia,” emukutila Kristu. Elyo aleta Simoni kuli Yesu. Yesu amulolesha, asosa ati, “Niwe Simoni mwana Yoani. Nomba wakulaitwa Kefa, ekutila ‘Petelo.’”

Ubushiku bwakonkelepo, Yesu apangile ukuya ku Galile. Awe cilya asanga Filipo, amweba ati, “Nkonka.” Filipo ali umwina Betisaida umusumba umwaleikala Andele na Petelo. Elyo Filipo aya sanga Natanaeli. Alamweba ati, “Natusanga uo Mose alembapo mu mafunde kabili eo na bakasesema balembapo. Ala ni Yesu wa ku Nasaleti, mwana Yosefu.” Natanaeli amweba ati, “Bushe ku Nasaleti nako kuti kwafuma icintu icisuma?” Filipo amwasuka ati, “Isa, so imwene.”
Yesu cilya amona Natanaeli uko aleisa, alamulandapo ati, “Ala uyu e mwina Israeli wine wine uushaba na bufi.” Natanaeli epakwipusha Yesu ati, “Nga mwanjishiba shani?” Yesu amwasuka ati, “Nacikumona lilya wali wikele mwisamba lya mukunyu ninshi Filipo talati akwite.” Natanaeli amwasuka ati, “Kafundisha, uli Mwana wakwa Lesa, uli Mfumu ya bena Israeli!” Yesu amwasuka ati, “Bushe wasumina icofye nakweba ati, ‘Nacikumona mwisamba lya mukunyu?’ Ala ukamona ifintu ifyacila pali ici.” Elyo alundapo ati, “Ndemweba icine cine, mukamona umulu wacenama, na bamalaika bakwa Lesa balenina no kwika apali Umwana wa muntu!”

Phulaphula i Yoani 1