Mizo (Lushai) Audio Bible (Dramatized) (BSI)

Pathian Lehkhabu Thianghlim

<div class="version vid1048 iso6393lus" data-vid="1048" data-iso6393="lus">
 <div class="book bkJHN">
 <div class="chapter ch4" data-usfm="JHN.4">
 <div class="label">4</div><div class="s1">Isua leh Samari Hmeichhia</div><div class="p"> 1Farisai-ten Johana aiin Isuan zirt&#238;r tam z&#226;wk a siam a, a baptis tih an hria tih Isuan a hriat chuan, #Jn. 3:22. 2Isua tak chuan a baptis lo va, a zirt&#238;rten an baptis z&#226;wk a ni. 3Judai ram a chhuahsan a, Galili ramah a k&#238;r leh ta a. 4Samari ram a kal tlang a ngai a.</div><div class="p"> 5Samari rama khaw pakhat, Sukar an tih chu a va thleng a, chu chu Jakoban a fapa Josefa ram a p&#234;k kianga awm a ni.#Gen. 33:19; Jos. 24:32. 6Jakoba tuichhunchhuah pawh chutah chuan a awm a. Isua chu a kal hah &#234;m av&#226;ngin tuichhunchhuah s&#238;rah chuan a &#7789;hu chawt a. Chh&#251;n lai tak a ni.</div><div class="p"> 7Samari hmeichhia tui chawi t&#251;rin a lo kal a. Isua chuan, &#8220;In t&#251;r mi pe rawh,&#8221; a lo ti a. 8A zirt&#238;rte chu ei t&#251;r leiin khuaah an kal tawh a ni. 9Hmeichhia chuan, &#8220;Nang Juda mi i ni a, kei Samari hmeichhia ka ni a, engtiziaa in t&#251;r mi d&#238;l nge maw i nih le?&#8221; a ti a (Juda-te leh Samari miten eng mah an inhman &#7789;&#226;wm ngai lo va).#4:9 Mss &#7789;henkhatah kual khung chh&#251;nga mi hi a chuang ve lo, &#8216;an ink&#226;wm n&#234;l ngai lo,&#8217; tih theih a ni bawk. #Ezra 4:1-5; Neh. 4:1,2.</div><div class="p"> 10Isuan a chh&#226;ng a, &#8220;Pathian thilp&#234;k leh i hn&#234;na, &#8216;In t&#251;r mi pe rawh,&#8217; titu hi hria ni la chuan, a hn&#234;nah i d&#238;l z&#226;wk ang a, ani chuan tui nung#4:10 &#8216;tui luang&#8217; tihna a ni bawk. a pe t&#251;r che a ni,&#8221; a ti a. #Jn. 7:37; Thup. 21:6; 2:17. 11Hmeichhia chuan, &#8220;Ka pu, khai chhuahna t&#251;r eng mah i nei si lo va, tuichhunchhuah a th&#251;k vei n&#234;n, khawi ata nge tui nung chu i neih? 12Kan pu Jakoba aiin i ropui z&#226;wk em ni? Ani chuan he tuichhunchhuah hi min pe a, amah leh a fate leh a ran rualte pawhin heta mi hi an in &#7789;h&#238;n,&#8221; a ti a. 13Isuan, &#8220;Tu pawh he tui in apiang an tuih&#226;l leh ang; 14tu pawh an hn&#234;na ka p&#234;k t&#251;r tui in erawh chu an tuih&#226;l leh tawh lo vang. An hn&#234;na ka p&#234;k t&#251;r chu, an kawchh&#251;ngah tuihnaah a lo chang ang a, chatuan thlengin a kang lo vang,&#8221; a ti a. #Jn. 6:35; 7:38.</div><div class="p"> 15Hmeichhia chuan, &#8220;Ka pu, chu tui chu mi pe rawh, ka tuih&#226;l tawh loh n&#226;n leh h&#234;ng thleng thlenga tui chawi t&#251;ra ka lo kal tawh loh n&#226;n,&#8221; a ti a. 16Isuan, &#8220;I pasal va ko la, hetah lo k&#238;r leh ang che,&#8221; a ti a. 17Hmeichhia chuan, &#8220;Pasal ka nei hlei n&#234;m,&#8221; a ti a. Isuan, &#8220; &#8216;Pasal ka nei hlei n&#234;m,&#8217; i tih hi i ti dik e; 18Pasal panga i nei tawh a, t&#251;na i neih lai hi i pasal a ni lo r&#234;ng a ni. I sawi chu a dik e,&#8221; a ti a. #2 Lal. 17:24; Hos. 2:7. 19Hmeichhia chuan, &#8220;Ka pu, z&#226;wlnei i ni tih ka hre ta. 20Min thlahtute chuan he tl&#226;ngah hian Pathian chibai an b&#251;k &#7789;h&#238;n a, nangni erawh chuan, &#8216;Miten Jerusalem-ah ngei Pathian chibai an b&#251;k t&#251;r a ni,&#8217; in ti a,&#8221; a ti a. #Deut. 11:29; Jos. 8:35.</div><div class="p"> 21Isuan, &#8220;Hmeichhia, ka thu awih rawh, he tl&#226;ngah kher lo pawh, Jerusalem-ah kher lo pawh Pa chibai in b&#251;k hun a thleng d&#226;wn.#Mal. 1:11. 22Nangnin in hriat loh chibai in b&#251;k &#7789;h&#238;n, keinin kan hriat chu chibai kan b&#251;k &#7789;h&#238;n; chhandamna chu Juda-te hn&#234;n ata lo chhuak a ni si a.#2 Lal. 17:29-41; Isa. 2:3; Rom. 9:4. 23Nimahsela, a hun a thleng d&#226;wn, t&#251;nah pawh a thleng tawh m&#234;k, Pathian chibai b&#251;ktu tak takten thlarau leh thutakin Pa chibai an b&#251;k tawh ang. Chutiang mi chu Pain amah chibai b&#251;k t&#251;rin a zawng a ni. 24Pathian chu thlarau a ni a, amah chibai b&#251;ktuten thlarau leh thutakin chibai an b&#251;k t&#251;r a ni,&#8221; a ti a.#Fil. 3:3. 25Hmeichhia chuan, &#8220;Mesia, Krista an tih chu, a lo kal d&#226;wn tih ka hria. A lo kal hun chuan engkim min la hrilh ang,&#8221; a ti a. 26Isuan a chh&#226;ng a, &#8220;Kei, a betu che hi amah chu ka ni,&#8221; a ti a.</div><div class="p"> 27Chumi lai chuan zirt&#238;rte chu an lo thleng tawh a, hmeichhia a bia an rawn hmuh chuan mak an ti hle a. Nimahsela, tu mahin, &#8220;Eng nge i duh?&#8221; emaw, &#8220;Engah nge hmeichhia i biak?&#8221; emaw an ti lo. 28Hmeichhia chuan a tuib&#234;l a kalsan a, khuaah a k&#238;r a, khuaa mite hn&#234;nah chuan, 29&#8220;Mi pakhat, ka thiltih apiang mi hrilh thei vektu a awm a, lo kal ula, va en teh u, Krista a ni thei &#226;wm emaw,&#8221; a ti a. #Mt. 12:23; Jn. 7:26. 30Tichuan, khua ata chu an chhuak a, Isua hn&#234;nah an kal ta a. 31Chumi hl&#226;n chuan zirt&#238;rte chuan, &#8220;Zirt&#238;rtu, ei rawh,&#8221; tiin an ng&#234;n a. 32Ani lah chuan, &#8220;In hriat loh chaw ei t&#251;r ka nei e,&#8221; a ti mai si a. #Mt. 4:4. 33Zirt&#238;rte chuan, &#8220;Tuten emaw chaw an rawn pe em ni chu le?&#8221; tiin an inz&#226;wt ta hlawm a.</div><div class="p"> 34Isuan an hn&#234;nah, &#8220;Mi t&#238;rtu duhz&#226;wng tih leh a hna thawh zawh chu ka chaw a ni. 35&#8216;Thla li-ah buh seng a hun ang,&#8217; in ti &#7789;h&#238;n a ni l&#226;wm ni? D&#226;k chhuak ula, lote en v&#234;l rawh u, buhte chu seng mai theihin a &#234;ng tawh tih ka hrilh che u hi. 36Buh sengtu chuan hlawh a hmu ngh&#226;l tawh a, chatuan nun at&#226;n a seng kh&#226;wm m&#234;k a ni, a phuntu leh a sengtu chu an hlim dun theih n&#226;n. #Mt. 9:37; Lk. 10:2. 37&#8216;Mi pakhatin a tuh a, mi dangin a seng a,&#8217; tih thu hi a dik a ni. #Job. 31:8; Mik. 6:15; Mt. 13:57; Mk. 6:4; Lk. 4:24. 38In thawhrim rah ni lo seng t&#251;rin ka tirh che u hi, mi dangin an thawk a, an thawhrim rah in seng a ni,&#8221; a ti a.</div><div class="p"> 39Hmeichhiain, &#8220;Ka thiltih apiang mi hrilh thei vek,&#8221; a tih av&#226;ng kh&#226;n chumi khuaa Samari mi tam takin Isua an ring ta a. 40Samari mite Isua hn&#234;n an lo thlen chuan an hn&#234;nah ch&#226;m t&#251;rin an ng&#234;n a, chu khuaah chuan ni hnih a ch&#226;m ta a. 41A thu an hriat chuan mi dang tam tak pawhin an ring ta a. 42Tin, hmeichhe hn&#234;nah chuan, &#8220;T&#251;nah zawng i thu sawi av&#226;nga ring kan ni ta lo, keimahni ngeiin a thu sawi kan hria a, he mi hi khawv&#234;l chhandamtu a ni ngei tih kan hre ta,&#8221; an ti a.</div><div class="s1">Isuan milian fapa a tidam</div><div class="r">(Mt. 8:5-13; Mk. 7:1-10)</div><div class="p"> 43Ni hnih hnu chuan chuta &#7789;angin Galili ramah a kal ta a. 44Amah Isua ngeiin, &#8220;Z&#226;wlnei chu ama ram lamah chawimawiin a awm lo,&#8221; a lo ti tawh si a. 45Galili ram a va thlen erawh chuan, Galili mite chuan an lo l&#226;wm hle a; Jerusalem-a Kalhl&#234;n K&#251;t chhimin an han kal a, k&#251;t laia a thiltih engkim an han hmuh av&#226;ngin. #Jn. 2:23.</div><div class="p"> 46Isua chuan Galili rama Kana, tui uaina a chant&#238;rna khua kha a va thleng leh a. Kapernaum-ah sawrk&#226;r milian tak pakhat fapa damlo a awm a.#Jn. 2:1-11. #Mt. 8:5-10; Lk. 7:2-10. 47Chu mi chuan Isua, Judai ram a&#7789;angin Galili ramah a lo kal tih a hriatin a hn&#234;nah a han kal a, a fapa thi lek lek tidam t&#251;rin Kapernaum-a chhukah a s&#226;wm a. 48Isuan a hn&#234;nah, &#8220;Chhinchhiahna leh thil mak tih in hmuh loh chuan in ring tawp lo vang,&#8221; a ti a. 49Chu mi chuan, &#8220;Ka pu, ka fapa chu a thih hmain lo kal hr&#226;m rawh,&#8221; a ti a. 50Isuan, &#8220;Kal mai rawh; i fapa chu a dam ta,&#8221; a ti a. Ani chuan Isua thu sawi chu a ring a, a kal ta a. 51A zu haw chu kawngah a chhiahhlawhten an lo hmuak a, &#8220;I fapa chu a dam ta e,&#8221; an lo ti a. 52A fapa lo dam leh &#7789;an hun chu a z&#226;wt hlawm a. Anni chuan, &#8220;Nimin chh&#251;n d&#226;r khatah kh&#226;n a khawsikin a thlah ta a ni,&#8221; an ti a. 53Naupang pa chuan chumi lai tak chu Isuan, &#8220;I fapa chu a dam ta,&#8221; a hn&#234;na a tih hun kha a ni tih a hre ta a. Tichuan, an chh&#251;ngin an ring ta a. 54Chu chu Isua Judai ram a&#7789;anga Galili rama a kal hnua chhinchhiahna thil mak a tih vawi hnihna a ni.</div>
 </div>
 </div>
</div>

Farisai-ten Johana aiin Isuan zirtîr tam zâwk a siam a, a baptis tih an hria tih Isuan a hriat chuan, Isua tak chuan a baptis lo va, a zirtîrten an baptis zâwk a ni. Judai ram a chhuahsan a, Galili ramah a kîr leh ta a. Samari ram a kal tlang a ngai a.
Samari rama khaw pakhat, Sukar an tih chu a va thleng a, chu chu Jakoban a fapa Josefa ram a pêk kianga awm a ni. Jakoba tuichhunchhuah pawh chutah chuan a awm a. Isua chu a kal hah êm avângin tuichhunchhuah sîrah chuan a ṭhu chawt a. Chhûn lai tak a ni.
Samari hmeichhia tui chawi tûrin a lo kal a. Isua chuan, “In tûr mi pe rawh,” a lo ti a. A zirtîrte chu ei tûr leiin khuaah an kal tawh a ni. Hmeichhia chuan, “Nang Juda mi i ni a, kei Samari hmeichhia ka ni a, engtiziaa in tûr mi dîl nge maw i nih le?” a ti a (Juda-te leh Samari miten eng mah an inhman ṭâwm ngai lo va).
Isuan a chhâng a, “Pathian thilpêk leh i hnêna, ‘In tûr mi pe rawh,’ titu hi hria ni la chuan, a hnênah i dîl zâwk ang a, ani chuan tui nung a pe tûr che a ni,” a ti a. Hmeichhia chuan, “Ka pu, khai chhuahna tûr eng mah i nei si lo va, tuichhunchhuah a thûk vei nên, khawi ata nge tui nung chu i neih? Kan pu Jakoba aiin i ropui zâwk em ni? Ani chuan he tuichhunchhuah hi min pe a, amah leh a fate leh a ran rualte pawhin heta mi hi an in ṭhîn,” a ti a. Isuan, “Tu pawh he tui in apiang an tuihâl leh ang; tu pawh an hnêna ka pêk tûr tui in erawh chu an tuihâl leh tawh lo vang. An hnêna ka pêk tûr chu, an kawchhûngah tuihnaah a lo chang ang a, chatuan thlengin a kang lo vang,” a ti a.
Hmeichhia chuan, “Ka pu, chu tui chu mi pe rawh, ka tuihâl tawh loh nân leh hêng thleng thlenga tui chawi tûra ka lo kal tawh loh nân,” a ti a. Isuan, “I pasal va ko la, hetah lo kîr leh ang che,” a ti a. Hmeichhia chuan, “Pasal ka nei hlei nêm,” a ti a. Isuan, “ ‘Pasal ka nei hlei nêm,’ i tih hi i ti dik e; Pasal panga i nei tawh a, tûna i neih lai hi i pasal a ni lo rêng a ni. I sawi chu a dik e,” a ti a. Hmeichhia chuan, “Ka pu, zâwlnei i ni tih ka hre ta. Min thlahtute chuan he tlângah hian Pathian chibai an bûk ṭhîn a, nangni erawh chuan, ‘Miten Jerusalem-ah ngei Pathian chibai an bûk tûr a ni,’ in ti a,” a ti a.
Isuan, “Hmeichhia, ka thu awih rawh, he tlângah kher lo pawh, Jerusalem-ah kher lo pawh Pa chibai in bûk hun a thleng dâwn. Nangnin in hriat loh chibai in bûk ṭhîn, keinin kan hriat chu chibai kan bûk ṭhîn; chhandamna chu Juda-te hnên ata lo chhuak a ni si a. Nimahsela, a hun a thleng dâwn, tûnah pawh a thleng tawh mêk, Pathian chibai bûktu tak takten thlarau leh thutakin Pa chibai an bûk tawh ang. Chutiang mi chu Pain amah chibai bûk tûrin a zawng a ni. Pathian chu thlarau a ni a, amah chibai bûktuten thlarau leh thutakin chibai an bûk tûr a ni,” a ti a. Hmeichhia chuan, “Mesia, Krista an tih chu, a lo kal dâwn tih ka hria. A lo kal hun chuan engkim min la hrilh ang,” a ti a. Isuan a chhâng a, “Kei, a betu che hi amah chu ka ni,” a ti a.
Chumi lai chuan zirtîrte chu an lo thleng tawh a, hmeichhia a bia an rawn hmuh chuan mak an ti hle a. Nimahsela, tu mahin, “Eng nge i duh?” emaw, “Engah nge hmeichhia i biak?” emaw an ti lo. Hmeichhia chuan a tuibêl a kalsan a, khuaah a kîr a, khuaa mite hnênah chuan, “Mi pakhat, ka thiltih apiang mi hrilh thei vektu a awm a, lo kal ula, va en teh u, Krista a ni thei âwm emaw,” a ti a. Tichuan, khua ata chu an chhuak a, Isua hnênah an kal ta a. Chumi hlân chuan zirtîrte chuan, “Zirtîrtu, ei rawh,” tiin an ngên a. Ani lah chuan, “In hriat loh chaw ei tûr ka nei e,” a ti mai si a. Zirtîrte chuan, “Tuten emaw chaw an rawn pe em ni chu le?” tiin an inzâwt ta hlawm a.
Isuan an hnênah, “Mi tîrtu duhzâwng tih leh a hna thawh zawh chu ka chaw a ni. ‘Thla li-ah buh seng a hun ang,’ in ti ṭhîn a ni lâwm ni? Dâk chhuak ula, lote en vêl rawh u, buhte chu seng mai theihin a êng tawh tih ka hrilh che u hi. Buh sengtu chuan hlawh a hmu nghâl tawh a, chatuan nun atân a seng khâwm mêk a ni, a phuntu leh a sengtu chu an hlim dun theih nân. ‘Mi pakhatin a tuh a, mi dangin a seng a,’ tih thu hi a dik a ni. In thawhrim rah ni lo seng tûrin ka tirh che u hi, mi dangin an thawk a, an thawhrim rah in seng a ni,” a ti a.
Hmeichhiain, “Ka thiltih apiang mi hrilh thei vek,” a tih avâng khân chumi khuaa Samari mi tam takin Isua an ring ta a. Samari mite Isua hnên an lo thlen chuan an hnênah châm tûrin an ngên a, chu khuaah chuan ni hnih a châm ta a. A thu an hriat chuan mi dang tam tak pawhin an ring ta a. Tin, hmeichhe hnênah chuan, “Tûnah zawng i thu sawi avânga ring kan ni ta lo, keimahni ngeiin a thu sawi kan hria a, he mi hi khawvêl chhandamtu a ni ngei tih kan hre ta,” an ti a.


Ni hnih hnu chuan chuta ṭangin Galili ramah a kal ta a. Amah Isua ngeiin, “Zâwlnei chu ama ram lamah chawimawiin a awm lo,” a lo ti tawh si a. Galili ram a va thlen erawh chuan, Galili mite chuan an lo lâwm hle a; Jerusalem-a Kalhlên Kût chhimin an han kal a, kût laia a thiltih engkim an han hmuh avângin.
Isua chuan Galili rama Kana, tui uaina a chantîrna khua kha a va thleng leh a. Kapernaum-ah sawrkâr milian tak pakhat fapa damlo a awm a. Chu mi chuan Isua, Judai ram aṭangin Galili ramah a lo kal tih a hriatin a hnênah a han kal a, a fapa thi lek lek tidam tûrin Kapernaum-a chhukah a sâwm a. Isuan a hnênah, “Chhinchhiahna leh thil mak tih in hmuh loh chuan in ring tawp lo vang,” a ti a. Chu mi chuan, “Ka pu, ka fapa chu a thih hmain lo kal hrâm rawh,” a ti a. Isuan, “Kal mai rawh; i fapa chu a dam ta,” a ti a. Ani chuan Isua thu sawi chu a ring a, a kal ta a. A zu haw chu kawngah a chhiahhlawhten an lo hmuak a, “I fapa chu a dam ta e,” an lo ti a. A fapa lo dam leh ṭan hun chu a zâwt hlawm a. Anni chuan, “Nimin chhûn dâr khatah khân a khawsikin a thlah ta a ni,” an ti a. Naupang pa chuan chumi lai tak chu Isuan, “I fapa chu a dam ta,” a hnêna a tih hun kha a ni tih a hre ta a. Tichuan, an chhûngin an ring ta a. Chu chu Isua Judai ram aṭanga Galili rama a kal hnua chhinchhiahna thil mak a tih vawi hnihna a ni.

Phulaphula i JOHANA 4