الٰہی رہنمائینمونہ

رابطہ رکھیں

جب مجھے اس بات کا احساس ہوا کہ میں صرف چرچ میں خدمت کے لئے نہیں بنا، میں دوسروں کی خدمت کے لئے بھی بنا ہوں، میری زندگی میں دوسروں سے رابطہ زیادہ ضروری ہو گیا۔ آپ رابطہ رکھے بغیر کسی کی خدمت نہیں کر سکتے۔ اور جس سے آپ رابطہ میں ہیں وہ آپ کی زندگی کی کہانی کو تبدیل کر دے گا۔ مکمل تاریخ میں یہ سچائی برقرار رہی ہیں۔ آج ہم اس انسان سے سیکھیں گے جس نے نئے عہد نامہ کا ایک تہائی حصہ تحریر کیا یعنی پولس رسول۔

پولس ہمیشہ مسیحی نہیں تھا۔ یسوع کا پیروکار ہونے سے پہلے وہ ساؤل تھا جو ترسس کے شہر سے تعلق رکھتا تھا، وہ ایک غضب ناک شخص تھا جو مسیحیوں پر ظلم کرتا اور ان کو قتل کرتا تھا۔ اگر آپ کو یسوع کے لئے جمع ہونے والے لوگ پسند نہیں تو آپ کو پولس بہت اچھا لگتا۔ مگر وہ ان لوگوں کو مارتے مارتے، جو ایمان رکھتے تھے کہ یسوع مردوں میں سے جی اٹھا، ان جیسا ہی ہو گیا۔

اس کی تبدیلی بہت بڑی، بنیادی اور زندگی کو مکمل بدل دینے والی تھی کہ ساؤل (جس کا نام پولس رکھا گیا) فوراً دوسروں کو یسوع کے بارے میں بتانے لگا۔ مسئلہ یہ تھا کہ کوئی مسیحی اس پر یقین نہیں کر رہا تھا اور ان کے پاس وجہ بھی ٹھیک تھی۔

اعمال کی کتاب اس کو آسان زبان میں بیان کرتی ہے: اُس نے یروشلِیم میں پُہنچ کر شاگِردوں میں مِل جانے کی کوشِش کی اور سب اُس سے ڈرتے تھے کیونکہ اُن کو یقِین نہ آتا تھا کہ یہ شاگِرد ہے۔ اعمال 9 : 26۔ آپ شاگردوں کی اس احتیاط کو غلط نہیں کہہ سکتے۔ میں ایسے شخص کو بائبل کی تعلیم دینے نہیں دوں گا جو ایک ماہ پہلے مسیحیوں کو قتل کر رہا تھا! کیا آپ اسے ایسا کرنے دیں گے؟

پولس کے لئے یہ ایک مسئلہ تھا۔ وہ مسیحی لوگوں میں اپنی قدر کھو چکاتھا۔ پولس کسی سے ملنا چاہتا تھا تاکہ وہ اسے اپنی نئے جزبہ کے بارے میں بتا سکے۔ جب پولس نے رابطہ کا ارادہ کیا تو نہ صرف اس کی کہانی تبدیل ہو گئی؛ بلکہ اس نے تو تاریخ ہی بدل کر رکھ دی۔ آپ دیکھ سکتے ہیں، پولس اپنی زندگی کے مقصد کو بدلنے کے لئے، صرف ایک دوست کی دوری پر تھا۔ اور اس دوست کا نام برنباس تھا۔

آپ بھی ایک دوست کی دوری پر ہو سکتے ہیں اپنی کہانی تبدیل کرنے کے لئے۔