app حاصل کریںالٰہی رہنمائینمونہ
ٹھہریئے
میں نے بہت دفعہ سوچا کہ میری زندگی کیسی ہو گی جب میں ان چیزوں کے پیچے بھاگنا چھوڑ دوں گا جو میری سوچ کے مطابق اہم ہیں۔ شاید میں اپنی کہانی کو ایسے بیان کروں، "ہاں، میں پادری بننا چاہتا تھا مگر حالات نے اجازت نہ دی اور میں اس کام کو نہ کر سکا۔ ایسے ہی ہماری زندگی میں ہوتا ہے۔"
یہ مناسب بات ہے کہ آپ کو اپنی زندگی کے مختلف اوقات میں طرح طرح کی پریشانیوں کا سامنا ہوگا: ایک ایسا سرپرست جس کی رہنمائی میں آپ کام کرنا نہیں چاہتے، ایک ایسا تعلق جس سے آپ تنگ ہیں، ایک ایسا کام جس کو انجام دینے کے لئے وسائل موجود نہیں، ایک وقعہ جس کی وجہ سے آپ کا منصوبہ برباد ہو گیا۔ جب آپ کی زندگی میں مشکلات آتی ہیں، یہ عام سی بات ہے کہ آپ کے لئے فیصلہ کرنا بہت مشکل اور زندگی بدل دینے کے برابر ہوتا ہے۔ آپ ایسے سوالات میں پھنس جاتے ہیں۔
- کیا مجھے موقع سے فائدہ اٹھا کر اس ملازمت کو ترک کر دینا چاہئے اور کسی اور ملازمت کو تلاش کرنا چاہئے؟
- میرے جیون ساتھی کے کسی اور کے ساتھ تعلقات کو جان جانے کے بعد کیا میں اسے چھوڑ دوں؟
- کیا میں اس کاروبار کو چلانے کے لئے آیا ہوں؟ کیا مجھ اپنے نقصان کو پورا کرنا چاہئے اس سے پہلے کہ حالات اور خراب ہو جائیں؟
ان تمام مثالوں میں اور ہماری زندگی کے اہم انتخابات میں آپ بہت ہی مشکل میں پھنسے ہوتے ہیں اور یہ وقت اہم فیصلے کا ہوتا ہے آپ پھر سوچتے ہیں کہ کیا میں ٹھہروں یا آگے بڑھ جاؤں؟
کیا میں اس کام کو چھوڑنے کا انتخاب کر رہا ہوں کیونکہ مجھے لگتا ہے کہ یہ ٹھیک ہے یا مجھے یہ آسان لگ رہا ہے؟
اکثر ٹھہر جانے کا فیصلہ اس سے اچھا اور فائدہ مند ہوتا ہے کہ ہم آسانی سے چھوڑ کر چلے جائیں۔ میں یہ نہیں کہہ رہا کہ ہر قسم کی صورت حال میں ہمیں چھوڑنا نہیں چائیں، مگر فیصلہ کرنے سے پہلے اپنے آپ سے پوچھیں، "میرا چھوڑنا ٹھیک ہے یا مجھے یہ آسان لگ رہا ہے؟" اکثر ایمان کا عظیم کام ہوتا ہے کہ اس جگہ بنے رہنا جہاں آپ کو لگایا گیا ہے۔ سالوں پہلے اگر آپ یاد کریں تو آپ خدا کا شکر کریں گے کہ آپ نے ٹھہرنے کا فیصلہ کیا جب کہ چھوڑ دینا آسان تھا۔
یاد رکھیں، خدا نے آپ کو اپنی شبیہ پر بنایا ہے اور وہ آپ کی کہانی کا مصنف اور مکمل کرنے والا ہے۔ آپ چھوڑ دینے والے نہیں ہیں، آپ مکمل کرنے والے ہیں۔
دعا کریں: اے خدا، کیا میں کسی کام کو چھوڑنا چاہتا ہوں، جو تو چاہتا ہے کہ میں ٹھہر کر مکمل کروں؟ کیا تو مجھے طاقت عطا کرے گا کہ میں اس کو لے کر چلوں؟ آمین۔
مطالعاتی منصوبہ کا تعارف
ہر روز، ہم مختلف انتخاب کرتے ہیں جو ہماری زندگی کی کہانی بن جاتے ہیں۔ آپ کی زندگی کیسی لگے گی جب آپ انتخاب کرنے کے ماہر ہو جائیں گے؟ اس الٰہی رہنمائی کے مطالعاتی منصوبہ کے مصنف جو کہ New York Times کے ایسے لکھاری ہیں جن کی تصانیف بہت زیادہ لوگ خریدتے ہیں اور وہ Life.Church کے بزرگ پادری ہیں، ان کا نام Craig Groeschel ہے، وہ سات اصولوں سے جو ان کی کتاب الٰہی رہبمائی میں سے آپ کی مدد کریں گے کہ آپ اپنے روز مرہ کے فیصلوں میں خدا کی حکمت حاصل کر سکیں۔ روحانی رہنمائی تلاش کریں جس سے ایک ایسی زندگی گزار سکیں جس کی کہانی سناتے ہوئے آپ خدا کی تعظیم کرتے ہوئے خوش ہوں۔
More
