Luk 15
15
Chukfʋlhpoba kʋnia nan isht ʋlhpisa, 1; 8 mikmʋt tʋli hʋta tushafa kʋnia nan‐isht‐ʋlhpisa aiena. 11 Hatak himita ik hoyoyukso nan isht ʋlhpisa.
1Yʋmma foka ma pʋblikan ʋhleha, micha nan‐ashʋchi okla aiena kʋt i̱ haponakla chi̱ kʋt, momʋt auet a kanʋlli tok.
2Yohmi ma Falisi ʋhleha hʋt micha na‐holissochi ʋhleha aiena kash ot lumasit na‐mihachit, Hatak ilʋppʋt nan‐ashʋchi ʋhleha hʋt ilapa̱ ai ibafohka chi̱ ka ahninchit, it ibai impa yoke, achi tok.
3Mihma yʋmmak ash ot nan‐isht‐ʋlhpisa ilʋppa isht im anumpuli mʋt,
4Hatak hʋsh katima kak osh chukfʋlhpoba tahlepa achʋfʋt im a̱sha tuk osh, achʋfʋt i̱ kʋnia hokmʋt, pokoli chakkali a kocha chakkali kash ot yakni haiaka ya̱ ma̱ya na issʋt, kʋnia tuk yʋmmak ash o̱ hoyot hikiki̱ʋt ahayuchik mak a hinla keyu̱?
5Atuk osh ahayuchikmʋt, na yukpʋt isht iabʋnali;
6Atuk osh in chuka yash ʋla mʋt, i̱ kana ʋhleha, micha in chuka panta hatak puta ka hoyot itahobi cha, An chukfʋlhpoba yʋt kʋnia tuk ash ahayuchi li hoka, na hʋs sʋbai yukpashke, im achi hoke.
7Yohmi ka yʋmmak inli ho̱ chohmit, Nan‐ashʋchi achʋfa hosh ile kostininchikma, ʋba ya̱ na yukpa a̱sha kʋt hatak ʋlhpesa pokoli chakkali akocha chakkali kʋt nan ile kostininchi yʋt ai im ahalaiya he keyu, yʋmmak oka i̱ shahla hi oke, hʋchim achi lishke.
8Yʋmmak keyukmʋt ohoyo nanta hak osh tʋli hʋta tushahli pokoli kʋt im a̱sha tuk osh, tushafa achʋfʋt i̱ kʋniakmʋt, pʋla ha̱ pʋlali cha, aboha ya̱ bʋshpolit achukmalit hoyot hikiki̱ʋt ahayuchik mak ahinla keyu̱?
9Atuk osh ahayuchikmʋt, i̱ kana puta, micha in chuka panta a̱sha tuk aiena kash hoyot itahobi cha, Tʋli hʋta tushafa a̱ kʋnia tuk ash ot ahayuchi li hoka, na hʋs sʋb ai yukpashke, achi hoke.
10Yohmi ka nan‐ashʋchi achʋfʋt ile kostininchikma, Chihowa im enchil ʋhleha aiasha ka na yukpa kʋt yʋmma akinli ho̱ chiyuhmi chatuk oke, hʋchim achi lishke, achi tok.
11Mihmʋt, Hatak achʋfa hosh ushi ʋt in tuklo tok.
12Atuk o̱ nakfish ash ot i̱ki a, A̱ki ma! nana kʋt ʋmmi ha he tuk ash is sʋmashke, im achi tok. Mihma nan isht ai okcha̱ya yash o̱ im it a kashʋbli tok.
13Mihma yʋmmak atuk a̱ nitak kanohmi keyu ho̱, ushi nakfish ash osh mominchit itahobit taiyahli cha, iʋt yakni hopaki fehna ho̱ ona cha, nan isht a̱ya tuk puta kash yʋmmak o̱ isht a yopomot ahantʋt kampilʋt taiyahli tok.
14Yohmit mominchit kampilʋt tahli ma, yakni yʋmma hohchʋfo chinto fehna kʋt a kohcha tok; mihma yʋmmak ash ot nana kʋt ik im iksho kit isht ia tok.
15Mihmʋt yakni yʋmma hatak ont iba fohka tok; atuk o̱ yʋmmak osh shukha laua ipeta beka chi̱ ka im osapa puta ka pit chʋffichi tok.
16Atuk o̱ yʋmmak ash ot shukha laua yʋt nanʋni ai ʋpa beka tok yʋmmak o̱ ʋpʋt kaiya bʋnna beka tok: yohmi kia kʋna kia yʋmma ik ipeto beka tok.
17Atuk o̱ yʋmmak ash ot ont il akostininchi mʋt, A̱ki im ilhtohno ʋhleha hʋt laua kʋt katiohmi hosh pʋska yʋt laua kʋt im ʋlhpesakma, anonti atampa mʋt a̱sha chatuk ak o̱, ʋno ilʋppa a hohchʋfot sʋlli cho?
18Wakayʋt iʋt, a̱ki im ona lish, A̱ki ma! Chihowa im ashʋchit, mikmʋt chi tikba ya̱ a sai yoshuba tuk.
19Yohmi kʋt himak a pilla ma, chiso sa hohchifa he si ahoba keyushke; chim ilhtohno ʋhleha achʋfa kak o̱ is si ai itilauechashke, im achi lashke, achi tok.
20Mihmʋt wakaya cha, i̱ki a̱ im ia tok; atuk osh auet hopaki pilla minti kak inli ho̱, i̱ki ash osh pit pisa mʋt, i̱ nukha̱klo cha, chʋfʋt iʋt, yʋmmak ash ikunla ont ʋbʋnaiyʋt i̱ su̱ksowa tok.
21Mihma ushi ash ot, A̱ki ma! Chihowa im ashʋchit, mikmʋt chi tikba ya̱ a sai yoshohumba tuk; yohmi kʋt himak a pilla ma chiso sa hohchifa he si ahoba keyushke, im achi tok.
22Yohmi kia i̱ki ash ot im ilhtohno ʋhleha hash, Nafohka holitopa moma i̱ shahli kak o̱ ishit kohchit ant ho fohkʋchi cha, ibbak ma ibbak‐ushi‐fohka ant fohkit, iyi ma shulush hʋsh holochashke;
23Micha wak ushi ilhpitʋt nia ya̱ ilʋppa isht ʋlʋt, oh ʋbi na impʋt na‐yukpʋt kiloh aiashá;
24Sʋso ilʋppʋt illi tuk osh, falamʋt okcha̱ya hoke; kʋnia tuk osh haiaka hoke. Mihma na yukpʋt okla aiasha tok.
25Yohmi ka ushi akni hʋto osapa anta tok: atuk osh minti cha, chuka yash bili̱kasi ʋla mʋt, ʋhlepa ola, micha hihla aiena ka pit haklo tok.
26Mihmʋt ilhtohno ʋhleha hash achʋfalit pit i̱ howa cha, Katiohmi hosh yakohmi cho? achit i̱ ponaklo tok.
27Mihma yʋmmak ash ot, Chi nakfish ak osh ʋla hosh achukma̱kʋt a̱yʋt ʋla ho̱, chi̱ki ʋt pisa kak osh wakushi ilhpitʋt nia ya̱ ʋbi hatuk oke, im achi tok.
28Mihma yʋmmak ash ot hʋshaya cha, ont chukowa ik bʋnno ki tok: yohmi hatuk o̱ i̱ki ash ot kohchʋt iʋt, ont i̱ howa tok.
29Mihma afalaminchi mʋt, i̱ki ash o̱, Inta! afʋmmi kanohmi ilʋppa chi̱ yuka chiyuhmit isht chim ahanta li mʋt, chim anumpa ma himonna kia ak kobʋffoshke; yohmi kia a̱ kana ʋhleha ai isht it ibai yukpa la chi̱ ka, isi kosomushi kia chik samo chatuk,
30Amba chiso ilʋppʋt haui puta ai iba fohkʋt a̱yʋt, nan isht ish ai okcha̱ya he tuk ash isht yopomot tahli cha ʋla ma, mih makinli ho̱ wak ushi ilhpitʋt nia ya̱ ish im ʋbishke, im achi tok.
31Mihma yʋmmak ash ot, Sʋso ma! nitak moma ka si awant ish ahantʋshke, yohmi kʋt nan oklu̱ha ʋm a̱sha kʋt chimmi hoke.
32Chi nakfish ilʋppak okʋt illi tuk osh, anonti falamʋt okcha̱ya; micha kʋnia tuk osh haiaka hoka, impa ikbit na yukpʋt il aiasha he ʋlhpesa hatuk oke, im achi tok oke; achi tok.
Поточний вибір:
Luk 15: CHH
Позначайте
Поділитись
Копіювати
Хочете, щоб ваші позначення зберігалися на всіх ваших пристроях? Зареєструйтеся або увійдіть
Published by the American Bible Society 1848-1886, reprinted 1913
