योहान्ना धेपगी ङोटो़
धेपगी ङोटो़
योहान्नागी ताम्शाङ दे येशुगी ङेने, जेबेदीगी भीजा योहान्नागी ढीक्पालाक। येशुगी ङेनेक्या घीरीने, योहान्नागो खोङबामुला ङ्येस्योक हो़तालाक। होझ्येरी दे धेप देला, खी़ येशुगी ॱमीक्सेगी साम्लो धाङ सुङस्येक्या ढीक हो़तालाक। देचो़ च्यीगा मेन्दा, खोङबागी स्यीका घारे हो़गीनगो, खी़ सावो तो़न हो़तालाक। योहान्नागी धेप दे च्यीगा मेन्दा “योहान्ना धाङपो, ॱङीवा, सुम्बा” ॱनागीन धेपक्या ढीक्पालाक धेनी थाला खो पादमोस ॱलीङठेनदु पी़दी श्याई घाङला, मास्यीकाने साल्तेन थोप्ती “ॱङो़न्पा” ॱनागीन धेप देया ढीक्पालाक।
दे ताम्शाङ देला येशुराङ धाम्चा जेजा क्याम्गो़न धाङ को़न्क्षोकगी से हीन्गीन धाङ खोङला धेपा झ्येरी च्यीगा, मीछे थोप्येगी कोरला ढीक हो़तालाक। दे ताम्शाङ देला मास्यीकागी थुक्ङी, होरीमुला मेना होराङ घीया झ्यी ॱमीथुप्कीनगी कोरला सावो तो़न हो़तालाक।
दे धेप देला मी रीङगागी खोङबाला धेपा झ्येरी, खोङबागी ङेने झ्युजा धाङ रीङगागी धेपा माझ्येवा ङोलोक झ्यीगीन धेनी राङला शीम्गीनगी छेनला खोङबागी ङेनेक्यामुला थुक्ठे धाङ ङेनेक्याला डाढीक झेयेला सेमस्युकगी काक्या ॱनाङगीन धेनी खोङबा ग्याङस्यीङदु ढोङगीन धाङ छीवाने सो़न्पो श्येङदी याङ ङेनेक्याचारु ज्यागीनगी कोरला ढीक हो़तालाक।
कारछाक
थोक्मागी कोरला १:१-१८
ठी़सो़खेन योहान्ना धाङ येशुगी ङेनेक्या १:१९-५१
येशुगी मीमाङक्याई दोङदु क्षाक्ले २:१–१२:५०
येरुसालेम ॱये-ॱयो़नला येशुगी थामे ङीमाक्या १३:१–१९:४२
येशु छीवाने ॱलार सो़न्पा धाङ ॱङो़न्पा २०:१-३१
खोङबा याङ गालीलदु ज्यावा २१:१-२५
Поточний вибір:
योहान्ना धेपगी ङोटो़: LOY
Позначайте
Поділитись
Копіювати
Хочете, щоб ваші позначення зберігалися на всіх ваших пристроях? Зареєструйтеся або увійдіть
© 2023, Wycliffe Bible Translators, Inc. and Nepal Bible Society