Matius 22
22
Poiradan do Mogiginakan i Raja do Pakawin di Tanak
(Luk. 14:15-24)
1Om ponudukno kavagu i Yisus diolo di poiradanJo do irad diti, 2“Potingkuro naku i Kinoringan monguasa di tongotulunJo? Isido nopo nga irad di iso raja do monodia di poginakanan do kawin di tanakjo kusai. 3Om ponuuno dii isido di turiponjo do mongoi popoilo diri tulun di nolooujo laid do sumapul daa di kawin, nga ausoi dii uvang diolo sumapul.
4Om suuono vagu di raja i turiponjo vokon, do kadisido, ‘Tangaronno iolo do, “Ongoi kouno sumapul di poginakanan do kawin di tanakku do nosumbalino i tongosapiku kusai om i tongotanak sapiku di ongololomu, om nokosodiakuno,” kadi raja,’ kanto nono diolo.
5Nga ausoi ginavo diolo sumapul, do songkotomodo nogi diolo do kivarono mongoi siri dumo, kivarono mongoi siri kadaijo, 6om kivarono manangkap di tongoturipon iri sinuu di raja do loposon, om patajon nogi diolo. 7Nga karaatai nopo dii i raja diri, om suuono dii disido i kinoguuan do soujorjo do mongoi mominasa di tulun minamatai om monorob di bandar diolo.
8Mantad diri om pitangarno dii i raja di tongoturiponjo vokon, do kadisido, ‘Nokosodiano daa kasangkat iti taakanon, nga auso dii tinumoronong diolo do loovon, do aui dii moilo iolo do sumapul. 9Nga irad nopo dino om pingguliai mujupo mampanau silo simpang-simpang do ralan, om isaai nopo osomungan muju om angatai mujuno siti poginakanan,’ kadi raja. 10Nga ongoino dii iri tongoturiponjo mangangat di tulun osomungan siri ralan, au opili tulun aandai ko tulun araatpo gosob do nogisok do tulun i pinoginakanan.
11Nga ontok di asu i raja do sumamung di tulun nokorikot, naantanganjo dii do kivaro iso tulun do au nakapamakai di pakaian do sumapul kawin. 12‘Apa,’ kadi raja, ‘potingkuroko masu siti do aukoi nakapamakai di pakaian do sumapul kawin?’ ka. Nga ootos dii i tulun.
13Nga kadii di raja di tongosusuuonjo, ‘Kagasai mujuno ilo longon om takod dilo tulun om pataamo mujuno siri labus i otuvong marong, i pantok do songiadan om sangarit-ngarit i nipon diolo do oolian kasansara,’ kadi raja.
14Do okonko naalang-alang ginuu do tulun linoou di Kinoringan nga okuuyak i tulun do nopiliJo,” kadi Yisus.
Pasal Mamarai do Sukai si di Koisar
(Mar. 12:13-17; Luk. 20:20-26)
15Om ongoino dii i kumpulan Porisi do kumiupakat nong onu daa tangaron do pomoringou di Yisus supaya kivaro koontodon diolo do manangkap Disido. 16Om suuo nogi dii di kumpulan Porisi iri tongotulunjo om iri tulun diIrudis do mongoi mongoduat di Yisus. Korikot nopo dii iolo siri di Yisus om pitangarno dii iolo do, “Guru, oilaanjai do Ikano tulun do oinomod, om monudukKo marong diri gaagaya do oinomod i kouvangan do Kinoringan. Om isai-isai nopo nga auso iiso korosijanNu, do okonko mongontongKo di tulun do kipangkat om auso pangkat. 17Irad nopo dino, om patangaropo dagai nong potingkuro kasaramananNu, nong au naku dino kalanggar tokou di Undang-undang Ugama tokou nong mamarai tokou do sukai si porinta di Koisar, i Raja Tagajo siri Ruum, ko aupo?” kadiolo.
18Nga noilaan di Yisus iri ginavo diolo do araat. Om pitangarno dii Isido do, “Ikovuno iti tulun do puupura kondiri, nokuro bala do monginam kou Dogo? 19Poontongo Okupo dino siin di pakajon do ponukai,” ka. Om pootodono dii diolo iri siin siri di Yisus. 20Om pongoduatno dii Isido diolo, “Isai do gambar diti, om isai do tulisan diti?” ka.
21Nga jawap dii iolo, “I Koisar sanganu,” ka.
Nga kadi Yisus, “Irad nopo dii, nong i Koisar sanganu, onuai tokouno i Koisar. Nong i Kinoringan sanganu, onuai tokouno i Kinoringan,” ka.
22Nga korongou nopo dii di tongotulun diri i tangar di Yisus, om oiranan dii mamarong iolo, om iduaino dii diolo Isido mampanau.
Pasal Ovijau Kavagu i Tulun Napatai
(Mar. 12:18-27; Luk. 20:27-40)
23Om kivaro dii piipiro tulun do kumpulan Soduki nokorikot siri di Yisus do ontok nogi di tadau diri. Om iolo nopo nga tulun do Joudi di au aparsaya do obuli ovijau kavagu i tulun do mantad si kapatajon. 24Om pongoduatno dii iolo di Yisus do, “Guru, kivaro tangar di Musa daton#22:24 daton: ditokou do ka, ‘Nong napatajan iri iso tongondu do savo, om ausopo tanak pisasavaan di kusai savojo togina, nga ipoguli di sulod diri kusai i longuonjo, om tanak nopo diolo di gulu nga irino panangamawon diri sulodjo kusai i napatai supaya arajat i koturunanjo,’ kadi Musa. 25-26Nga kivaro siti pialatan dagai turu kusai moisusulod, do nakasavo iri gulu nga ausopo tanak om kapataino. Nga sabap do auso tanak di gulu, gulio dii di sulodjo koduvo, om irad nogi dino i sulod kotolu gosob di sulod koturu, iri om iiri do auso tanak. 27Om koikid nopo dii iolo moisusulod, om kapataino dii i tongondu. 28Jadi sabap do kasangkat turu kojuvan diri nakasavo di tongondu, isai dii naku manansanganu di tongondu do ovijau kavagu?” kadi kumpulan Soduki.
29Jawapno dii i Yisus diolo, “Nakasala kouno dino do au muju orotijan i komoion siri Kitab om i kuasa do Kinoringan! 30Do ontok do ovijau kavagu i tongotulun mantad di kinapatajanjo, nga ausono dino moisasavo kusai om tongondu, do gaagaya nopo diolo nga irad do moloikat silo suruga. 31Nga monuduk Oku nogi dikovu diti nong potingkuro iri tulun napatai do ovijau kavagu do nakabasa kovi bo gia diri tinangaran do Kinoringan siri Kitab monuduk dikovu pasal do ovijau kavagu i tulun napatai. Kadi tinangaran si Kitab, 32‘Iokuno i Kinoringan diIbraim om iIsak om i Yakub,’ kadi Kinoringan. Komoion nopo diri tinangaran nga i Kinoringan sanganu di tulun poimvijau i sumamba Disido, okoniko i Kinoringan Isido di tulun do napatai, do insan napataipo iri kojuvanjo nga ovijau i tatod disido soi suruga,” kadi Yisus.#Antangai Kinolobusan 3:6.
33Om osumboijanan dii marong i tongotulun toguu Disido do korongou diri ponudukanJo.
Ponuuan di Opigot Marong
(Mar. 12:28-34; Luk. 10:25-28)
34Nga korongou nopo dii i kumpulan Porisi do au kosival i kumpulan Soduki do osontotok i Yisus jumawap diolo, om ongoino dii i kumpulan Porisi muntun si di Yisus. 35Om kivaro dii iso kojuvan diolo, irino guru do Undang-undang Ugama do Joudi, do mongoduat do monsuba noopo daa di Yisus, 36kadisido, “Guru, onu naku iri nisuu do Kinoringan siri Undang-undang Ugama do Joudi, iri opigot marong?” ka.
37-38Nga kadi Yisus, “Itino nisuu di Kinoringan pogulu om i opigot marong, ‘Misti do ovi-oviono ino ginavonu, om ovi-oviono ino kovijaannu, om ovi-oviono ino sinoromonu do auko kojuu di Tuhan i Kinoringannu,’ ka.#Antangai Gulion 6:5. 39Om iti nogi nisuu do koduvo, ‘Misti do auko kojuu di tulun vokon irad dino kojuvannu kondiri,’ ka.#Antangai Imam 19:18. 40Om kasangkat do Undang-undang Ugama vokon iri nokotulis siri buuk di Musa om buuk di nabi vokon nga nokorunggumno siti koduvo-duvo nisuu diti,” kadi Yisus.
Pasal di Koristus i Koturunan di Daud
(Mar. 12:35-37; Luk. 20:41-44)
41Nga ontok diri poinguntunpo i kumpulan Porisi, pongoduat dii i Yisus diolo do ka, 42“Isai naku kasaramanan muju i Koristus? Om isai koturunan diri?” ka.
Nga kadiolo, “Koturunan di Raja Daud,” ka.
43“Nong irad dino, nokuroi do tinudukan di Tatod do Kinoringan i Daud mangarait Disido do Tuhanjo? Do kadi Daud minitangar,
44‘Sinuu di Tuhan i Kinoringan i Tuhanku do,
“Ogomno siti ponong vananKu#22:44 Ogomno siti ponong vananKu: Antangai “vanan” si Kamus Kitab.
gosob do ipapasokKu Dikau i tongomusuNu,”
kadi Kinoringan,’ kadi Daud.#Antangai Buuk Sinding 110:1.
45Nong irad dino do kondiri di Daud mangarait di Koristus do Tuhanjo, om oinomod naku do i Koristus nga koturunan noopo di Raja Daud? Okoni, kon?” kadi Yisus. 46Nga insan isopo ko kivaro iolo minangajawap. Mantad diri auno dii kobulun iolo do mongoduat di Yisus kavagu.
Поточний вибір:
Matius 22: LabukPKV
Позначайте
Поділитись
Копіювати
Хочете, щоб ваші позначення зберігалися на всіх ваших пристроях? Зареєструйтеся або увійдіть
© 1995, Wycliffe Bible Translators, Inc. All rights reserved.
