EKESOTOSI 5
5
1 Oku tautea e Felo a Mosese me Elone koeuhi koe na fekau. 5 Oku ne fakalahi ki he gaue ae kakai Isileli. 15 Oku ne lolomi e nau lāuga. 20 Oku nau lāuga koeuhi ko Mosese mo Elone. 22 Oku lāuga a Mosese ki he Otua.
1BEA hili ia nae alu a Mosese mo Elone, o tala kia Felo, Oku behe mai e Jihova, koe Otua o Isileli, Tukuage a hoku kakai ke alu, koeuhi ke nau fai ae katoaga kiate au i he toafa. 2Bea beheage e Felo, Kohai a Jihova, koeuhi keu talagofua ai ki hono le‘o o tukuage a Isileli ke alu? Oku ikai teu iloa a Jihova, bea e ikai teu tukuage a Isileli ke alu. 3Bea naa na behe, Kuo haele mai ae Otua oe kau Hebelu kiate kimautolu: koia oku mau kole ai kiate koe, tuku akimautolu ke mau alu ki he toafa, koe fonogaaga oe aho e tolu, ke feilaulau kia Jihova ko ho mau Otua; telia naa hoko ia kiate kimautolu i he mahaki fakaauha be koe heleta. 4Bea beheage e he tu‘i o Ijibite kiate kinaua, E Mosese mo Elone, koeha oku mo taofi ai ae kakai i he e nau gaahi gaue? mou fei mo alu ki hoo mou gaahi kavega. 5Bea nae behe e Felo, Vakai, ko eni, oku toko lahi ae kakai oe fonua bea oku mou taofi akinautolu mei he e nau gaahi kavega. 6Bea nae fekau e Felo i he aho koia ki he kau eginaki gaue oe kakai, mo ho nau kau matābule, o behe, 7Oua te mou kei atu ki he kakai ae mohuku momoa ke gaohi ae makaumea o hage koia nae fai: tuku ke nau alu o tanaki ae mohuku momoa maa nautolu. 8Bea ko hono lau oe gaahi makaumea aia naa nau muaki gaohi, te mou fakababau ia kiate kinautolu; e ikai te mou fakajiijii ia, he oku nau fakabikobiko; koia oku nau tagi ai, o behe, Tukuage akimautolu ke alu o feilaulau ki ho mau Otua. 9Fakalahi ki he gaue ae kau tagata, koeuhi ke nau moua ai; bea oua naa nau tokaga ki he gaahi launoa.
10Bea nae alu kitua ae kau eginaki gaue oe kakai, mo ho nau kau matābule, o nau lea ki he kakai, o behe, Oku behe mai e Felo, E ikai teu atu ae mohuku momoa kiate kimoutolu. 11Mou alu, o ma‘u ae mohuku momoa mei ha botu be: ka e ikai jii fakajiijii ai hoo mou gaue. 12Bea koia nae movetevete ai ae kakai i he fonua kotoabe o Ijibite, ke tanaki ae louveve koe ferogi oe mohuku momoa. 13Bea nae fakavavevave akinautolu e he kau eginaki gaue, o behe, Fakakakato hoo mou gaue ki he aho taki taha, o hage koia i he i ai ae mohuku. 14Bea koe kau matābule i he fānau a Isileli, aia nae fakanofo e he kau eginaki gaue a Felo, ke bule kiate kinautolu, nae teia, bea eke kiate kinautolu, Koeha nae ikai te mou fakakakato ai hono lau oe maka nae tala ke gaohi aneafi, bea moe aho ni, o hage ko hono muaki fai? 15Bea ha‘u ai ae kau matābule i he fānau a Isileli kia Felo, o tagi o behe, Koeha oku ke fai behe ai ki hoo kau tamaioeiki? 16Oku ikai tuku mai ha mohuku momoa ki hoo kau tamaioeiki, bea oku nau tala mai, Gaohi ae maka: bea vakai, kuo teia a hoo kau tamaioeiki: ka ko hono kovi oku i ho kakai oou. 17Ka nae behe eia, Oku mou fakabikobiko, oku mou fakabikobiko: koia oku mou behe ai, Tuku akimautolu ke mau alu o feilaulau kia Jihova. 18Koia mou alu ni o gaue: e ikai atu ha mohuku momoa kiate kimoutolu, ka te mou atu hono lau totonu o hoo mou makaumea. 19Bea mamata ae kau matābule oe fānau a Isileli oku nau tuutamaki, hili hono tala, o behe, E ikai te mou fakajiijii ae makaumea mei he gaue oe aho taki taha.
20Bea naa nau fetaulaki mo Mosese mo Elone, oku tutuu i he hala, i he e nau ha‘u kitua mei a Felo. 21Bea nau behe kiate kinaua, Ke vakai a Jihova kiate kimoua, bea fakamāu‘i: koeuhi kuo mo fakanamuku‘i akimautolu i he ao o Felo, bea moe ao o ene kau tamaioeiki, ke ai ae heleta i ho nau nima ke fakabogi aki akimautolu. 22Bea nae toe alu a Mosese kia Jihova, o ne behe, Eiki koeha kuo ke fai kovi behe ai ki he kakai ni? koeha kuo ke fekau ai au? 23He talu eku ha‘u kia Felo ke lea i ho huafa, kuo fai kovi eia ki he kakai ni; bea oku teeki aubito te ke fakamoui ho kakai.
Поточний вибір:
EKESOTOSI 5: TWB
Позначайте
Поділитись
Копіювати
Хочете, щоб ваші позначення зберігалися на всіх ваших пристроях? Зареєструйтеся або увійдіть