EKESOTOSI 6
6
1 Oku fakafoou e he Otua ene talaofa i hono huafa ko JIHOVA. 14 Koe hohoko o Lubeni. 15 Mo Simione, 16 mo Livai, aia nae tubu ai a Mosese mo Elone.
1BEA nae folofola ai a Jihova kia Mosese, Koeni, te ke mamata ki he mea teu fai kia Felo: koeuhi i he nima malohi te ne tukuage akinautolu ke alu, bea i he nima malohi te ne kabuji akinautolu mei he fonua. 2Bea nae folofola ae Otua kia Mosese, o ne behe kiate ia, Ko au ko Jihova. 3Bea naaku fakaha au kia Ebalahame, mo Aisake, bea mo Jekobe, koe Otua Mafimafi, ka ko hoku huafa KO JIHOVA, nae ikai ke ilo ai au ekinautolu. 4Bea kuou fakababau eku fuakava mo kinautolu, ke foaki kiate kinautolu ae fonua ko Kenani, koe fonua oe nau fonoga fano, aia naa nau nofo ai koe muli. 5Bea kuou ogo‘i ae gaahi to‘e foki ae fānau a Isileli, akinautolu oku kei fakabobula‘i e he kakai Ijibite: bea kuou manatu‘i eku fuakava. 6Koia, lea ki he fānau a Isileli, Ko au ko Jihova, bea teu omi akimoutolu kitua mei he gaahi kavega ae kakai Ijibite, bea teu fakagata a hoo mou bobula kiate kinautolu, bea teu huhui akimoutolu aki ae nima kuo mafao, moe gaahi tautea lahi: 7Bea teu ma‘u akimoutolu kiate au ko hoku kakai, bea teu iate kimoutolu ko ho mou Otua: bea te mou ilo ko au ko Jihova ko ho mou Otua, oku ou omi akimoutolu kitua mei he gaahi kavega ae kakai Ijibite. 8Bea teu omi akimoutolu ki he fonua, aia naaku fuakava ai ke foaki ia kia Ebalahame, mo Aisake, bea mo Jekobe; bea teu foaki ia kiate kimoutolu koe tofia: Ko au ko Jihova.
9Bea nae lea behe e Mosese ki he fānau a Isileli: ka nae ikai te nau tokaga kia Mosese koe mea i he feiga a ho nau laumalie, moe mamahi o ho nau bobula. 10Bea nae folofola a Jihova kia Mosese, o behe, 11Alu, o lea kia Felo koe tu‘i o Ijibite, ke ne tukuage ae fānau a Isileli, ke alu mei hono fonua. 12Bea nae lea a Mosese i he ao o Jihova, o behe, Vakai, oku ikai tokaga ae fānau a Isileli kiate au: bea e tokaga fefe‘i a Felo kiate au, koe lougutu tae kamu ko au? 13Bea nae folofola a Jihova kia Mosese, bea mo Elone, o ne tuku kiate kinaua ae fekau ki he fānau a Isileli, bea kia Felo koe tu‘i o Ijibite, ke omi ae fānau a Isileli mei he fonua ko Ijibite.
14Bea koe gaahi eiki eni oe fale oe nau gaahi tamai: Koe gaahi foha o Lubeni koe uluaki foha o Isileli; ko Henoke, mo Falu, mo Hesiloni, mo Kalimi; koe gaahi faahiga eni o Lubeni. 15Bea koe gaahi foha o Simione; ko Jemueli, mo Jamini, mo Ohati, mo Jakini, mo Sohali, mo Saula, koe tama ae fefine Kenani: koe gaahi faahiga eni o Simione.
16Bea koe higoa eni oe gaahi foha o Livai o fakatatau ki ho nau gaahi toutagata; ko Kesoni, mo Kohate, mo Melali: bea koe gaahi ta‘u oe moui a Livai koe ta‘u e teau moe ta‘u e tolugofulu ma fitu. 17Koe ogo foha o Kesoni: ko Sibinai, mo Simi, o fakatatau ki ho na faahiga: 18Bea koe gaahi foha o Kohate; ko Amilami, mo Isa, mo Hebeloni, mo Usili: bea koe gaahi ta‘u oe moui a Kohate, koe ta‘u e teau moe ta‘u e tolugofulu ma tolu. 19Bea koe ogo foha o Melali; ko Mali mo Musi: koe gaahi faahiga eni o Livai i ho nau gaahi toutagata. 20Bea nae omi e Amilami a Jokabeti koe tuofefine o ene tamai o na unoho; bea ne fanau‘i kiate ia a Elone mo Mosese: bea koe gaahi ta‘u oe moui a Amilami koe ta‘u e teau moe ta‘u e tolugofulu ma fitu. 21Bea koe gaahi foha o Isa: ko Kola, mo Nefaki, mo Sikili. 22Bea koe gaahi foha o Usili; ko Mijeli, mo Elisefani, mo Sitili. 23Bea nae omi e Elone a Elisiba, koe ofefine o Aminatabe, koe tuofefine o Neasoni, o na unoho; bea nae fanau kiate ia a Natibi, mo Abiu, mo Eliesa, mo Itama. 24Bea koe gaahi foha o Kola; ko Asili, mo Elikena, mo Abiasafi: koe gaahi faahiga eni o Kola. 25Bea nae ma‘u e Eliesa koe foha o Elone ae toko taha oe ofefine o Biuteli o na unoho: bea ne fanau‘i kiate ia a Finiasi: koeni ae gaahi eiki oe kau mātua oe kau Livai i ho nau gaahi faahiga. 26Koeni ae Elone moe Mosese koia, nae folofola ki ai a Jihova, Mo omi kituaa mei he fonua ko Ijibite ae fānau a Isileli i ho nau gaahi kogakau. 27Ko kinaua eni aia naa na lea kia Felo koe tu‘i o Ijibite, ke omi kituaa ae fānau a Isileli mei Ijibite: koeni ae Mosese moe Elone koia.
28Bea nae hoko o behe, i he aho koia nae folofola ai a Jihova kia Mosese i he fonua ko Ijibite, 29Nae folofola a Jihova kia Mosese, o beheage, Ko au ko Jihova: ke ke tala ekoe kia Felo koe tu‘i o Ijibite, aia kotoabe oku ou lea aki kiate koe. 30Bea nae behe e Mosese i he ao o Jihova, Vakai, koe lougutu tae kamu au, bea e tokaga fefe‘i a Felo kiate au?
Поточний вибір:
EKESOTOSI 6: TWB
Позначайте
Поділитись
Копіювати
Хочете, щоб ваші позначення зберігалися на всіх ваших пристроях? Зареєструйтеся або увійдіть