Luke 16
16
THE RICH GLUTTON, AND LAZARUS THE BEGGAR.
Luke 16:19-31
19Ko ka che noh-pokan balliah bul, wonno woa twoi purple ni nomma keleng ni ka che ihhoy ahyi tem gbir.
20Ni ko ka che tumnoh bul ilill woa re Lazarus, wonno woa ngha ka hinneh renteh woa re holl, pehy mpah,
21Ni woa yehma dyo ha wehreh, nghoneh ngho duck hink messah nohpokan balliah re, ni dumois re ka hun ni ngha nyathy mpah woa re.
22Ni weling landeh tumnoh re ka wu, ni ahmaleka re ngha ka yuck woa ko kitteh Abraham ahyi, nohpokan balliah re woa ka wu ni ngha kung moa.
23Ni jehennama re ahyi woa choih dihollti woa re ahtuck, woa theih necky, ni ka keh Abraham livill, ni Lazarus woa ka che kitteh woa re ahyi.
24Ni woa tang, ni woa hoh: Bah mi, Abraham, nlap mi, ni nwum Lazarus, ni woa peh su woa mekendeh men re ahyi, ni woa bussul mellingly mi re, halli yah theih necky indyem re mannah ro ahyi.
25Kerh Abraham ko woa hoh: taa mi ntehnienny leh hum ka sothoh loikoh moa re ahyi yin-keleng, ni yimbul Lazarus woa ka sothoh yin-wory, kerh mu woa bossul gboll, ni hum moa beishin.
26Pemacheleh yeih ro bulehng ahying ah hi, ni hum ko loih bomung kung peh, ni nghaneh ngha yehma chang ko moa ngha boaʼn; ni ngha boaʼn chang ko hi, nghaneh ngha yehma hun ko hi hink kol.
27Ni woa ka hoh: yah telleh moa Bah mi hal wum woa ko kill Bah mi re;
28Halli yah bi benteh ma ahmen, leh woa tunkey ko nghan, ngha ma hun ko ahyinna re halli beishin.
29Ni Abraham ka hoh ko woan, ngha bi Moses ni ahprophet re, mell ngha theih nghan.
30Ni woa ka hoh, gbiry, Bah mi, Abraham, kerh leh bul hun ko nghan hink wuly re ahyi, ngha bo pinkiny hink kaffa ngha re.
31Ni woa hoh ko woan, leh ngha theih nih Moses ni ahprophet re, ngha bo che ntihn ha rong re, pemacheleh bul powh hink wuly re ahyi.
Поточний вибір:
Luke 16: BUN1839
Позначайте
Поділитись
Копіювати
Хочете, щоб ваші позначення зберігалися на всіх ваших пристроях? Зареєструйтеся або увійдіть
First published by the Church Missionary Society in 1839.