Luke 15
15
THE PARABLE OF THE PRODIGAL SON.
Luke 15:11-32
11Noh-pokan bul, woa ka bi ahpomah ahpokan ahting.
12Ni taa re ha nghan woa ka hoh ko Bah woa, Bah-nkah mi feh mi re, ngholeh ha mi, ni woa poh feh woa re ko nghan.
13Ni cheʼn weling inloi gbir, taa pomah re, woa ka dickel bulehng ahyinabul, ni woa ka ko pock livill, ni kolo semmi-feh woa-re-tshem bim dya mbeteka.
14Ni yeh woa kung sunkutah bulehng ko ka che ndick nbum chieh lan ahyi, ni woa tippeny fatha.
15Ni woa ka ko hal tellnih lill ma woa ko noh pock landeh, ni woa ka wum woa ko hopah woa re, hal tukoh piohs re,
16Ni woa fatha hal pehy kuhn woa re bim yindyo piohs re, ni binohan ka woa nih.
17Ni yeh woa ka hun keh nken, woa hohleh: iboy ha Bah mi ngha bi yindyo gbir ni ha wong, ni yah wu ky ndick.
18Yah hun powh, yah ko ko Bah mi, ni yah bo hoh ko woa, Bah mi, yah kung ngha kaffa vel-leny arijana ni hum deholleh.
19Ni yah marrano nih weh leh taa moa, ngha mi ken iboy moa re bul.
20Ni woa ka powh, ni woa ka hun ko bah woa, kerk yeh woa ka che mu livill, Bah woa ka keh woa, ni ka nlap woa, ni ka gbikin, ni ka duck timmick woa re ahtuck: (ni ka ngha ocho-cho.) (ni ka ballah woan.)
21Ni taa re ka hoh ko woan, Bah mi, yah kung ngha kaffa velleny Arijana, ni diholleh moa, ni yah marranonih pehy weh leh taa moa.
22Kerh Bah woa re ka hoh ko iboy woa re, nchi twoi keleng re, ni ngha twoi woa, ni ngha twoi su woa re gbet, ni ntwoi kokka tibeng woa re.
23Ni ngha ehi nah-pomah churoh re, ni ngha di woa ni ngha, ngha ni dyo ni che ihhoy.
24Halli taa mi ro ka wu, ni woa che lehlieh pehy, woa ka duck, ni woa che nomieh, ni ngha tippik hal che ihhoy.
25Awa taa woa bendeh ka che thalleh ahyi, ni yeh woa ka bonny killeh ntent ka theih tissing ni tiyeh.
26Ni woa ka vill iboy re bul, ni ka yi leh nyick ro man ahyi a?
27Ni woa hoh ko woan: benteh moa re moi, ni Bah moa kung di nahpomah churoh re, halli woa ka sothoh woa liveih ni fossah.
28Ni woa ka shilliny ni ka keih hal loi, labileh Bah woa ka hoh, ni telleh woan.
29Ni woa yum ni ka hoh ko Bah woa re, lehly, nenti ghir ro yah ngha mpant ma moa re, ni yah ngha nih kaffa sabba moa re tem gbi, ni hum ka kah minih kulung pomah bul ni yahng ngha ihhoy nthembah ma mi.
30Kerh ken kakero taa moa re ka hun, wonno woa kung semmi-feh-woa-re-tshem ky ahma ahchundal, hum kung di halli woa nahpomah churoh re.
31Ni woa ka hoh ko woa; taa, hum moa mi gho him, ni nghoneh bulehng yah bi ngholeh ha moa.
32La ka sicheh hal yhin ngha ihhoy ni che inuih, halli benteh moa ro ka wu, ni woa lehlieh pehy, ni woa ka duck, ni woa che nomieh.
Поточний вибір:
Luke 15: BUN1839
Позначайте
Поділитись
Копіювати
Хочете, щоб ваші позначення зберігалися на всіх ваших пристроях? Зареєструйтеся або увійдіть
First published by the Church Missionary Society in 1839.