Jean 2
2
Ka nipowinaniwok Cana otenak
1Ka ickwa nicwo kickokarik, nipowinaniwonikopan otenak Cana ka icinikatek, Galilée askik itekera. Cecoc okawiwa ki icariw. 2Kaie wirawaw Cecoc acitc owitcewakana ki wicamakaniwiwakopan neta kitci icatcik e nipowinaniwonik. 3Mekwata e mirwatcitcikaterik, aci notepariniw minicaporiw. Itiko Cecoc okawiwa: “Aci noteapawew.”
4Itew Cecoc: “Nikawi,#2.4 Nikawi: Mia itemakan: Iskwew. kir ia ka ki mirikoin kitci witamawiin ke itotiskeian? Nama moci actew kitci wapatahiweian tan tapwe e iteritakosian.”
5Aci Cecoc okawiwa iteriw anihi ka atoskectakeritci: “Kaskina totamokw aniheriw ke ititakw.”
6Takonopana neta nikotwaso opotai e asiniwok. Enkweriw ko towiriw ka apatcitawakopanen cota iriniwok e aiamihe kisisipasowakopanen.#2.6 e aiamihe kisisipasowakopanen: Ekoni ko e itotiskewakopanen cota iriniwok, kotc e itemakanik otaiamihe irakonikewiniwak, kitci ki wapatahiwetcik e nataweritakik kitci kasihikaterik opactatowiniwaw, mirwinakosiwok kitci ki iteritakositcik (aka kitci iteritakositcik ometciwok) cota aiamihewinik itekera, aci kaie kitci kweskatisitcik. Tato opotai wiec mitato mitana tato kwapahikan#2.6 kwapahikan: litres. kata ki actakaniwon e mockinepek. 7Aci itew Cecoc anahweriw ka atoskectakeritci: “Nipi nete sikinamokw opotak, nac kitci mockinepataiekw.” Aci tekaci nta mockinepatawok.
8Aci itew Cecoc: “Kwapahamokw tca memantcic anihe nipi. Iciwitowakw anahwe ka mitatc makocaniw.”
Ekoni e ici iciwitowatcik aniheriw. 9Anahwe iriniw ka mitatc makocaniw kotcipitam nipiriw ka ki meckotciparinik kitci minicapowonik. Nama kiskeritamokopan ite e otciparinik aniheriw minicaporiw. Aric aniki ka atoskectaketcik ka ki kwapahakik nipiriw kiskeritamwakopan. Aci anahwe ka mitatc aniheriw makocaniw wicamew anihi iriniwa ka nipowiritci, 10e itatc: “Kaskina awik pitama ka wikacinik ominicapomiwaw minihiwewok, nac aka tapwe ka mirwacinik minicaporiw kata iti minihiwewok. Kir aric anotc ka wikacik ki minihiwan mamitenamik.”
11Enkweriw nictam omata kackitawin ka ki wapatahiwetc Cecoc. Ekota neta ka ki itotisketc, Cana otenak, Galilée askik itekera. Ekoni ka ici wapatahiwetc oticperitakosiwin. Ki tapwerimiko owitcewakana.
12Minawatc tca nete Capernaüm otenak ki icawok Cecoc acitc okawiwa, ocima, kaie owitcewakana. Memacic tepirak ki tacikewok.
Ka orowiticohowetc Cecoc kitci aiamihe mikiwamik
(Natawapata kaie Matio 21.12-13; Mark 11.15-17; Luc 19.45-46)
13Aci kekatc otcitciparinikopan cota iriniwok kitci makocetcik, Pâque e icinikaterik aniheriw cota aiamihe makocaniw. Aci matcaw Cecoc, nete e icatc Jérusalem otenak. 14Ekoni e iti icatc kitci aiamihe mikiwamik. Neta pitakamik miniskanatikok wapamew mitcet iriniwa e ataweritci motcewotikwa, maritcenica acitc omemewa. Tawakopan kaie nta iriniwok ka meckotanakik coriariw e taci apitcik mitcisowakanatikok. 15Aci ki takopitam cectokwapiriw Cecoc, pasakactehikaniw e ocitatc. Kaskina ki orowiticohwew anahweriw iriniwa kitci aiamihe mikiwamik, omaritcenicimiwawa acitc omotcewotikomiwawa. Motcik ki iciwepinamwew ocoriamiwaw anahweriw iriniwa ka meckotanamiritci coriariw, acitc ki kwetipiwepinamwew aniheriw omitcisowakanatikoriw. 16Itew tca anahweriw iriniwa ka ataweritci omemewa: “Kaskina maninamokw ota! Nama actew kitci totamekw ota Notawi omikiwamik, mitowi atawewokamokw kitci icinakonik!”
17Aci mikawiwok aniki Cecoc owitcewakana e itemakanik weckatc Kice Manito Omasinahikanik:
“E apitc sakitaian ohwe kimikiwam, Kice Manito,
mia e tcakaskitek nitehi e iteritaman.” Psaumes 69.10(9)
18Aci cota okimawok kokwetcimewok Cecoca, e itatcik: “Wapatahicinan e ici mata kackitain kitci ki wapatamak tapwe e ki mirikoin tiperitamowin ani kitci itotiskein.”
19Itew Cecoc: “Orahamokw ohwe kitci aiamihe mikiwam. Minawatc ni ka koski ocitan, nicto kickwa irikik kitci tacikaman.”
20Itewok aniki cota okimawok: “Nemitana acitc nikotwaso pipona ki tacikikatew e ocitakaniwok ohwe kitci aiamihe mikiwam. Kir tca, kit itwan kitci ocitain nicto kickwa tca tepirak kitci tacikamopan!”
21Aric aniheriw ka arimotakipan Cecoc, namaieriw ni tapwe kitci aiamihe mikiwamiriw. Arimomitisopan, e witakipan ke isparinik owiaw. 22Ka ickwa apitcipatc, ki mikawiriwa owitcewakana ani e ki itespan. Aci ki tapweritamok Kice Manito Omasinahikaniw e itasinaterik kaie kaskina ka ki pe iteritci Cecoca.
Capo kiskerimew iriniwa Cecoc e icinakosiritci otehirik
23Mekwata e pa taciketc Cecoc neta Jérusalem otenak, Pâque ka ici mirwatcitcikaterik, mitcet iriniwa ki tapwerimiko, e wapatamiritci e ici mata kackitatc. 24Nama aric ki otci asperimototawew Cecoc anihi iriniwa. Kaskina meka capo kiskerimekopan. 25Nama arimatc witamawakaniwikopan e icinakosiritci. Wir tipirawe capo kiskeritamokopan e icinakosiritci otehirik iriniwa.
Поточний вибір:
Jean 2: ATMK
Позначайте
Поділитись
Копіювати
Хочете, щоб ваші позначення зберігалися на всіх ваших пристроях? Зареєструйтеся або увійдіть
Canadian Bible Society, 2014
