Matteyo 16
16
Awahi Farisei iko Sadusei obo Eduarit
(Mar 8:11-13; Luk 12:54-56)
1 #
Mat 12:38; Luk 11:16 Awahi nyia omuk hulo Farisei iko Sadusei hunyia ofuonni 'to jio Yesu italohuna inyi. Ania, ette isi ifiyo inyi jio, ijiara ihan jihosi obo eduarit, itahutaniere jio inyi atulo Hollum. 2Itarraŋ nyia inyi jiojio, “Elle iddorro oloŋ, ijiatta itai, ‘Afaŋ adi motie, nyio, odo edou ariet.’ 3Buo fe ta amotie hanyik berien, ijiatta itai, ‘Iliaha ahide sayo, nyio, odo edou buo fe iriok.’ Iremehina itai imijana erre ta amijio idou buo ittallihoto imijana etamijanita huno oŋitek huna! 4#Mat 12:39; Luk 11:29Orrohoji aati hula ahana buo fe obeŋi abaŋi Hollum. Nyio, awahi isi itahutani jihosi obo eduarit, ati obeŋi adi itahutani jihosi obo, arari fe eduarit ninyia ihani jio Yona.”
Ania, ette inyi idioto ette leten.
Olobou ono Farisei iko Sadusei
(Mar 8:14-21)
5Ninyia allaŋari lejifak afohor tafar enne ittokon tole, oguoroi nyia isi iyari obo emune, 6#Luk 12:1ette Yesu jiaran jihosi, “Ihumata mijio olobou ono Farisei iko Sadusei.”
7Ania, ette isi ikikiana isi hama jiojio, “Ikiana inyi ihuo nyia nyio, ebeŋ duo eyaŋuno obo emune.”
8Ati omijak nyia Yesu ekiana hosi ania, ette inyi jiaran jihosi “Aii, itai aati hullo omuta eruk! Nyio ikikianati itai, itai hama ta abiaŋan obo emune? 9#Mat 14:17-21Hèbiaŋata itai imijana? Ibiaŋata itai igiluna ninyia etaŋiyere ni aati alif miyet (5,000) te emunio miyet? Itulluronia nyia itai afeehien omukajia? 10#Mat 15:34-38Buo te emunio hinyia hattarik, hunyia etaŋiyere ni aati alif aŋuan (4,000), itulluronia nyia itai afeehien omukajia? 11Aŋai to ibiaŋata itai imijana jio abeŋ ni ekiana jihatai te eram ono emune? Ihumata mijio olobou ono Farisei iko Sadusei!” 12Attati isi imijana jio obeŋ duadi inyi ikiana jihosi te eram ono olobou ono emune. Ati asario duadi inyi isi te eram ono ettiyenita huno Farisei iko Sadusei.
Apulonia Petro jio Ara Yesu Olonyimoto Hollum
(Mar 8:27-30; Luk 9:18-21)
13Ninyia afany Yesu iger ŋati bore gala Cesaria Filipi, ette inyi ifiyo lejifak honyi jio, “Ojiori aati Lonyi Tulo ŋai?”
14 #
Mat 14:1-2; Mar 6:14-15; Luk 9:7-8 Buo isi ette jiaran, “Ojiori omuk Yoane etifuotoni Batisimo, buo omuk ojiori Elija; Buo fe omuk, ojiori lobo ekianani Hollum.” 15Attati inyi ifiyo isi ojio, “Buo jihatai, ijiatta itai ani ŋai?”
16 #
Yoa 6:68-69
Attati Simone Petro itarraŋ inyi jio, “Iyye Olonyimoto, Lonyi Hollum elle isu 'to.”
17Itarraŋ nyia Yesu inyi ette jiaran, “Hatawana amuno ikoye, Simone lonyi Yoane! Nyio, obiaŋara atulo itahutak iyye erre hunia, ati Monyoŋ ettedou itahutak iyye. 18Tania, eramak ni iyye Petro, ira iyye amoruo. Ihuo onno oduhonierek aaji ihide moruo, aduhok adi ni eluluŋ heruhok hoŋ jihoi. Ati ara duadi bu aye, ittallik adi inyi itattur isi. 19#Mat 18:18; Yoa 20:23Esiarak adi ni iyye eŋanyiti huno olobie ettedou. Erre 'daŋ hunne itik iyye ta fau, itihi adi buo fe isi idou. Buo erre 'daŋ hunne iŋatak iyye ta fau, aŋatani adi buo fe isi idou.”
20Attati inyi ihum iramana jio lejifak honyi hèlaha iramani obo atulo jio inyi Olonyimoto.
Ikiana Yesu te Ettigemio iko ta Aye Honyi
(Mar 8:31—9:1; Luk 9:22-27)
21Ta asaa nyia, itterio nyia Yesu ekiana jio lejifak honyi sar sar jio, “Alo ni luŋa Yerusalem irumaniere ettigemita jio lahou iko jio ehumak elettaha buo ettiyanak ifahita. Ottohori adi isi ani, ati itubuhuni adi ani ihalu oŋitek hunihoi.”
22Iyaru nyia Petro inyi eger, ette iriŋ inyi, ette jiaran, “Lamonye, Hèlaha Hollum aŋatak erre hunia! Hèlaha luŋa erre hunia iduoŋi jihoi!”
23Oyito nyia Yesu, ette jiaran jio Petro, “Sittan, ilo addi teger hoŋ! Itihotio iyye ekoi hoŋ, nyio, obiaŋara egigilo Hollum ottonohoi ania, ati ono aati.”
24 #
Mat 10:38; Luk 14:27 Attati Yesu jiaran jio lejifak honyi, “Alla awak obo atulo ittuna te ehalu hoŋ, ijiara inyi oguoro ahuan honyi, hotolorok akruce honyi, hétejifunie nani. 25#Mat 10:39; Luk 17:33; Yoa 12:25Nyio, alla awak obo atulo italuahuna esu honyi, italitohi adi inyi. Buo atulo elle italitohi 'to esu honyi te eram hoŋ, orumak adi inyi. 26Anyio yiji 'tadi inyi, alla anyurak obo atulo erre 'daŋ hutta fau buo italitohi esu honyi? Kuyya anyio riŋ adi onno oremik inyi isio inyiahuniere esu honyi? 27#Mat 25:31; Rom 2:6Nyio, ottu adi Lonyi Tulo iko ajilohien honyi ta akuatan ono Monyonyi. Ta asaa nyia oduma adi inyi aati 'daŋ te ehanita hosi. 28Eramak ni itai, hode hode, owoni omuk dini hullo obeŋi adi igonyuni aye many igonyunierek isi Lonyi Tulo ottu Ahobu.”
Поточний вибір:
Matteyo 16: EA2003
Позначайте
Поділитись
Копіювати
Хочете, щоб ваші позначення зберігалися на всіх ваших пристроях? Зареєструйтеся або увійдіть
© The Bible Society in South Sudan 2003
