Популярні біблійні вірші з Markus 16

Поділитись

Tarus Antua bilang par dong kata, “Pi ka sagala tampa di dunya ni la kasi tau Kabar Bae soal Beta par samua orang.

Orang-orang yang parcaya, dong nanti dapa kuasa par biking tanda-tanda herang. Dong nanti user setang deng Beta pung kuasa. Dong nanti bicara pake bahasa-bahasa yang dong seng tau. Kalo dong pegang ular babisa ka minong racong jua, dong seng cilaka. Kalo dong taru tangang di atas orang-orang saki, orang-orang saki tu nanti bae.”

Sapa yang parcaya deng kasi diri par dapa baptis, dia nanti salamat. Mar sapa yang seng parcaya, dia nanti dapa hukum.

Abis itu, Antua pung murid-murid pi kasi tau Kabar Bae ka sagala tampa. Tuhan ada sama-sama deng dong la kasi unju kalo Antua pung kata-kata tu batul lewat tanda-tanda herang yang dong biking.]

Mar laki-laki muda tu bilang par dong kata, “Jang taku! Beta tau kalo kamong cari Yesus orang Nasaret yang dapa salib tu. Antua su hidop kombali! Antua seng ada di sini! Lia tampa dong taru Antua pung mayat tu sa.

Mar waktu dong su dekat, dong lia batu basar yang tutu mulu kubur tu su taguling. Tarus, dong maso dalang kubur tu. Mar, dong takajo paskali tagal lia laki-laki muda satu yang pake baju panjang luar warna puti ada dudu di dong pung sabala kanang.