Популярні біблійні вірші з Ko-Dabirɛnu 28

Поділитись

I tara kan-bo-kan, n si to i fɛ ka i kandan. N si na i la fɔɔ nyamanɛ kɛ rɔ tun. N ti i boloka fɔ n ba n kuman-kan latɔnbagaya.”

Yakoba ya Mari sɔnɛ yen a tɔnkɔn rɔ. Mari ya a fɔ ale Yakoba ye ko, “I fa anubɛ i benba Iburayimata Mari Alla le nde la. I sanɛ dugi min kuma kɛ la, n si wo di wobɛ i bɔnsɔn ma.

Yakoba kundenta, a ko, “Yaga, Mari ye yan nun kɔnɔ n ma wo lɔn?”

Yakoba ya a dato, a ko, “Ni Alla tora n fɛ ka n kandan nta tagama kɛ rɔ, n ni dɔn-fan anubɛ fɛrɛya-bɔɛ sɔrɔn, wo kɔma, n ni sɛgi n fa warɛ yisi-kimɛ rɔ, Mari si ma nta Alla la wo rɔ. N bara kuri kɛ latelen kan min kɛ la, nyɔ si ma Alla madiya tinɛ la. Ni Mari ya fan minnu di n ma, n si wonu yaka bɔ wo rɔ ka a di a ma.”

I bɔnsɔn si siyaya iko dugi kɛ gbangban ye nya min. I bɔnsɔn si siyaya fanan ka taran duninya-tonko-nanɛ bɛɛ rɔ. Duninya-mɔgɛnu si duwɛ sɔrɔn i bɔnsɔn fɛ.

A ya kan tinɛ wo tɔgɔ sa Bɛtɛli. Soe wo tɔgɔ-kɔrɛ le nun Lusi.