Популярні біблійні вірші з Ko-Dabirɛnu 27

Поділитись

“I wa ila sɛnɛ sa kan-bo-kan, alamɛ duri tora yigila a kuma ka a sabati. Alamɛ Alla ya ila fui-fannu anubɛ ila nɔnbɔ-gbɔɛnu nasabati. Alamɛ bɔnsɔn siyaman wɔlita i ye. Mɔgɛnu ni anu famayigi i kɔrɔ. Alamɛ i mara kun-tigi la i na-kelen-nyɔgɛnu kuma. Anu ni anu famayigi i kɔrɔ. Ni min ya i danka, wo si dankɛ sɔrɔn. Ni min duwara i ye, wo si duwɛ sɔrɔn.”

Isɔ ya a fɔ ko, “Ado nfan, n yanfa fila nyɔgɛ le kɛ la gbɛ! Ka a fɔ Yakoba, n ma tɛrɛna wo la bawo a tɔgɛ wo kɔrɛ le, ‘Yanfante.’ A ara nta sɔ tinɛ bi yanfɛ la. A ara nna duwɛ fanan bi yanfɛ la.” A ya a fɔ a fa ye tun ko, “I ma duwɛ do lamara nde ye, wa?”

A fa ya a fɔ a ye ko, “I ti dugu-hakikɛ sɔrɔn i si i sigi kan min. Duri-wo duri ti yigi ila sɛnɛnu tɔ min si anu sabati. Ni i ma kɛlɛ kɛ, i ti fen sɔrɔn kɔnɔ hali wo, fɔ i wa wɔli i dɔgɛ kɔrɔ. Kɔnɔ a wa a lagbɛlɛya i kuma tumɛ min, i si bɔ ata sɛnbɛ kɔrɔ.”

Isɔ tora a fa madiyala ko, “N fa, i yandi, ni duwa kelen bi i bolo, wo di n ma. E, n fa, duwa nde fanan ye.” Isɔ dira.