Популярні біблійні вірші з Lukas 4

Поділитись

“It akoni inamende mondok dek ininggi dek mende eti pano wene yi yanggul isasi dogowagaluk mendanggikemo nogo nen, nombae Endaganggok Agurengge wusa ʼbi wagama an noba duksek werek o. Nen, nayonggo ʼbisi dogolik men yoknikike, It akoni ininggi kerle warek werek mende kerle piyal inabigin wene inom, inilenggen mbuk mende inilenggen ʼbenggelasuwagaluk panorinabigin wene inom, yogisigik, it akoni inapma negen sebelogo ʼbiyiligogi mende ndilogo inasokneat ʼbiyigik, ninombae Endaganggok nen panot ninabigin mende arat korok asi waga o, yiluk yogisigik, kagako dogono, yiluk laʼbani wagama wagi yi o,” yiluk yisikemo, kolal mbalek mende etnogo endaga wenako dogolik yanggul isasike.

at Yesus nen, men yogokike, “Allah nen yisi dogolik, Kit nen, kinombae Allah Nendaganggok anat kinindibagal yunggulogo napma unggi witluk pogot nako dogolik, an nake arlek kagako dogono o, yiluk yisikemo kolal mbalogo ʼbisukama werek o,” yiluk, esigit diluk yogokikemo

at Yesus nen, men yogokike, “Allah nen, Akoni kimbiri dombok nonggo dogolik, iniluk mondok dogoligogi dek o, yiluk yisikemo kolal mbalogo ʼbisukama werek o,” yiluk yogokike.

At Yesus i Yordan ima wusasinem, Allah Agurengge akla nggerlekogo unggisikemo duki wagikesik lagonem, at Allah Agurengge nen ebe wolok, o limo akoni dekma etoma lagike.

at Yesus nen men yogokike, “Allah nen yisi dogolik, Kit nen, an nake, Ninombae Allah Endaganggok anini werek a? Dek a, yiluk, naren mbalusak mondok dek o, yiluk yisikemo kolal mbalogo ʼbisukama werek,” yiluk yogokike.

Esigit diluk yogokikemo, at Iblis nen Yesus aren mbaligiluk yi walkigik, ndi walkigik, walkalok erlok dek agikemo nen, yabunggane walkasinem erlok asigin a, yiluk, elalma togot diluk lagike.

Esigit diluk yogokikemo, yabunggane Iblis nen Yesus wolok, ndom ombo paga ʼbi dagisikesik etoma nen o agat oba yi ai ndi ai nggokndek inendaganggok dogoligogomangge taʼbokogonat winamet diluk omanggi pasik ilenggen lakawagaluk yanggul ikike. Yanggul oko dogolik, men yogokike, “Nggokndek inendaganggok dogoligogoma inane kolek dogolik pogorinabigogi eti taʼbokogonat an inde dogowagaluk woknikukama an nakla nen ebet diluk paga, Ap eti wogosigin, yiluk wogisiligogoma, kat kindibagal yunggulogo napma unggi witluk pogot nabigin kalok, taʼbokogonat kat inde dogonok nen yiluk wokisigin o,” yiluk yogokikemo, at Yesus nen, men yogokike, “Allah nen yisi dogolik, Kit nen, kinombae Allah Nendaganggok anat kinindibagal yunggulogo napma unggi witluk pogot nako dogolik, an nake arlek kagako dogono o, yiluk yisikemo kolal mbalogo ʼbisukama werek o,” yiluk, esigit diluk yogokikemo

yabunggane Iblis nen Yesus wolok, o Yerusalem lagikesik nen, Yesus ebe o Allah ago palekma uwanat ombo warlengge salek isinggen obaat wolok dagisikesik nen, men yogokike, “At Allah nen, An nagoromi malaikat yomenogo nen kanggorlem dogowagaluk inayonggo ʼbigin o, yiluk yisikemo werek. Nen, omanggi men yisikemo werek, Kat kiyok nggit oba waraunogo yiluk, it malaikat eti ininggi ndalek werekma wokabugun o, yiluk kolal mbalek weregat kigi. Eti paga, kat eberogonat Allah aʼbut kalok, ya nen mbok wema etoma wusan o,” yiluk yogokikemo, at Yesus nen men yogokike, “Allah nen yisi dogolik, Kit nen, an nake, Ninombae Allah Endaganggok anini werek a? Dek a, yiluk, naren mbalusak mondok dek o, yiluk yisikemo kolal mbalogo ʼbisukama werek,” yiluk yogokike.