Популярні біблійні вірші з Soane 5

Поділитись

E maoki, e maoki, e kau pati atu kia koutou, ko leia e fakalogo ki laku folafola, ti mo tui ki leia na kakau ia mai au, e maua e ia le mauli lee gato ti e leaise toe au a ia ki le fakamaau, kae kua fakalaka a ia mei le mate ki le mauli.

Ko Sesu, i lana tio ki lana moemoe, ti mo lana iloa na nofo masaki a ia talu mei fualoa, na pati loa kiate ia : Pe ke loto ke ke mauli ?

E kotou sufe le Tosi tapu talie e kotou manatu e kotou maua i ai le mauli lee gato. Ko le Tosi tapu leia e fakamaoki kiate au. Ti e leaise kotou fia au kiate au, o tupu ke kotou maua le mauli !

Na pati loa Sesu kiate ia : Tuu ki aluga, too lou palepale, o saele. I le lakaga fai lena, na mauli loa le tagata ; ti na too loa e ia lona palepale, o saele.

Ti na toe masau loa Sesu kia latou, o pati : E maoki, e maoki, e kau pati atu kia koutou, e leaise feala ke fai e le Alo se nea iate ia totonu, e fai e ia le nea leia e tio a ia e fai e le Tamana ; ti ko nea fuli ala e fai e le Tamana, e toe fai foki e le Alo.