Популярні біблійні вірші з Soane 6

Поділитись

Na pati loa Sesu kia latou : Ko au ko le pane o le mauli. Ko leia e au kiate au e leaise toe fia kai loa a ia, ti ko leia e tui kiate au e leaise toe fia inu loa a ia.

Ko le Laumalie leia e fakamauli ia. E leai sona aoga o le tino. Ko folafola ala na kau fakasa atu kia koutou e Laumalie ti e mauli.

Aua na kotou gaoi ki le nea kai leia e maumau, kae kotou gaoi ki le nea kai leia e tologa ki le mauli lee gato, le nea kai leia e soli atu loa e le Vosa o le tagata kia koutou ; talie ko ia leia na fakamailoga e le Tamana, e le Atua totonu, ki lona fakamailoga.

Ko le finegalo o loku Tamana, ko leia e tio ki le Alo ti e tui kiate ia ke maua e ia le mauli lee gato, ti ke kau toe fakatuuake a ia i le aso fakamuli.

Na tali loa Sesu kia latou : Ko leinei le gaoi a le Atua, ke kotou tui ki leia na kakau mai e ia.

Ko latou fuli ala e soli mai kiate au e loku Tamana e au loa kiate au, ti e leaise kau tuku loa ki fafo leia e au kiate au

Na tali loa Simone Petelo kiate ia : Aliki, ke motou ano loa kiate ai ? E nofo iate koe a folafola o le mauli lee gato.

Ko au ko le pane mauli leia na ifo mei le lagi. Kapau e kai se tasi ki le pane lena, e mauli loa a ia o lee gato ; ti ko le pane leia e kau soli loa, ko loku tino, leia e kau soli loa ki le mauli o le malama nei.

E leaise feala ke au se tasi kiate au, mo kapau e leaise fakalalata mai a ia e loku Tamana leia na kakau ia mai au ; ti e kau toe fakatuuake loa a ia i le aso fakamuli.

talie ko le pane o le Atua ko leia e ifo mei lagi o soli le mauli ki le malama nei.

Ko au ko le pane o le mauli.

Na too loa e Sesu a fa pane, o fakafetai, ti mo tufa loa latou kia latou ala kua nonofo ki lalo ; na toe soli foki e ia ni ika kia latou, o fakalogo ki lolatou loto. I lolatou makokona, na pati loa a ia ki ana tisipulo : Tanaki a toei kaiga ke aua na maumau se nea.

Na lotou foe o mamao mei le kele i ni kilometa e tolu pe ono, ti na lotou tio loa kia Sesu e saele i le tai, o au ki le vaka. Ti na lotou i lasi ai. Kae na pati loa Sesu kia latou : Ko au, aua na kotou i !