Популярні біблійні вірші з Luc 14

Поділитись

“Awik ka iteritak kitci witcewitc, acteriw kirawe kitci sakihitc patok e asitci sakihatc otawiwa, okawiwa, owiwa, onitcanica, octesa, omisa, kirika ocima, kirawe kaie kiapatc kitci sakihitc, patok wir tipirawe e asitci sakihitisotc. Kecpin aka ici sakihite, nama ni ka ki witcewikw.

Kaie anahwe aka ka miwiratc otcipaiatikoma kitci ki tca nosanehwitc, nama kaie wir ni ka ki witcewikw.”

Anaha kotc ka icperimitisotc, kata tipaterimakaniwiw. Anaha tca kotc ka tipaterimitisotc kata icperimakaniwiw.”

Minawatc itew Cecoc: “Ekoni wetci ititakok, nama otci peikw nta e taciekw ni ka ki witcewikw kecpin aka pitama pakiteritake kaskina e ici tatak.”

“Kecpin peikw nta e taciekw e wi ocitatc mikiwamiciciriw e icpaskahak, warawik kitci ki wapatcikaterik kekwariw, apiw pitama. Akitam irikik ke itakitakonik, e nta kiskeritak kaie irikik coriariw wir tipirawe e takonik, kitci ki tca kictatc otamirowin. Kecpin meka kitciparite e asinikanikitciketc, aka aric e kackitatc kitci kictatc, kaskina ke wapamikotc kata matce papirototako, kitci tca itikotc: ‘Ki kitcipariw e ocitatc mikiwamiriw, nama aric ki kackitan kitci kictatc otamirowin!’”

E wicakemoin kitci makocaniwok, wicamik ka kitimakisitcik, ka maskisitcik, ka atciwockatcik kirika aka ka wapitcik. Ki ka tca micta caweritakosin. Nama meka aniki ki ka ki tapictakok. Aric Kice Manito ki ka tapictakw apitc apitcipahakaniwitawe aniki kaskina icikowisk ka iteritakositcik.”

“Mirwapatan ciwotakan. Kecpin aric aka awocamec nisitospokoke ciwotakan, tan ke ki totcikatek kitci koski ciwak? Nama aci wiec irapatan kitikan askik kitci ki actakaniwok, nama kaie atikw okatci kata ki actakaniwon. Ekoni e ici orowepinikatek. Wewerita natotamokw ohwe, kirawaw ka kackitaiekw kitci nisitotamekw!”