Популярні біблійні вірші з Luc 10

Поділитись

Natotacikw! Ki ki miritinawaw kitci takoskatekok kinepikok kirika mantcocak ka koctatikositcik, acitc kaskina kitci patakockamwekw omackawisiwin anahwe ka wi cakotcihitokw. Nama kekocic ki ka ki matci totakonawaw.

Aci itew Teperitciketc: “ Marthe , Marthe , micta mitcet kekocic kit arimeritamihikon, mitcen kaie ka arimihikoin. Aric tepirak peikw kekocic kictapatan. Wir Mari ki orapatam aniheriw kirawe ka mirwacinik, aka ke maninamowakaniwitc.”

Itew anahwe iriniw: “‘Ki ka sakihaw Teperitciketc Kikice Manitom kaskina e irikokotehein, kaie tekaci kitcitcakocik, acitc irikik e ici mackawisiin kaie kimitoneritcikanik.’ Acitc tca ‘Ki ka sakihaw kiwitc iriniw mia mitowi e asitci sakihitisoin.’”

Epwamoci matcaritci ki itew Cecoc: “Mia kitikan askik icinakosiwok iriniwok, mitcen otamirowin ke ki totcikatek neta, aci e otcitciparik kitci mawotcitakaniwok kitikan, nama aric mitcetiwok iriniwok ke otamirotcik. Pakoserimakw anahwe ka mitatc e mawotcitakaniwonik kitikaniw, kitci pe iciticohwatc kotakihi iriniwa kitci pe nta witcihiweritci.

Minawatc Cecoc kokwetcimew anihi irakonike iriniwa: “Awin mia nta e nictitcik, kit iteriten, owitc iriniwa, anaha ka ki macikakotc kimoti iriniwa?” Itew anahwe irakonike iriniw: “Anahwe mia ka ki kitimakerimatc.” Aci itew Cecoc: “Eko ma tca ni tota kaie kir!”

Ekoci matcakw! Aci kit iciticohotinawaw kitci atoskectawiekw, e koctatikok nete ke iciticohotakok, mia maritcenicak e pimotetcik nte e ici taritci mahikana ki ka iteritakosinawaw.