Популярні біблійні вірші з Luc 11

Поділитись

Kirawaw tca ata e matci iriniwiekw peikon ki kiskeritenawaw kitci mirekok miro kekociciriw kinitcaniciwawok. Wir tca Kotawino icpimik ka taciketc wawatc kirawe mictahi ki miro totakono e pe miritokw Miro Manitowa anahweriw e nataweritamakotc.”

“Ki witamatinawaw tca: nataweritamokw kekocic, ki ka tca mirikowinawaw. Nantowapatamokw, ki ka miskenawaw. Papawohamokw, ki ka cenamakowinawaw ickwatem.

Anahwe meka ka nataweritak kekociciriw, pe otitiko. Anahwe ka nantowapatak, miskam. Kata cenamowakaniwiw ickwatemiriw anahwe ka papawohak.”

Aci itew Cecoc: “Ekoni ke iteiekw e aiamihaiekw: Notawinan, ni nataweritenan kitci kicteritcikatek kiticinikasowin, kitci otcitciparik kokimawin.

Kasihamawicinan nipactatowinana, kirano meka kit ici ponerimananak aniki ka matci totawimitcik. Kaie akawir pakitinicinan kitci kokwetcihikoiak kitci pactatiak.”

Miricinan tato kickwa ke mitciak.

Kickicikw, mia wactenamakan iteritakon kiwiaw otci. Kecpin e mirwacik kickicikw, kaskina kiwiaw miro wactenikatew. Kecpin aric e akosapiin, kaskina e itikitiin mia e kiski tipiskak e ici tacikein.”

“Nama awik iskaham wactenamakaniw tepirak kitci katatc, kekotc cipa askikok kitci akonahak. Kirawe kata actaw neta ka ici tcimatakaniwonik, kitci miro wapatakik kaskina ke pitaketcik e miro wacterik.