Популярні біблійні вірші з Mark 12

Поділитись

Yěsû a kẅùə̀ lo, “Ntə̌ ghù ntsàambyə̀ chyə̂ lo, ‘Nɨ̀ zuʼù mbǎ pànə̀ pɨ Israel; Ndòʼnə̀mbyə̂ Nẅùə̀koʼò ɨ̀wə̀ənə̀, a tyìʼə̀ ze nɨ ze mbə Nẅùə̀koʼò. Lenəla, tyiʼə̀ nkòŋə̀ a Ndòʼnə̀mbyə̂ Nẅùə̀koʼò nɨ ntɨŋmə̀ o ɨ̀tsùmə̀, nɨ nɨ̀chyə̂mbyə̂ o ntsùmə̀, nɨ àzhìʼtə̀ o àtsùmə̀, farə nɨ mɨ̀tɨ̀ŋnə̀ ɨ̀mô mɨ̀tsùmə̀.’ Ẅùə̀ nɨ ɨ paatə̀nə pə lo, ‘Tyiʼə̀ nkòŋə̀ a ndyimə o tsaʼa mbɨ̀ŋmə̀ o.’ Ka ntə̌ ɨ̀tse ɨ pə e ghu nɨ ɨ tsàarə̀nə mɨ̀ntə̌ mə mɨmbaa.”

Yěsû à lə̀ fuŋə ɨ̀zùŋə̀ ndzùmə̀ ɨ̀pe nshwəŋə̀ ambo pobə lo, “Ǹshwəŋə̀ tyìʼə̀ nkǔŋə nkuŋə ambo pɨghə lo ngàŋə̀ àfumə̀ nkwùə mə̀ngyə̌ wə̀ à chyâ nkabə̀ amwuə nkwùumə̀ ntsàarə̀ pànə̀ pɨ̀tsùmə̀ nɨ pɨ pənə nchyâ nkabə̀ nchàʼtə Nẅùə̀ la. Ntiinə ngàŋə nkabə̀ zə fuukə̀ la amwuə nkabə̀ noʼnə nɨ pobə pənə nɨ zèrə; la nkwùə mə̀ngyə̌ wə̀ nɨ à pənə ngàŋə̀ àfumə̀ la, à chyâ la àzwuumə̀ e àtsùmə̀ nɨ à pənə nɨ zèrə a nɨ chyə̂ e aŋunə.”

Yěsû à lə̀ nwuunə̀ a nɨ̀pwùnə nkwùumə̀ nɨ pɨ lə̀ mənə nchyâ nkabə̀ nchàʼtə Nẅùə̀, mmə nnaŋə̀ tsaʼnə pànə̀ mənə nchyâ nkabə̀ amwuə. Ngàŋə nkabə̀ yɨ̀noʼnə lə̀ làŋə̀ nchyâ nkabə̀ noʼnə amwuə nkwùumə̀ wa. La nkwùə mə̀ngyə̌ ɨ̀tse nɨ à lə̀ pənə ngàŋə̀ àfumə̀ à lə̀ tô nchyâ pɨ̀mɨlyiʼə pɨ̀nkabə̀ pɨ kopà pɨpaa nɨ lə̀ pənə tsaʼa taʼà kapà.

Tə̂ àtwuə̀ nkòŋə̀ e nɨ ntɨŋmə̀ o ɨ̀tsùmə̀, nɨ àzhìʼtə̀ o àtsùmə̀, nɨ ɨ̀tɨ̀ŋnə̀ o ɨ̀tsùmə̀, nkɨ nkòŋə̀ a ndyimə o tsaʼa mbɨ̀ŋmə̀ o. Zèrə zə a pòŋə̀ ntsàarə̀ a nɨ ŋâ a nyàamə̀ lo pɨ̀ tòonə̀ ntsùmə̀ nchàʼtə̀ a Nẅùə̀ ghu, kə̀ ɨ̀pwuumə̀ ɨ̀tsùmə̀ nɨ pɨ pa mmàʼà a Nẅùə̀ ghu.”

Yěsû a tyiʼə̀ nshwəŋə̀ ambo pobə lo, “Nɨ̀ ŋâ ɨ̀pwuumə̀ pa nɨ pənə pɨ Kaasà ambo Kaasà nkɨ ŋŋâ ɨ̀pwuumə̀ nɨ pənə pɨ Nẅùə̀ ambo Nẅùə̀.” Pobə lə̀ zuʼù ànwùə̀ zèrə zə la, nnaŋə̀ e a kə̀ʼnə̀ a ghobə.