Ang Mga Talinhaga ni JesusHalimbawa

ANG NAWALANG ANAK
Marahil ang pinakakilalang talinhaga, karaniwang kilala bilang ang Alibughang Anak, na nagkukwento ng tungkol sa dalawang magkapatid na lalaki na nagsisikap kaluguran ng kanilang ama at makuha ang kanyang pagsang-ayon.

Kinuha ng alibughang anak ang kanyang mana, nilustay ito nang mabilis at walang ingat. Sa pag-iisip kung gaano niya nasaktan ang kanyang ama at kawalang saysay ang kanyang buhay, sinubukan niyang bumalik sa kanila upang makapagtrabaho siya at muling mapalapit sa kanyang Ama. Hindi na siya pinahintulutang masabi pa niya ang mga iyon, sapagkat minamahal at muling tinaggap siya ng kanyang ama bago pa man siya makapagsimulang makapagtrabaho para sa kanya.

Maaksaya at maluho ang ibig sabihin ng salitang "alibugha," isang titulong inilaan para sa anak na lalaki dahil sa kung paano niya ginamit ang kanyang minana. Gayunpaman, ang ama ang siyang totoong alibugha sa kwentong ito, sapagkat siya ay maaksaya at maluho sa pagbibigay ng kanyang pag-ibig, pagpapatawad, kahabagan, at mga ari-arian sa pagbabalik ng kanyang anak.

Madalas ay nakakaligtaan ang nakatatandang kapatid sa kwentong ito, ngunit napaka-interesante niya para sa mga madlang nakikinig, ang mga Pariseo, mula noong unang bersikulo pa lamang. Alam nilang ang panganay, na naniwalang dapat siyang mas pinaboran ng kanilang ama dahil sa kayang katapatan sa kautusan, ang kumakatawan sa kanila sa kwento. Ngunit ang nakatatandang kapatid ay kumikilos upang makakuha ng pag-ibig at mapanatili ang kanilang pagpapala, hindi upang mahalin at layuning pagpalain ang ama. Nakikita natin sa kwentong ito ang pagtubos at pagkumpisal ng nakababatang kapatid, ngunit ang tadhana ng nakatatandang kapatid, na ipinagkatiwala ang kanyang mga kilos higit sa anupaman, ay nanatiling hindi nalutas sa kwento.