W: Walang hanggan (no end, forever)

Sapagkat gayon na lamang ang pag-ibig ng Diyos sa sangkatauhan, kaya’t ibinigay niya ang kanyang kaisa-isang Anak, upang ang sinumang sumampalataya sa kanya ay hindi mapahamak, kundi magkaroon ng buhay na walang hanggan. (Juan 3:16)

Ito ang pangako ng Panginoon sa atin: sa ‘Ngalan ng Kanyang anak na si Hesukristo, tayo’y may buhay na walang hanggan. Hindi magwawakas ang pagpapakita Niya ng grasya, kabutihan, at pagmamahal sa atin kapag tayo’y pumanaw na dahil tayo’y tinubos na ni Hesus mula sa ating mga kasalanan at tayo’y kinikilala na ng Diyos bilang Kanyang mga anak.

Noong tinanggap nating Panginoon at Tagapagligtas si Hesus, tayo rin ay binigyan na ng Panginoon ng buhay na walang hanggan. Ito ang ating ginugunita at ipinagpapasalamat araw-araw, lalo na ngayong Semana Santa. Dahil sa grasya at pagmamahal ng Panginoon sa pamamagitan ni Hesus, tayo’y hindi na maaari pang mamatay. Pumanaw man tayo sa mundong ito, may naghihintay sa ating buhay at pahinga dahil sa Kanyang kabutihan.