Walang Takot: Anim na Linggong Paglalakbay Halimbawa

IKA-3 LINGGO: O, PANGINOON, AKO AY MAHINA

ANG TUBIG NG KANYANG SALITA
Basahin ang Mga Awit 103.

Ano ang sinasabi ng salmista tungkol sa pag-ibig ng Diyos at sa pag-unawa Niya sa iyo? Magkaroon ng kaaliwan kung hindi mo alam kung paano kang susunod sa Panginoon. Magkaroon ka ng katiyakan sa iyong kahinaan at kawalan ng kakayahan! Sa iyong kahinaan at kawalan ng kakayahan, lalo kang kakapit kay Jesus! Ginawa ni Jesus na walang halaga ang Kanyang sarili, dahil alam Niyang ipinanganak Siyang tulad ng mga karaniwang tao. Nagpakumbaba Siya. Magpakumbaba ka. Sundan ang halimbawa ni Cristo at hilingin sa Diyos ang Kanyang habag at pagtulong.

LUMAKAD SA KATOTOHANAN
Hilingin sa Diyos na bigyan ka ng biyayang humingi ng tulong. Pagkatapos ay hilingin mo sa Kanyang ipakita sa iyo kung paano sumunod sa Kanya. Madalas, kapag inaakala nating alam natin ang ating ginagawa, naligaw na tayo ng daan. Basahing muli ang Mga Awit 103. Ano ang natututunan mo tungkol sa Diyos, sa Kanyang katangian, sa Kanyang puso ng pagiging pastol? Pumili ng isang bagay tungkol sa Diyos at sa Kanyang katangian na siya mong maaaring kapitan sa araw na ito at gamitin sa oras ng pananalangin.

ITUON MO ANG MGA MATA NG IYONG PUSO
Tahimik na bigkasin sa sarili mo ang pinagtutuunang bersikulo para sa araw na ito. Itago ito sa iyong puso, pagnilayan, at gawing panalangin sa buong araw.

Mateo 5:3-5
Mapalad ang mga taong walang maaasahan kundi ang Diyos, sapagkat mapapabilang sila sa kaharian ng langit. Mapalad ang mga nagdadalamhati, sapagkat aaliwin sila ng Diyos. Mapalad ang mga mapagpakumbaba, sapagkat mamanahin nila ang daigdig.