Pagsamba: Isang Aralin sa Mga AwitHalimbawa

Ano ang sinasabi nito?

Nanawagan ang salmista sa Israel na purihin ang pangalan ng Panginoon at magpasalamat sa Diyos ng Sangkalangitan. Ang Kanyang pag-ibig (awa) ay nananatili magpakailanman.

Ano ang ibig sabihin nito?

Hindi napigilan ng manunulat ang kadakilaan na nadama niya sa pag-iisip ng karilagan ng Diyos. Nilikha ng Panginoon ang lahat ng bagay at Siya ang may kapangyarihan sa lahat. Ang mga pag-iisip tungkol sa kahanga-hangang katangian ng Diyos, ang Kanyang makapangyarihang mga gawa ng paglikha, at ang Kanyang mahimalang pagliligtas, pag-iingat, at pangangalaga sa Israel ay naging dahilan upang mamutawi sa kanya ang masasayang awit ng papuri at pasasalamat. Nakita niya ang lubos na kahangalan ng pagsamba sa mga diyos na gawa ng mga kamay ng tao. Naglingkod ang Israel sa isang mahabagin, mapagmahal, maawain, at walang hanggang Diyos. Hinimok ng salmista ang mga nakapaligid sa kanya na purihin ang Diyos kung sino Siya at magpasalamat sa Kanyang ginawa.

Paano ako dapat tumugon?

Ang iyong papuri at pasasalamat ay dumadakila sa Diyos. Hindi Niya ito kailangan, ngunit gusto Niya itong marinig. Maglaan ng ilang sandali upang pagnilayan kung sino ang Diyos at kung ano ang ginawa Niya para sa iyo nang personal. Ikaw ba, tulad ng manunulat ng mga salmo na ito, ay nakikita ang katapatan ng Diyos habang Siya ay lumalakad na kasama mo? Anong mga kanta ang lumilikha ng pakiramdam ng pagkamangha, na nagpapakilos sa iyo na sumamba, magpuri, at luwalhatiin ang Diyos? Awitin ang mga iyon nang malakas sa buong linggo sa iyong sariling oras ng papuri sa bahay o sa iyong sasakyan. Ngayon, hayaan ang iyong mga saloobin, salita, at kilos na ipakita ang iyong pagkilala sa kahanga-hangang katangian ng Diyos at pasasalamat sa kung paano Siya gumawa sa iyong buhay.