Maglaan ng Lugar para sa kung Ano ang Mahalaga: 5 Espirituwal na mga Gawi para sa KuwaresmaHalimbawa

Mga Espirituwal na Gawi: Pag-aayuno

Kapag iniisip mo ang "pag-aayuno," ano ang naiisip mo? 

Marahil ay naiisip mo ang mga taong kusang-loob na nagpapagutom ng kanilang sarili. Marahil ay inilalarawan mo ang isang monghe na nabubuhay sa tuyong tinapay. O baka ikaw ay isang taong mas pinipiling huwag isipin ang tungkol sa pag-aayuno ... kailanman.

Si Jesus ay naglaan ng 40 araw sa ilang na nag-aayuno. At ayon sa Kanyang pakikipag-usap sa Kanyang mga disipulo, ang pag-aayuno ay isang kaugalian na ipinapalagay Niya na gagawin din nila. 

Ngunit ang sadyang paggawa ng puwang sa ating buhay upang marinig ang Diyos sa pamamagitan ng pag-aalis ng mga bagay na nagbibigay sa atin ng agarang kasiyahan ay maaaring magdulot ng pakiramdam na hindi komportable—lalo na kapag niluluwalhati ng ating mundo ang kasiyahan.

Narito ang 3 dahilan kung bakit mahalaga ang pag-aayuno: 

Ginugutom ng pag-aayuno kung ano ang pumipigil sa atin upang maranasan ang presensya ng Diyos. Pinipilit tayo nitong bigyang-pansin ang mga bahagi ng ating buhay na sinusubukan nating lunurin sa pamamagitan ng mga paglilibang sa gabi at mga pagbababad sa social media. At sa proseso, itinuturo nito sa atin na umasa kay Jesus upang matugunan ang ating mga pangangailangan. 

Iniimbitahan tayo ng pag-aayuno na talikuran ang isang bagay na gusto natin para magkaroon ng puwang para sa isang bagay na mas mahal natin Bagaman ang pagsuko sa isang bagay na gusto mo, tulad ng pagkain, ay maaaring mahirap at hindi komportable, ito ay talagang isang pagkakataon upang maranasan ang malaking kagalakan, dahil ang tunay na kagalakan ay matatagpuan lamang kapag ang ating lakas ay nagmumula kay Jesus. 

Madalas na nauuna ang pag-aayuno bago ang pambihirang tagumpay. Si Moises ay nag-ayuno ng 40 araw habang tinatanggap ang 10 Utos, si Daniel ay nag-ayuno ng 3 linggo at pagkatapos ay nakatanggap ng isang pangitain, at si Jesus ay nag-ayuno sa loob ng 40 araw at pagkatapos ay napagtagumpayan ang mga tukso ng diyablo. Sa bawat isa sa mga sitwasyong ito, nagbigay ang Diyos ng kalinawan, lakas, at tagumpay sa kabilang panig ng tapat na sakripisyo.  

Kumilos: Subukang kumpletuhin ang 24 na oras na pag-aayuno. Kung hindi ka pa madalas mag-ayuno, panatilihing simple ang pagsasanay na ito—ang layunin dito ay matapos. Kung nagsimula kang makaramdam ng pagod sa panahon ng iyong pag-aayuno, gawing pagkakataon ang pagod na iyon para makipag-usap sa Diyos at makinig sa Kanya. Kapag natapos mo na ang pag-aayuno, isulat ang anumang bagay na kapansin-pansin sa iyo sa panahong ito.