Maglaan ng Lugar para sa kung Ano ang Mahalaga: 5 Espirituwal na mga Gawi para sa KuwaresmaHalimbawa

Mga Espirituwal na Gawi: Katahimikan

Isipin na ikaw ay nakatayo sa isang burol mag-isa. Ang isang batis ay dumadaloy sa tabi mo habang ang mga ibon ay masayang humuhuni sa itaas mo. Ang araw ay tumatama sa iyong mukha habang dumaraan ang banayad na simoy ng hangin. Ang lahat ay mukhang kalmado at tahimik—ngunit ang iyong isip ay tumatakbo sa isang listahan ng mga gawaing hindi mo na nagawa, mga problemang hindi mo malutas, at mga pagkasira na hindi mo maayos. Bagama't ikaw ay nasa isang tahimik na lugar, ang tunog ng iyong sariling mga pag-iisip ay pumipigil sa iyong masiyahan sa mga nangyayari sa iyong paligid.

Ano ang kailangan para sa iyo upang huminto, patahimikin ang ingay, at tumahimik? 

Sa pamamagitan ng katahimikan, natututo tayong bigyang pansin ang ginagawa ng Diyos sa atin at sa ating paligid. Ngunit ang katahimikan ay parehong aktibo at walang kibo. Kabilang dito ang pagpayag sa Diyos na muling ituon ang ating paningin at iayon ang ating mga tainga sa Kanyang tinig habang ibinibigay natin sa Kanya ang mga ingay sa loob natin. Nangangailangan ito ng pagsuko ng ating mga alalahanin, mga isipin, at mga problema sa Diyos habang pinahihintulutan Siya na muling ituon ang ating mga puso sa Kanya. 

Habang isinasabuhay natin ang espirituwal na gawing ito, nagiging mas handa tayong magbigay ng kaluwalhatian sa Diyos para sa Kanyang kapangyarihang gumagana sa ating buhay dahil nagsisimula tayong mapansin kung ano na ang ginagawa ng Diyos sa ating buhay. 

Hakbang ng Aksyon: Lumabas ng ilang oras sa linggong ito at ugaliing ibigay sa Diyos ang anumang alalahanin na naiisip. Mainam kung kailangan mong gawin ito nang paulit-ulit ng ilang sandali. Gamitin lamang ang oras na ito para patahimikin ang ingay sa iyong kalooban at ugaliing gumawa ng puwang para marinig ang tinig ng Diyos.