9 Na Mga Karaniwang Kasinungalingang Pinaniniwalaan ng mga Cristiano: Bahagi 1 Ng 3 Halimbawa

Gusto lang ng Diyos na maging masaya ako.

Ang kaligayahan ba talaga ang pinakadakilang kabutihan sa buong mundo? Ang mga pahayag tulad ng "Masayang asawa, masayang buhay" at "Ang sukdulang layunin ng buhay ay ang paghahanap ng kaligayahan" ay naging mga kasabihan na sa ating lipunan simula pa noon. Ngunit iyon ba ang pangunahing prayoridad ng Diyos para sa ating buhay—upang maging masaya lamang?

Ngayon, huwag mo itong masamain. Hindi ako kontra sa pagiging masaya. Ako ay isang tagahanga ng malusog na kaligayahan. Ang tinutukoy ko ay ang kahulugan ng kaligayahan sa mundo o, ang higit pang mahalaga para sa atin, ang ating sariling pananaw sa kaligayahan. Ang ideya ng kaligayahan sa mundo ay direktang nakaugnay sa mga pangyayari. Kung ang ating mga kalagayan ay kanais-nais, kung gayon tayo ay masaya. Kung hindi, kung gayong, hindi tayo masaya.

Ngunit narito ang katotohanan: nagbabago ang ating sitwasyon sa lahat ng oras. Marami sa atin ang pinapayagan ang mga nakababahalang pangyayaring ito na diktahan ang ating kaligayahan. Ito ay isang lubhang mapanganib na sitwasyon kapag ang panlabas na pangyayari ay kumokontrol sa ating panloob na damdamin.

Mayroon bang ibang bagay ang Diyos na inilaan para sa iyo at sa akin kaysa sa kaligayahan lamang? Narito ang kahanga-hangang sagot sa magandang tanong. Tatlong maliliit na titik: J-O-Y o Kagalakan. Nais ng Diyos na maranasan natin ang kagalakan — ang maayos na kalagayan ng kasiyahan, kumpiyansa, at pag-asa na nagmumula lamang sa pagtitiwala sa Kanya.

Ang magandang katotohanang ito ay isa pang indikasyon kung bakit ang kagalakan ay totoong mas malaki kaysa sa kaligayahan. Ang kagalakan ay hindi itinatayo sa panlabas na pangyayari, kundi kay Cristo na naninirahan sa loob ng mga mananampalataya. Kung ang Espiritu ni Cristo ay palaging nasa loob ko at hindi ako iiwan, hindi ako iiwan ng aking kagalakan. Anuman ang pagdaanan ko, maaari akong magkaroon ng kagalakan sapagkat ang aking Diyos ay sumasaakin. Magandang araw—kagalakan. Masamang araw—kagalakan. Pagdurusa — kagalakan. Kapag maayos ang lahat—kagalakan. Kapag walang nangyayaring naaayon sa akin—kagalakan. Ang aking kagalakan ay nananatili sapagkat ang aking Cristo ay nananatili.

Mga Katanungan para sa Pagninilay:

Ano ang mga pagkakaiba sa pagitan ng kahulugan ng kaligayahan sa mundo at ang kahulugan ng kagalakan ng Biblia?

Sa anong parte ng iyong buhay na idinikta ng iyong mga sitwasyon ang iyong kaligayahan? Paano magiging mas kapaki-pakinabang ang pagtuon sa kagalakan sa panahong iyon?

Katotohanan:

Ang kahulugan ng kaligayahan sa daigdig ay madalas na idinidikta ng mga pangyayari, ngunit ang kagalakan sa Biblia ay binuo sa isang taong nagngangalang Jesus.