Luka 14
14
Mũndũ ũwaĩte wimbu aivow’a mũthenya wa savato
1 #
Lk 6.6–11; 11.37. Na kweethĩwa mũthenya ũmwe wa savato yĩla wavotie nyũmbanĩ ya ũmwe wa anene ma Avalisi aye lĩu, mekala makĩmũsyĩma. 2Na sisya, nĩvo vaĩ mũndũ ũmwe ũwaĩte wimbu, wekalĩte mbee wake. 3Na Yesũ amasũngĩa amanyĩsya ma mĩao na Avalisi, amakũlya, Nĩkwosana na ĩla mĩao kũvosya mũthenya wa savato, kana ti w’o? 4Ĩndĩ mekala makilĩtye. Nake amwosa ũ mũndũ, amũvosya, na amũeka athi. 5#Lk 13.15; Mt 12.11.Na amakũlya, Nũũ kwenyu ũla wĩ na ng’ombe kana ĩng’oi yĩvalũkĩte ĩimanĩ, na ndakayumya na mĩtũkĩ mũthenya wa savato? 6Nao maiaatonya kũmũsũngĩa maũndũ asu.
Wĩnyivyo na ũthokan’yo
7 #
Mt 23.6. Nake amatavya ngelekan’yo ala meetiwe, yĩla wonie ũndũ manyuvie ivĩla sya mbee; akĩmea, 8#Nth 25.6.Weetwa nĩ mũndũ mũtwaanonĩ, ndũkekale kĩvĩla kya mbee; vatikethĩwe ũla wĩ ndaĩa kwĩ we wĩtĩtwe nĩwe, 9na ũla wamwĩtĩe inyw’ĩ elĩ akooka na ũkwĩa, Mwathũkĩe mũndũ ũũ; naku ũkookĩla na nthoni ũkekale vandũ va ĩtina. 10Ĩndĩ weetwa, enda wĩkale kĩvĩlanĩ kya ĩtina; nĩ kana ũla wakwĩtie ooka, akũtavye, Mũnyanyawa, ambata kũũ mbee: nĩvo ĩndĩ wĩĩthĩwa na ndaĩa methonĩ ma onthe ala mekalĩte makĩya naku. 11#Lk 18.14; Mt 23.12.Nũndũ ũla wĩnenevasya mwene nũkanyivw’a: na ũla wĩnyivasya mwene nũkanenevw’a.
12Na amwĩa ũla wamwĩtie, Waua lĩu wa mũthenya kana wa wĩoo, manya ũmeta anyanyau, kana ana‐a‐inyia maku, kana mbaĩ yaku, kana atũi maku ala athwii; ũndũ matesa ũkwĩta makũĩve. 13#Kũt 14.29.Ĩndĩ wavoka mboka, mete ala ngya, na ala me ithu, na ala mathuaa, na ililinda: 14#Yoa 5.29.naku ũkeethĩwa mũathime; nũndũ mati na kĩndũ kya ũkũĩva: nũndũ ũkaĩvwa ũthayũũkyonĩ wa ala alũngalu.
Ngelekan’yo ya mboka nene
(MATHAYO 22.2–10)
15 #
Lk 13.29. Na ũmwe ũla wekalĩte nake makĩya lĩu, eew’a maũndũ asu, amwĩa, Nĩ mũathime ũla ũkaya kĩmũtũ ũsumbĩnĩ wa Ngai. 16Ĩndĩ we amwĩa, Mũndũ ũmwe nĩwavokie mboka nene; na ameta aingĩ: 17na saa wa kũya mboka wavika atũma ngombo yake ĩmatavye ala meetiwe, Ũkai; syĩndũ syonthe nĩsyũmbanĩtw’e. 18Na onthe mambĩlĩlya kwĩmilanga na ngoo ĩmwe. Ũla wa mbee asya, Nĩnthooete mũũnda, na nĩnaĩlwe nĩ kũthi kũoa; ame naku, ndeka nĩthi. 19Na ũngĩ asya, Nĩnthooete ndewa ĩkũmi sya wĩa, na nĩngũthi kwitata; ame naku, ndeka nĩthi. 20#1 Ako 7.33.Na ũngĩ asya, Nĩndwaĩte mũka, na ũndũ wa ũu nditonya kũka. 21Na ngombo yooka, yamũtavya vwana wayo maũndũ asu. Na ĩndĩ mwene wa nyũmba athata, na amĩtavya ngombo yake, Umaala mĩtũkĩ, ũthi nzĩanĩ nene na tũsĩlanĩ twa ndũa, ũete vaa ala ngya, na ala me ithu, na ililinda, na ala mathuaa. 22Na ngombo yamwĩa, Vwana, ũndũ ũla wĩaie nĩwĩkiwe, ĩndĩ no vatiele ũthei. 23Na vwana eea ĩ ngombo, Umaala, ũthi na malelũ na mĩvakanĩ, ũmaingĩĩsye moke, nĩ kana nyũmba yakwa yusũe. 24Nũndũ nĩngũmũtavya, wa ala meetiwe vai ũmwe ũkasama lĩu wakwa.
Thooa wa kwĩthĩwa mũmanyĩw’a
(MATHAYO 10.37–38; 5.13; MALIKO 9.50)
25Na makomano manene maendan’ya nake: na eethyũũa, amea, 26#Kũt 33.9,10; Lk 18.29,30; Yoa 12.25.Mũndũ akyũka kwakwa atamenete ĩthe wake, na inyia, na mũka, na syana syake, na ana‐a‐inyia na eĩtu‐a‐inyia, ĩĩ, o na thayũ wake, ndatonya kwĩthĩwa e mũmanyĩw’a wakwa. 27#Lk 9.23.O ũla ũtakuaa ngelan’yo yake, aingatĩĩa, ndatonya kwĩthĩwa e mũmanyĩw’a wakwa. 28Nũũ kwenyu, akyenda kwaka nyũmba yĩ mũnyoolo ũtambaa kwĩkala nthĩ na kũtala mbesa sya kũmyakĩthya, nĩ kana amanye ethĩwa e nasyo sya kũmĩmina? 29Ndakese kwĩthĩa aaka wambĩlĩlyo, na ndatonya kũmĩmina, onthe ala monaa mambĩlĩlye ũmũthekeea, 30makyasya, Mũndũ ũũ nĩwambĩlĩlye kwaka, na nĩwaemiwe nĩ ũminũkĩlya. 31Kana nĩ mũsumbĩ wĩva akĩthi kũkita na mũsumbĩ ũngĩ ũtambaa kwĩkala nthĩ na kũsũanĩa kana we, e na andũ ngili ĩkũmi, nũtonya kũkomana na ũla ũmũkĩe wĩ na andũ ngili mĩongo ĩlĩ? 32Ethĩwa ti ũu, nũnũũtũmana, yĩla ũsu wĩ kũasa, amũkũlye ũndũ matonya kwĩthĩwa na mũuo. 33Kwondũ wa ũu kĩla ũmwe wenyu ũla ũteũekana na syonthe ila wĩ nasyo, ndatonya kwĩthĩwa mũmanyĩw’a wakwa. 34#Mt 5.13; Mko 9.50.Mũnyũ nĩ mũseo: ĩndĩ ethĩwa nũthelete mũsamo waw’o, ũkasamĩthw’a ĩngĩ na kyaũ? 35Ti mũseo wa kwĩkĩa mũũndanĩ kana vũũnĩ: ĩndĩ ũkekw’a ĩtheka. Ũla wĩ matũ ma kwĩw’a, nĩew’e.
Kasalukuyang Napili:
Luka 14: Mbivlia
Haylayt
Ibahagi
Kopyahin
Gusto mo bang ma-save ang iyong mga hinaylayt sa lahat ng iyong device? Mag-sign up o mag-sign in
https://shop.biblesociety-kenya.org/
www.biblesociety-kenya.org
God's word open for all
©Bible Society of Kenya, 1956
