Mga Popular na Bersikulo sa Biblia mula sa Luka 14

Ibahagi

Mũndũ akyũka kwakwa atamenete ĩthe wake, na inyia, na mũka, na syana syake, na ana‐a‐inyia na eĩtu‐a‐inyia, ĩĩ, o na thayũ wake, ndatonya kwĩthĩwa e mũmanyĩw’a wakwa.

O ũla ũtakuaa ngelan’yo yake, aingatĩĩa, ndatonya kwĩthĩwa e mũmanyĩw’a wakwa.

Nũndũ ũla wĩnenevasya mwene nũkanyivw’a: na ũla wĩnyivasya mwene nũkanenevw’a.

Kwondũ wa ũu kĩla ũmwe wenyu ũla ũteũekana na syonthe ila wĩ nasyo, ndatonya kwĩthĩwa mũmanyĩw’a wakwa.

Nũũ kwenyu, akyenda kwaka nyũmba yĩ mũnyoolo ũtambaa kwĩkala nthĩ na kũtala mbesa sya kũmyakĩthya, nĩ kana amanye ethĩwa e nasyo sya kũmĩmina? Ndakese kwĩthĩa aaka wambĩlĩlyo, na ndatonya kũmĩmina, onthe ala monaa mambĩlĩlye ũmũthekeea, makyasya, Mũndũ ũũ nĩwambĩlĩlye kwaka, na nĩwaemiwe nĩ ũminũkĩlya.

Ĩndĩ wavoka mboka, mete ala ngya, na ala me ithu, na ala mathuaa, na ililinda: naku ũkeethĩwa mũathime; nũndũ mati na kĩndũ kya ũkũĩva: nũndũ ũkaĩvwa ũthayũũkyonĩ wa ala alũngalu.

Mũnyũ nĩ mũseo: ĩndĩ ethĩwa nũthelete mũsamo waw’o, ũkasamĩthw’a ĩngĩ na kyaũ? Ti mũseo wa kwĩkĩa mũũndanĩ kana vũũnĩ: ĩndĩ ũkekw’a ĩtheka. Ũla wĩ matũ ma kwĩw’a, nĩew’e.