Luka 13
13
Vata wa kũalyũla ngoo
1 #
Meko 5.37. Na ĩvinda yĩu kwaĩ amwe vo ala mamũtavisye ũvoo wa Akalilii, ala Vilato wavulanilye nthakame yoo vamwe na nthembo syoo. 2#Yoa 9.2.Nake amasũngĩa amea, Mwĩasya Akalilii asu maĩ athe kũvĩtũka Akalilii onthe, nũndũ maĩ na mathĩna ta asu? 3#Sav 7.12.Nĩngũmũtavya, Ti w’o: ĩndĩ mwalea kũalyũla ngoo, inyw’onthe mũkaanangĩka o ta ũu. 4Kana mwĩasya ala ĩkũmi na nyanya ala matumbiwe nĩ nyũmba kũya Siloami, yamoaa, maĩ athe kũvĩtũka andũ onthe ala matwĩe Yelusaleme? 5Nĩngũmũtavya, Ti w’o: ĩndĩ mwalea kũalyũla ngoo inyw’onthe mũkaanangĩka o ta ũu.
Ngelekan’yo ya mũkũyũ nthata
6 #
Mt 3.10; 21.19; Mko 11.13; Lk 3.9. Nake aneena ngelekan’yo ĩno; Mũndũ ũmwe aĩ na mũkũyũ ũvandĩtwe mũũndanĩ wake wa mĩsavivũ; nake ooka akĩmantha makũyũ mũkũyũnĩ ũsu, na ndaamona. 7Na amwĩa mũĩmi wa mĩsavivũ, Sisya, myaka ĩno ĩtatũ nũkaa kũmantha makũyũ mũkũyũnĩ ũũ, na ndyaamona: ũteme; wĩanangĩa nthĩ kĩ? 8#2 Vet 3.9,15.Nake asũngĩa, amwia, Vwana, ekana naw’o mwaka ũũ, nambe kũĩmĩa na kwĩkĩa vũũ: 9na ĩndĩ wasyaa, nĩ ũseo; na walea ũsyaa, ũkatema.
Mũndũ mũka aivow’a mũthenya wa savato
10Na mũthenya wa savato ekala ĩsinakokenĩ yĩmwe akĩmanyĩsya. 11Na sisya, nĩvo vaĩ mũndũ mũka ũla waĩ na veva wa wonzu ĩvinda ya myaka ĩkũmi na nyanya; na nĩwakungulele, na ndaĩ atonya kũũngalala nongi. 12Yesũ amwona, amwĩta, na amwĩa, Mũndũ mũka, nĩwathaw’a wonzu waku. 13#Mko 7.32.Na amwilĩĩla moko make: na kavinda kau aũngalala, na amũkatha Ngai. 14#Kuma 20.9; Kũt 5.13.Na mũnene wa ĩsinakoke athata nũndũ Yesũ wavosya mũthenya wa savato, na asũngĩa na ayĩa ĩkomano, Kwĩ mĩthenya thanthatũ ĩla andũ maĩlwe nĩ kũtethya wĩa: mĩthenya ĩsu ũkai mũvow’e, ĩndĩ ti mũthenya wa savato. 15#Lk 14.5.Ĩndĩ Mwĩaĩi amũsũngĩa, amwĩa, Inyw’ĩ angangan’ya, kĩla mũndũ wenyu ndathaasya ng’ombe kana ĩng’oi yake vala yovetwe mũthenya wa savato, akatwaa kũnyithya? 16#Lk 19.9; Meko 3.25.Na mũndũ mũka ũũ, mwĩĩtu wa Avalaamu, ũla wovetwe nĩ Satani myaka ĩno ĩkũmi na nyanya, ndaĩlwe nĩ kũthaw’a kuma wovonĩ ũũ mũthenya wa savato? 17Na akĩneena maũndũ asu nthũ syake syonthe syasonoka; na ĩkomano yonthe yatana ũndũ wa maũndũ asu onthe maseo ala meekiwe nĩwe.
Ngelekan’yo sya mbeke ya kalatali na ĩlawa
(MATHAYO 13.31–33; MALIKO 4.30–32)
18Na ĩndĩ asya, Ũsumbĩ wa Ngai ũtilyĩ ata? Na nĩũelekan’ya na kyaũ? 19#Nda 4.12,21; Esek 17.23; 31.6.Ũtilyĩ ta mbeke ya kalatali, ĩla yosiwe nĩ mũndũ, avanda mũũndanĩ wake; nayo yeana, yatwĩ’ka kĩtĩ; na nyũnyi sya yayaya nĩsyekalaa mbongenĩ syakyo.
20Na ĩngĩ asya, Nĩũelekan’ya ũsumbĩ wa Ngai na kyaũ? 21Ũilyĩ ta ĩlawa, yĩla mũndũ mũka wosie avitha mĩtanĩ ĩtatũ ya mũtu na w’onthe wakaata.
Mũvĩa mũtheke thayũnĩ
(MATHAYO 7.13–14,21–23)
22Nake aenda akyanganga ndũanĩ na mĩsyĩ, akĩmanyĩsya, akĩthi elekele Yelusaleme. 23Na mũndũ ũmwe amũkũlya, Mwĩaĩi, ũtalo wa ala meũtangĩĩwa nĩ mũnini? Nake amea, 24#Mt 7.13,14; Avi 3.12; 1 Tim 6.12.Thetheesyai kũvotela mũomonĩ mũtheke: nũndũ nĩngũmũtavya, aingĩ nĩmakenda kũvota, na matikatonya. 25#Mt 25.11,12.Yĩla mwene wa nyũmba wĩũkĩla na kũvinga mũomo, nenyu mũkambĩlĩlya kũũngama nza, mũkĩvingũsya mũomonĩ, mũkyasya, Mwĩaĩi, tũvingũĩe; nake akamũsũngĩa na kũmwĩa, Ndimwĩsĩ kũla mumĩte; 26#Mt 7.22,23.nĩvo mũkambĩlĩlya kwasya, No tũnaĩsanĩaa na no tũnanyusanĩaa naku, no wamanyĩasya nzĩanĩ kwitũ; 27#Sav 6.8.nake akasya, Nĩngũmũtavya, Ndimwĩsĩ kũla mumie; ĩvetei kũasa nakwa, inyw’onthe eki ma naĩ. 28Vo vakethĩwa kĩĩo na kũvevetan’ya maeo yĩla mũkona Avalaamu, na Isaka, na Yakovo, na athani onthe, ũsumbĩnĩ wa Ngai, nenyu mũkĩkw’a nza. 29#Mal 1.11; Isa 49.12; 59.19; Sav 107.3; Lk 14.15.Na nĩmakoka kuma wumĩlonĩ wa syũa na ũthũĩlonĩ wayo, na kuma ngalĩ ya ĩũlũ na ngalĩ ya ĩtheo, makekala nthĩ ũsumbĩnĩ wa Ngai. 30#Mt 19.30.Na sisyai, ve ala me ĩtina makethĩwa me mbee, na ve ala me mbee makethĩwa me ĩtina.
Ũmaitha wa Elote
31Na saa o ũsu Avalisi amwe mathi vala ũĩ, maimwĩa, Uma kũũ, ũthi: nũndũ Elote nũnũkwenda akũae. 32Nake amea, Endai mũkatavye mbĩwa ĩsu, Sisya, nĩngumya ndaimoni na kũvosya ũmũnthĩ na ũnĩ, na mũthenya wa katatũ ngaminũkĩlya. 33Ĩndĩ nĩnaĩlwe nĩ kwĩthĩwa nzĩanĩ nĩendete ũmũnthĩ na ũnĩ na aũke: nũndũ ndũtonyeka mwathani kũaĩwa kũngĩ ate o Yelusaleme.
Kũĩĩa Yelusaleme
(MATHAYO 23.37–39)
34Yelusaleme, Yelusaleme, ũla wũaa athani, na kũmakimanga na mavia ala matũmiwe kwaku! Nĩ mavinda meana nendie kũmban’ya syana syaku, o ũndũ ngũkũ yũmbanasya tũswii twayo nthwaunĩ syayo ĩndĩ nenyu mũtyaaĩtĩkĩla! 35#Yel 12.7; 22.5; Sav 118.26.Nĩmwenei, nyũmba yenyu nĩtiĩtwe yĩ nthei: nakwa nĩngũmũtavya, Mũtikambona ĩngĩ mũvaka yĩla mũkasya, Nĩ mũathime ũla wũkĩte syĩtwanĩ ya Mwĩaĩi.
Kasalukuyang Napili:
Luka 13: Mbivlia
Haylayt
Ibahagi
Kopyahin
Gusto mo bang ma-save ang iyong mga hinaylayt sa lahat ng iyong device? Mag-sign up o mag-sign in
https://shop.biblesociety-kenya.org/
www.biblesociety-kenya.org
God's word open for all
©Bible Society of Kenya, 1956
