MGA AWIT 80:1-3

O Pastol ng Israel, iyong pakinggan, ikaw na pumapatnubay kay Jose na parang kawan; ikaw na nakaluklok sa trono sa ibabaw ng mga kerubin, ikaw ay magliwanag sa harapan ng Efraim, ng Benjamin at ng Manases! Pakilusin mo ang iyong kapangyarihan, at pumarito ka upang kami'y iligtas. Panunumbalikin mo kami, O Diyos; paliwanagin mo ang iyong mukha, upang kami ay maligtas!