Mga Popular na Bersikulo sa Biblia mula sa MGA PANAGHOY 1

Ibahagi

Kaylungkot na nakaupong nag-iisa ang lunsod na dating punô ng mga tao! Siya'y naging parang isang balo, siya na dating dakila sa gitna ng mga bansa! Siya na dating prinsesa ng mga lalawigan ay naging alipin!

Siya'y umiiyak nang mapait sa gabi, may mga luha sa kanyang mga pisngi; sa lahat ng kanyang mangingibig ay wala ni isa mang sa kanya'y umaliw, lahat ng kanyang mga kaibigan sa kanya ay nagtaksil, sila'y naging mga kaaway niya.

“Masdan mo, O PANGINOON; sapagkat ako'y nahahapis, ang aking kaluluwa ay naguguluhan, ang aking puso ay nagugulumihanan; sapagkat ako'y lubhang naghimagsik. Sa lansangan ang tabak ay pumapatay; ito'y gaya ng kamatayan sa bahay.