Luke 20
20
1နှိုပ်ဟှတ်ဓေါလ် ကိုယ်တော်ယေရှုနား ခေါင်ထုလှီ့အောလ် ဗိမာန်တော်ဒုလ်ကာလ် ဆတင်ပွန်လှီ့လား တရားလှီ့ အဟော။ အင်(မ်)ပါလ်နောလ် ပုရောဟိတ်လှီ့၊ မောရှေကျမ်းတက်ဆရာလှီ့လား ဂျူးခေါင်းဆောင်လှီ့ အာမ်ခိုက်လူးထေ့နား 2ကိုယ်တော်ဝေါလ် "ဗိမာန်တော်ဒုလ်ကာလ် တရားတော်လှီ့ ပို့ချဟိုင်နား ဆတင်ပွန်လှီ့ဖြန့်ဝေဟိုင် အခွန်အာဏာလှီ့ ဟအူနား နာ(င်)ငေါလ် အပက်" တိရို အမ်ဟိ့ 3အင်(မ်)ဟိုဝေါလ် ကိုယ်တော်နား "နာ(င်)မီးရိုး မေးခွန်း ပွလ်ဟှတ် ကေဟိ့ရိုက်။ နာ(င်)မီးနား ဖြေဘွတ်စူး။ 4အင်(မ်)ဟိုဝေါလ် ကိုယ်တော်နား"သွီးဓေါလ်မင်္ဂလာပက်တိ ဆရာယောဟန်ရိုး သွီးဓေါလ်မင်္ဂလာပက်တိပက်ဟိုင် အခွင့်အာဏာ ဟအူနားအပက်။ ဖုလော်ရှင် နား ခွင့်ပြုချက် အပက်ခန့်နောလ်ဝြာ။ ဆီးယနား ခေါင်ပွလ်ဟှဟှတ်နား အပက်ခန်းနောလ်ဝြာ" တိရို မေးခွန်းအထုတ်ဘွာလ်။ 5အင်(မ်)ဟိုဝေါလ် အင်(မ်)လှီ့နား ပွလ်ဟှတ်နားပွလ်ဟှတ်ဆွေးနွေးထေ့လား "ဖုလော်ရှင်နား 'ယောဟန်'ရို နီအခွင့်ရေး ပက်နောက်ဟိုဝေါလ်စေ့ ဘော်ဟိုင်ရိုး ယောဟန်ယုံယော်စုတိရို" အဟောင်ဘွာလ်ဝိုက်။ 6အင်(မ်)ဘော်နားခါ 'ခေါင်ပွလ်ဟှဟှတ်နား အပက်နောက်ဟိုဝေါလ်ခါ၊ ခေါင်ထုနား ယောဟန်ခေါမ် အရိယာသူတော်စင် ပွလ်ဟှတ်တိရို အာမ်ယုံခန်းနောလ် ကေးမီးလုန်းငေါလ် အာမ်ခေါင်ငိုက်" တိရို အာမ်ဟောင်။ 7အင်(မ်)ခန်းနောလ် အင်(မ်)လှီ့နား "ဟအူနား ယောဟန်ရိုး သွီးဓေါလ်မင်္ဂလာပက်တိပက်ဟိုင် အခွင့်ရေးအပက်နောက်ခေါမ် ကေးမီးနားစူးယော်င" တိရို အာမ်ဖြေ။ 8အင်(မ်)ဟိုဝေါလ် ကိုယ်တော်နား "ကေးရိုခါ ဟအူနားနီအခွင့် အရေး အပက်နောက်ခေါမ် ကေးနားခါ ဖြေခွတ်ယော်" တိရို အဟောင်ဘွာလ်။ 9ကိုယ်တော်ယေရှုနား ခေါင်လှီ့အောလ် နီခွီ အဟောင်။ "ခေါင်ပွလ်ဟှတ် နား စပျစ်ခြံ ခြံဟှတ် လိမ်ဟိလ့်ထေ့နား အင်(မ်)ခေါင်နား အင်(မ်)ခြံဟိုဟိလ့်ထေ့နား အစွာဘီရို ကာလအတန်ကြာ ခရီးအထွက်။ 10စပျစ်ဌေ့ ပေါ်ချိန်ငေါလ် အင်(မ်)ခေါင်နား အစေခံပွလ်ဟှတ် တိထေ့နား အလောဒ့်ဟိုင်လှီ့ အလူးဝေါလ်ဆောက်။ အင်(မ်)ဘော်နားခါ အင်(မ်)အစေခံ ခြံဟိုတိနား မွတ်ထေ့နား အီခါပက်ကော အဆွတ်လိုခ့်။ 11အင်(မ်)ပါလ်နောလ် ခြံမို့နား ဒုတိယအစေခံပွလ်ဟှတ် အတိဘွာလ်တီ။ အင်(မ်)ဟိုဝေါလ်ခါ ခြံဟိုတိနား အင်(မ်)ခေါင် အမွဘွာလ်တီ။ အင်(မ်)လှီ့နား အင်(မ်)ခေါင် ဒဏ်ရာလှီ့ဓေါလ် အယှောက်ခွဲထေ့နား အီခါပက်ကော အာမ်ဆွတ်လိုခ့်။ 12အထာကွလ်ဟှတ် ခြံမို့နား တတိယစေခံ အတိဘွာလ်တီဟိုဝေါလ်ခါ အင်(မ်)အစေခံလှီ့ဘော်ယောင် မွထေ့နား အာမ်တိလူးဘွာလ်။ 13အင်(မ်)ဟိုဝေါလ် ခြံမို့နား "ဟိဘော်ကေစိုင်းလောဒ့်အိုက်နောက်ခေါမ် ကေစုတ်(င်)ပါလ်။ ကေးစိုး ကေတိအိုက်။ အင်(မ်)လှီ့ နား ကေးစိုးနောက်ဟိုဝေါလ်စေ့ အာမ်လေးစားဟိုင်ယောင်" တိရို အပုန်းဟို့နား အပုန်းဟို့ ရေရွက်ထေ့နား အစိုးအတိ။ 14အင်(မ်)ဘော်နားခါ ခြံဟိုတိလှီ့နား အစိုးအာမ်မုဟိုဝေါလ် နီခေါင် အမှလ်လောဒ်ဟိုင် ခေါင်ယောင်။ အင်(မ်)လောဒ့်ဟိုင် အမွေခေါမ် ဟမီးနား လောဒ့်ဟိုင်ရို အင်(မ်)ခေါင် ဓုတ်လူးပူ" တိရို ဟောင်ထေ့နား 15ခြံဟိုတိလှီ့နား ခြံမို့ အစိုး စပျစ်ခြံ အပြင်ငေါလ်ထုတ်ထေ့နား အာမ်ဓုတ်။ အင်(မ်)ဘော် အထောလ်ဟိုဝေါလ်စေ့ ခြံမို့နား အင်(မ်)လှီ့ ဟိဘော် အပုအိုက်။" 16"ခြံမို့ လူးထေ့နား ခြံဟိုတိလှီ့ အဓုတ်ကိုက်။ ပါလ်နောလ်စေ့ ခြံခေါမ် အစွာခေါင်ပွလ်ဓေါလ် အပက်ဘွာလ်ဝိုက်" တိရို အဟောင်။ ခေါင်ထုနား အယှောက်ဟိုဝေါလ် "နီကိစ္စလှီ့ အီဟိုဝေါလ်ခါ ထောလ်လူးယဆလာ" တိရို အာမ်ဟောင်။ 17အင်(မ်)ဟိုဝေါလ် ကိုယ်တော်နား အင်(မ်)လှီ့ဓေါ်ဝေဗာန် "ကျမ်းစော်အုပ်ဒုလ်ကာလ် တိုက်ဆောက်တိလှီ့နား အာမ်လီယခေါမ်လုံးနောက်ခေါမ် အရေးကြီးတိလုံးငေါလ် အထောလ်လူး နောက်ခေါမ်အဓိပ္ပါလ် ဟအီအဆိုလို။ 18နီလုံးခုံးငေါလ် ကိုးတိခေါင်လှီ့ အပိုင်းပိုင်းရို ကျိုးကြေအာမ်ပျက်စီးရိုက်။ နီလုံးခါ ပွလ်ဟှဟှတ် အကောက်နောက်ဟိုဝေါလ် အင်(မ်)ခေါင် အဖက်တေဇိတိုက်" တိရို အဟောင်။ 19ငေတိလှီ့ပုရောဟိတ်လှီ့၊ ကျမ်းတက်ဆရာလှီ့နား ကိုယ်တော်နား အင်(မ်)လှီ့ အကြောင်း နီခွီရို အဖော်ပြနောက်ခေါမ် အာမ်စုတ်(င်)။ အင်(မ်)လှီ့ နား ကိုယ်တော် ချက်ချင်း မင်ဟိုင်အာမ်လီ။ အင်(မ်)ဘော်နားခါ ခေါင်ထုလှီ့ အာမ်ကိလောဒ့်။ 20အင်(မ်)ခန်းနောလ် အင်(မ်)လှီ့နား ကိုယ်တော် စောင့်ကြည့်ဗာန် ခေခေါလှီ့အောလ် အပစ်ဆုလ်ထေ့လား ဘုရင်ခံကွတ်ဒုလ်ကာလ် အပ်ခွတ်ဟိုင်တွက်ကာလ် ခေါင်ပွန်ဟန်ဆောင်တိ သူလျှိုလှီ့ အာမ်လှိ။ 21သူလျှိုလှီ့နား ကိုယ်တော်ဝေါလ် "ဆရာ၊ ဆရာနား အမှန်တရားလှီ့ ဟောပြောခေါမ် ကေးမီးနား ကေစုတ်(င်)။ အင်(မ်)ပါလ်နောလ်စေ့ အူမှမ်ခါဓေါ်ယော်၊ ဖုလော်ရှင် စစ်မှန်တိလာမ်းမယ် သမ္မာ တရားဓေါလ် နာသွန်သင်ခေါမ် ကေးမီးနား ကေစုတ်(င်)။ 22ကေးမီးနား "ရောမအင်ပါယာအရှင်ငေါလ် အခွန်ကေဆက်သခေါမ် တလာတောလ်အညီယာ၊ ဆီးယနား ညီယော်ဝြာ" တိရို အာမ်လျှောက်တင်။ 23ကိုယ်တော်နား အင်(မ်)ခေါင်လှီ့ ပရိယာယ် အစုတ်(င်)ခန်းနောလ် 24အင်(မ်)ခေါင်လှီ့အောလ် "ဒေါင်းဂို ဓေါင်နောလ်။ ဒေါင်းဂိုဝေါလ် ဟအူပုံနား ဟအူဘွဲ့မိန် အပူလ်" တိရို အဟိ့။ အင်(မ်)ခေါင်လှီ့နား "ရောမအင်ပါယာအရှင် အမိန်နား အပုံ" တိရို အာမ်ဟောင်ဘွာလ်။ 25အင်(မ်)ဟိုဝေါလ် ကိုယ်တော်နား "ဆီဇာဓေါလ် သက်ဆိုင်တိ ဆီဇာဝေါလ် အာမ်ပက်ဘွာလ်ဘွတ်စူး။ ဖုလော်ရှင်ဓေါလ် သက်ဆိုင်တိလှီ့ခါ ဖုလော်ရှင်ငေါလ် ပက်ဘွာလ်ဘွတ်စူး" တိရို အမိန့်။ 26အင်(မ်)ခေါင်လှီ့နား ခေါင်ပရိတ်သတ်လှီ့ မော်ဝေါလ် အမှားဆူလ်ရိုး လောဒ့်ယခေါမ်အပြင် ကိုယ်တော် ဖြေကြားခေါမ်လှီ့ စါစ်နောက်နိုးထေ့နား အာမ်တိတ်ဆိတ်ကြလှာလ်။ 27အင်(မ်)ဓိလ်နောလ် ခေါင်လှီ့ဘာလ်နောက်ကာလ်ကိ ရှင်ပြန်ထမြောက်လူးဘွာလ်ခေါမ် ယုံယတိ ဇဒ္ဒုကဲတိရိုဟောင်ခေါမ် ခေါင်တချို့ ကိုယ်တော်စငေါလ် ချဉ်းကပ်ထေ့နား 28"အရှင် မောရှေပညတ်ကျမ်းဝေါလ် ပီဟာမယ်တိခေါင်ပွလ်ဟှတ် စိုးနောင်(င်)မယ်ကော အဘလ်ဟိုဝေါလ် မယ်ဟိလ့်တိ မှလ်နူးနား အနောင်ဝေါလ် အအော(မ်)မယ်ဘွာလ်လောဒ့်။ အင်(မ်)ဟွဒ်နား အဟီစိုးနောက်ခေါမ် စိပ်စိပ်ဆုံးမယ်လူးတိဒိပ်စော ဘလ်တိအသာစိုးတိရို အာမ်သတ်မှတ်လောဒ့်" တိရို အရုတ်ကာလ်။ 29ဟမယ် သာနောင်ခွာဆိ အမယ်ဟိုဝေါလ် အလန်ဆုံးတိ အိမ်ထောင် အေဟိလ့်နားခါ၊ စိုးနောင်(င်)မယ်ကော အဘလ်ဟိလ့်။ 30ဒုတိယအလန်ဆုံးတိနား အင်(မ်)မုတော လက်ထပ်နားခါ စိုးနောင်(င်)လောဒ့်အယ်ကော ဘလ်ဘွာလ်တီး။ 31အင်(မ်)ပါလ်နောလ် တတိယခေါင်ခေါမ် အင်(မ်)ဘော်ယောင် အထောလ်ဘွာလ်တီး။ အင်(မ်)ဘော်တိုင်ငေါလ် အင်(မ်)သာနောင်(င်)ခွာလှီ့ မှလ်နူးဓေါလ် အိမ်ထောင်အေထေ့နား စိုးနောင်လောလ့်ကိုဝေါလ် အာမ်ဘလ်ကြ။ 32နောက်ဆုံးငေါလ်စေ့ အင်(မ်)မုတောခါ အဘာ့လ်။ 33အင်(မ်)မုတော သာနောင်(င်)ခွာဆိဓေါလ် လက်အထပ်ခန်းနောလ် ဖုလော်ရှင်နား အင်(မ်)လှီ့ ဘာလ်ခေါမ်ငေါလ်ကိ ရှင်ပြန်ထမြောက်ဆောက်ဘွာလ်ဟိုဝေါလ် နီမုတော ဟအူပီးဟာဝေါလ် အထောလ်နိုက်" တိရို ဇဒ္ဒုကဲလှီ့ နား အာမ်ဟိ့။ 34ကိုယ်တော်နား "နီဆုမ်သပ့်ခုံငါလ်ကိ ခေါင်လှီ့နား လက်ထပ်ထိမ်းမြားခေါမ်လှီ့ အမယ်။ 35အင်(မ်)ဘော်နားခါ အနာဂတ်ဘဝအောလ် ဘာလ်ခေါမ်ငေါလ်ကိ ရှင်ပြန်ထမြောက်ဟိုင် ထိုက်တန်တိလှီ့တွက် လက်ထပ်ထိမ်းမြားခေါမ် မယ်တိယော်။ 36အင်(မ်)လှီ့ခေါမ် ဘာလ်ခွတ်ယတိ နတ်ဒေဝါလှီ့ဘော် အာမ်ထောလ်လူးဝိုက်။ အင်(မ်)လှီ့နောက်ခေါမ် ဘာလ်ခေါမ်ငေါလ်ကိ ရှင်ပြန်ထမြောက်ဘွာလ်ခန်းနောလ် ဖုလော်ရှင်နား အစိုးနောင်(င်)လှီ့အောလ်ခါ အာမ်ထောလ်။ 37မောရှေနား မီးရီုအူးတိ ခူမ်သူအကြောင်း ဖော်ပြနောက်ဓိလ်နောလ် "ဖုလော်ရှင်နား အာဗြဟံ၊ ဣဇက်၊ရာဂုဒ်တိ ဖုလော်တိရို အဖော်ပြအယ်။ အင်(မ်)ဘော်ခန်းနောလ် ဘာလ်တိလှီ့ ရှင်ပြန်ထမြောက်ခေါမ် ဖော်ပြအယ်ရိုးအထောလ်။ 38နီရိုး ဖော်ပြအယ်တိဘော် နောက်ဟိုဝေါလ်စေ့ ဖုလော်ရှင်ခေါမ် ဘာလ်တိလှီ့ ဖုလော်ရှင် ဆီးယော်။ ဆောက်ဟင်(င်)တိလှီ့ ဖုလော်ဝေါလ်ယောင် အထောလ်။ ဆိုလိုခေါမ်စေ့ ခေါင်တိုင်း ဖုလော်ရှင် လီဘော်တိုင်ယောင် အဆောက်ဟင်(င်)" တိရို အမိန့်။ 39အင်(မ်)ဟိုဝေါလ် အချို့ ကျမ်တက်ဆရာလှီ့နား "အရှင် နာ(င်)အဖြေ အသင့်တော်" တိရို အာမ်လျှောက်တင်။ 40အင်(မ်)ချိန်ငေါလ်ထုစအယ်နား ပွလ်ဟှတ်နားခါ ကိုယ်တော်ဝေါလ် ထောင်ချောက်ဆင်ခေါမ် မေးခွန်းဟိ့ဝံ့ တိရို ဟ။ 41အင်(မ်)ပါလ်နောလ် ကိုယ်တော်နား ခေါင်လှီ့အောလ် "မေရှိယခေါမ် ဆောင်ဖလောင်ဒါဝိတ်နားအစိုး တိရို ဟအီဟိုင်ရိုး အာမ်ဟောင်။ 42ဆာလံကျမ်းရို ဒါဝိဒ်ဆောင်ဖလောင် ကိုယ်တိုင်လား ဟောင်ဟိလ့်ခေါမ်စေ့ "ဖုလော်ရှင်ခေါမ် ကေး အရှင်ငေါလ် 43'နာ(င်)ဆုလ်ပွီလှီ့ နာ(င်)ခူဖိုဝေါလ် အခိုက်လူးဝှေ့ ကေး ခတ်လာမ်းမယ် မယ်ယား' " တိရို အဟောင်ဟိလ့်။ 44ဆောင်ဖလ္လာန်ဒါဝိတ်နား မေရှိယအောလ် 'ကေးအရှင်' တိရို အဟောင်ဟိလ့်ခန်းနောလ် မေရှိခေါမ် ဒါဝိဒ်မျိုးဆက်ဟအီဘော်အဆီးခွတ်ကိုက်" တိရို အမိန့်။ 45ကိုယ်တော်နား ခေါင်ထုပရိတ်သတ်လှီနား အာမ်ငေးဟိုဝေါလ် တပည့်လှီ့အောလ် 46ကျမ်းတက်ဆရာလှီ့ သတိတောဝေနား ဖန်နောလ်ဘွတ်စူး။ အင်(မ်)ခေါင်လှီ့ အာမ်ဈာတ်ရို့ဟိုဝေါလ် ဝတ်ရုံဆောင်းတိ အာမ်ခုအယ်ဆိုင်း။ ဈေးဒုလ်ကာလ်အာမ်ခိုက်ဟိုဝေါလ် ခေါင်လှီ့နား အာမ်ဘစ်တယ်ခေါမ် အာမ်ကြိုဆိုခေါမ်လှီ့ အာမ်လီယေ။ ဓမ္မာရုံငေါလ် အမော်ဝေါလ် နေရာအာမ်ယူ။ အခန်းနားလှီ့အင်(မ်)ခါ အပွန်နောက်ခုံငေါလ် အာမ်ငွာ။ 47မှလ်နူးလှီ့ အိမ်လှီ့အင်(မ်) အတင်းအဓ္ဓသိမ်းထေ့နား ဆုအာမ်တောင်းဟိုဝေါလ်ခါ ဟန်ဆောင်ငယ်နား ဆုအာမ်တောင်းထေ့။ ဖုလော်ရှင်လား နီခေါင်လှီ့အောလ် ပြင်းပြင်းထန်ထန် အပြစ်အပက်တိုက်" တိရို အမိန့်။
Айни замон обунашуда:
Luke 20: ctpv-rv
Лаҳзаҳои махсус
Паҳн кунед
Нусха
Want to have your highlights saved across all your devices? Sign up or sign in
This translation of the Chin-Songlai Bible is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.