ఉద్దేశముతో కూడిన జీవితం జీవించండి!నమూనా

“ఇతరులకు పరిచర్య చేయండి”

పరిచర్య చేయటం అనేదానికి నిర్వచనం ఇతరుల అవసరత సమయంలో వారికి స్పందించుటకు అందుబాటులో ఉండుట. అలా స్పందించటానికి మన సమయం, తలాంతు, వనరులు మరియు శ్రమలను ఖర్చుచేయవలసి ఉంటుంది; కానీ దేవుని పట్ల మరియు ఇతరుల పట్ల ప్రేమను బట్టి పరిచారము చేయుట అనేది అంత్యంత సంతోషకరమైన మరియు సంతృప్తికరమైన అనుభవముగా ఉంటుంది.

“దేవుని నానావిధమైన కృపవిషయమై మంచి గృహ నిర్వాహకులైయుండి, ఒక్కొక్కడు కృపావరము పొందిన కొలది ఒకనికొకడు ఉపచారము చేయుడి.” 1 పేతురు 4:10

“పరిశుద్ధుల అవసరములలో పాలుపొందుచు, శ్రద్ధగా ఆతిథ్యము ఇచ్చుచుండుడి.” రోమా 12:13

క్రైస్తవులైనా, క్రైస్తవేతరులైనా, ఇతరుల అవసరతలకు స్పందించే అవసరత అనేక విధాలుగా మనకు రావచ్చు. వ్యక్తిగతంగా లేదా ఒక బృంద సభ్యునిగా స్థానిక సంఘంలో పరిచర్య చేసే అవకాశం ఎల్లప్పుడూ ఉంటుంది. ఇతరులకు అందించడానికి మీవద్ద అత్యంత విలువైనది ఉంది!

తోటివారితో వ్యక్తిగత సంబంధాన్ని పెంపొందించుకొనేటప్పుడు, లేదా కేవలం ఇతరుల అవసరత గమనించుట మరియు అడగకుండానే దానికి స్పందించి సహాయపడుట ద్వారా మనకు కొన్ని అవకాశాలు లభిస్తాయి.

సమయం, వనరులు, తలాంతులు లేదా కేవలం ఒక ప్రోత్సాహకరమైన మాట పలుకుట వంటి ఏ స్పందనయైనా అది పరిచర్య చేయడమే. కానీ మనం చేయగలిగిన పనుల్లో మనకు పరిమితి ఉందని దేవునికి కూడా తెలుసు కనుక మనం మాట ఇచ్చేటప్పుడు బాధ్యతాయుతంగా మరియు మంచి గృహనిర్వాహకులుగా ఉండాలని ఆయన కోరుకుంటున్నాడు.

“సణుగుకొనకయు బలవంతముగా కాకయు ప్రతివాడును తన హృదయములో నిశ్చయించుకొనిన ప్రకారము ఇయ్యవలెను; దేవుడు ఉత్సాహముగా ఇచ్చువానిని ప్రేమిం చును.” 2 కొరింథీయులకు 9:7

మనలను మనం సంతోషంగా అర్పించుకోవాలని దేవుడు ఆశిస్తున్నాడు. కొన్నిసార్లు చేయలేను అని చెప్పడం కష్టమే కానీ మనం చేయగలిగిన దానికంటే ఎక్కువ చేయటం మన ఆనందాన్ని పోగొడుతుందనే మాట వాస్తవం మరియు మనం పరిచర్య చేసేటప్పుడు సంతోషంగా చేయాలని దేవుడు కోరుతున్నాడు.