செயலியை பெறவும்கோபத்தை மேற்கொள்வது எப்படி?மாதிரி
உன் கோபம் எங்கிருந்து வருகிறது என்பது உனக்குத் தெரியுமா?
அப்போது நிலவும் சூழ்நிலையினால் கோபம் வெளிப்படும்போது, அது எங்கிருந்து வருகிறது என்பதைக் கண்டுபிடிப்பது எளிது. எடுத்துக்காட்டாக, நீ மளிகைக் கடையில் நிற்கும்போது, ஒருவர் உன்னைத் தாண்டிச் சென்றுவிட்டு (அல்லது உன் வரிசையில் வராமல் முந்தி செல்வது) ஒரு மன்னிப்புக் கூட கேட்கவில்லை என்றால், அது உன்னைக் கோபப்படுத்திவிடுகிறது.
ஆனால் சில சமயங்களில் நாம் ஏன் கோபப்படுகிறோம் என்பதைப் புரிந்துகொள்வதே மிகவும் கடினமாக இருக்கும். முக்கியமாக, நாம் ஏன் கோபமாயிருக்கிறோம் என்பதை அறியாதிருப்போமானால்... கோபம் நம்முடைய ஆத்துமாவில் நித்திரை செய்து இளைப்பாறுவதுபோல தங்கியிருக்கிறது, பின் நேரம் வரும்போது எழும்புகிறது. ஒரு எரிமலையைப்போல, அது எந்த நேரத்திலும் பொங்கி எழலாம், அது எங்கிருந்து தோன்றியது என்பது உனக்குத் தெரியும் முன்பே, பேரழிவை ஏற்படுத்திவிடும்!
ஒருவேளை இப்படி உனக்கு ஏற்கனவே நடந்திருக்கலாம்… ஏன் கோபப்படுகிறாய் என்று தெரியாமலேயே நீ கோபப்படுகிறாய். இந்த மறைந்திருக்கும் கோபம் எங்கிருந்து வருகிறது?
- ஒருபோதும் மன்னிக்க முடியாத மனவருத்தம்,
- ஒரு சர்ச்சைக்குரிய குடும்ப சூழலில் "அறிந்துகொண்ட" நடத்தை,
- எதிர்பாராத முறிவு,
- புரிந்துகொள்ள முடியாத மரண பிரிவு அல்லது துக்கத்தின் நேரம்,
- இன்னும் பல காரணங்கள் அதற்குக் காரணமாக இருக்கலாம். உனக்குள் இந்த கோபத்தை உருவாக்குவது எது என்பதை ஆண்டவரால் மட்டுமே உனக்குத் தெளிவுபடுத்த முடியும்.
இந்தப் பிரச்சனையைப் பற்றி நீ கவலைப்படுகிறாய் என்றால், ஏன் என்று தெரியாமலேயே நீ கோபப்படுவாயானால், நீ அதிலிருந்து விடுபடும்படிக்கு, அது எங்கிருந்து தோன்றுகிறது என்பதை ஆண்டவர் உனக்கு வெளிப்படுத்தும்படி அவரிடம் கேட்பது முக்கியம்!
வேதாகமத்திலிருந்து இந்த வசனத்தை தியானிக்க நான் உன்னை அழைக்கிறேன்...“கோபத்தை நெகிழ்ந்து, உக்கிரத்தை விட்டுவிடு; பொல்லாப்புச் செய்ய ஏதுவான எரிச்சல் உனக்கு வேண்டாம்." (வேதாகமத்தில் சங்கீதம் 37:8ஐ வாசித்துப் பார்க்கவும்)
நீ ஒரு அதிசயம்!
வேதவசனங்கள்
இந்த திட்டத்தைப் பற்றி
கோபம் என்பது உனக்குள் இருக்கும் மிகவும் வலிமையான ஒரு உணர்ச்சி, அதை உன் வாழ்வில் அனுமதித்தால், அது நம்மை குருடாகவும் செவிடாகவும் மாற்றிவிடும். சில நேரங்களில் ஏன் கோபப்படுகிறாய் என்று தெரியாமலேயே நீ கோபப்படுகிறாய். மறைந்திருக்கும் இந்தக் கோபம் எங்கிருந்து வருகிறது? கோபம் ஒரு திருடன். உனது சமாதானத்தையும் சந்தோஷத்தையும் நேரத்தையும் அவன் திருடிவிடுவான். உன் வாழ்விற்கு விஷமாக மாறும் இந்தத் தீங்கிலிருந்து உன்னை விடுவித்துக்கொள்வது எப்படி என்பதையும் கோபத்தை மேற்கொண்டு நம் அன்றாட வாழ்க்கையில் சமாதானத்தை பெற்றுக்கொள்வது எப்படி என்பதை வேத வசனங்களின் வெளிச்சத்தில் நாம் தியானிக்கலாம்.
More
இந்தத் திட்டத்தை வழங்கியதற்காக tamil.jesus.netக்கு நன்றி தெரிவிக்க விரும்புகிறோம். மேலும் தகவலுக்கு, தயவுசெய்து செல்க: https://tamil.jesus.net/a-miracle-every-day/?utm_campaign=amed&utm_source=Youversion&utm_medium=referral&utm_content=tamilovercomeanger
