திருமணம் கனத்துக்குரியதுமாதிரி

நாள் 3: திருமண உடன்படிக்கையின் ஐந்து அம்சங்கள்

திருமண உடன்படிக்கை, ஐந்து முக்கிய அம்சங்களை உள்ளடக்கியது. நம் சொந்த திருமணத்தின் வெளிச்சத்தில் அவற்றை ஆராய்வோம்.

1.தேவ பிரசன்னம்: திருமணம் என்பது ஒரு ஆணும், பெண்ணும் இணைவது மட்டுமல்ல – தேவனே திருமண உடன்படிக்கையின் பங்காளராக மாறுகிறார் (மல்கியா 2:14). எனவே, அவர் திருமணத்தில் இருக்கிறார். மல்கியா 2:11ல்,தேவன் திருமணத்தை பரிசுத்த ஸ்தலமாக அழைக்கிறார்(ஆங்கில வேதத்தில் NIV version). பரிசுத்த ஸ்தலம் என்றால் தேவன் தங்கும் இடம் என்று அர்த்தம்.கணவன் மற்றும் மனைவி இருவரும் விசுவாசிகளாக இருக்கும்போது மட்டுமே, அவர்களது திருமணம் கர்த்தரின் வசிப்பிடமாக மாறும்.

2.நிரந்தர ஐக்கியம்: விவாகரத்து பற்றிய கேள்விக்கு, இயேசு பரிசேயர்களுக்கு பதிலளிக்கும் போது , திருமணம் தேவன் உருவாக்கின ஐக்கியம் எனவும், அதை முறிக்க மனிதனுக்கு உரிமை இல்லை எனவும் கூறினார் (மத்தேயு 19:6). மேலும், மல்கியா 2:16ல், விவாகரத்து செய்வதை தேவன் வெறுக்கிறார் என்றும், கணவன், மனைவி உயிருடன் இருக்கும்போது வேறு ஒருவரை திருமணம் செய்வது விபச்சாரம் என்றும் வாசிக்கிறோம். லூக்கா 16:18

3.பரிசுத்தம்: திருமணம் பரிசுத்தமானது - (எபிரேயர் 13:4). திருமண உறவை பரிசுத்தமாக வைத்திருப்பது கணவன் மனைவி இருவரின் பங்காகும். கணவன் மனைவி ஒருவருக்கொருவர் விரோதமாக துரோகம்/ விபச்சாரம் செய்வது திருமணமஞ்சத்தை களங்கப்படுத்துவது மட்டுமல்லாமல் அதை அவமதிக்கிறது. பரிசுத்த நிறுவனமான திருமணத்தை சுயதிருப்தி பல வழிகளில் அசுத்தப்படுத்தி அவமதிக்கிறது.

4.நோக்கம்: திருமணத்திற்கு ஒரு நோக்கம் உண்டு. "ஏனென்றால், சகலமும் (திருமணம்) அவராலும் அவர் மூலமாயும் அவருக்காகவும் இருக்கிறது, அவருக்கே என்றென்றைக்கும் மகிமையுண்டாவதாக. ஆமென். (ரோமர் 11:36) எனவே திருமணமும் தேவனாலும், தேவனுக்காகவும், தேவனுடைய மகிமையை பிரதிபலிக்கவும் வேண்டும்.

5.வல்லமை: பரிசுத்த ஆவியானவரின் பிரசன்னம் திருமணத்தை வல்லமையுள்ளதாக மாற்றுகிறது (மல்கியா 2:15). அவரே திருமணத்தில், குணப்படுத்தும் வல்லவராகவும், இயற்கைக்கு அப்பாற்பட்ட வல்லமையுடையவராகும் செயல்படுகிறவர்.

உடன்படிக்கை திருமணத்திற்குள் பிரவேசிப்பதினால், வேதத்தில் குறிப்பிடப்பட்டுள்ள ஒவ்வொரு உடன்படிக்கை ஆசீர்வாதத்திற்கும், நாம் பங்காளர் ஆகிறோம்.

ஜெபம்: தேவனே! நீரே உடன்படிக்கை திருமணத்தின் ஒரு பகுதியாக இருப்பதற்கு நன்றி. திருமணத்தை பரிசுத்தமாக காத்து அதை கனப்படுத்த எங்களுக்கு உதவி செய்யும். உமது பிரசன்னத்தால் எங்கள் திருமணத்தை அழகுபடுத்தும்! உமது வல்லமையால் எங்கள் திருமணத்தை வளப்படுத்தும்! இயேசுவின் நாமத்தில், ஆமென்