செயலியை பெறவும்ஒற்றுமையின் வலிமைமாதிரி
ஒற்றுமையின் எதிரி
நம்முடைய தேசத்தந்தையான மகாத்மா காந்தியடிகள் தன்னுடைய சுயசரிதையில் ஒரு சம்பவத்தை குறிபிட்டுள்ளார். தன்னுடைய கல்லூரி நாட்களில் இயேசுவின் போதனைகளை இவர் அறிந்துக்கொள்ளும்படியான ஒரு வாய்ப்பு இவர்க்கு கிடைத்தது. அந்த நேரத்தில் இந்தியாவில் ஜாதிய வேறுபாடு, ஜாதிய அடிமைத்தனம் தலைவிரித்தாடியது. தாழ்ந்த குலத்தை சேர்ந்தவர்கள், படித்து வாழ்கையில் உயர நினைத்தாலும் அவர்களால் உயரமுடியாதவகையில், மேல்ஜாதி மக்கள் அவர்களை தாழ்ந்தவர்கள் என்ற போர்வையில் அடைத்து அடிமைபடுத்தி வைத்திருந்தார்கள். அப்படி ஒரு சூழலில், இயேசுவினுடைய போதனைகளை கேள்விப்பட்ட இவர், இந்தியாவில் அப்போது நிலவி வந்த ஜாதிய அடிமைத்தனத்திற்கு இயேசுவின் போதனைகள் தீர்வாக அமையும் என்று எண்ணினார்.
இயேசுவின் போதனைகளை குறித்து மேலும் தெரிந்து கொள்வதற்காக அருகாமையிலிருந்த ஒரு கிறிஸ்தவ தேவாலயம் ஒன்றிற்கு சென்றுள்ளார். ஆனால், அவர் ஆலயத்தில் பிரவேசித்த மாத்திரத்தில், அங்கிருந்த ஊழியர் ஒருவர் அவரை தடுத்தி, "நீங்கள் எங்களோடு சேர்ந்து ஆராதிக்க முடியாது. உங்கள் இன மக்களோடு சேர்ந்து கடவுளை ஆராதியுங்கள்" என்று கூறியுள்ளார். அன்று வெளியேறிய அவர், தனது வாழ்நாளில் மற்றுமொருமுறை அவர் தேவாலயத்திற்கு சென்றதே இல்லையாம். கிறிஸ்தவத்தில் ஜாதி வேற்றுமைகள் இருக்குமானால், எனக்கு கிறிஸ்தவம் வேண்டாம் என்று முடிவெடுக்க அந்த சம்பவம் ஒரு காரணமாக அமைந்துவிட்டது.
மகாத்மா காந்தியின் இந்த சம்பவத்திற்கு காரணம், அந்த கிறிஸ்தவர் காண்பித்த "நாங்கள் உயர்ந்தவர்" என்ற மனநிலை. பிறரை காட்டிலும் நாங்கள் உயர்ந்தவர்கள் என்ற எண்ணமே, நாம் மற்றவரை தாழ்வாக நினைத்து உதாசீனபடுத்த காரணமாகிவிடுகிறது. பிறர் வாழ்வில் நியாதிபதியை போல் அமர்ந்துகொண்டு அவர்களில் இருக்கும் குறைகளை கண்டுபிடித்து நியாயம் தீர்க்கும் மனநிலையும் இங்கிருந்து தான் துவங்குகிறது. இந்த மனநிலையினால் நாம் பிறரை தவறாக அல்லது வேதத்திற்கு புறம்பான காரியங்களை மையமாக கொண்டு நியாயம் தீர்த்துவிடுகிறோம். நிறம், இனம், ஜாதி, கலாச்சாரம் ஆகியவற்றை மையபடுத்திய முறையற்ற வேற்றுமை உணர்வுகள் மக்களிடையே பெருகியிருக்கிறது. "நாங்கள் தான் உயர்ந்தவர்கள், நாங்கள் தான் சரியானவர்கள்" என்ற மனநிலையே ஒற்றுமையின் எதிரியாக நான் காண்கிறேன். தேவனுடைய சரீரமாகிய சபைக்கு இருக்க வேண்டிய அன்பை இந்த உணர்வு கெடுத்துப்போடுகிறது. நாம் அன்பை மையமாக கொண்டே செயல்பட அழைக்கபட்டிருக்கிறோம். ஜாதி, மொழி, வசதி, கலாச்சாரம் என நம்மை காட்டிலும் வேறுபட்டிருக்கும் மக்களையும் நாம் இயேசு நம்மிடம் காண்பித்த அன்பை கொண்டு நேசிக்க கடமைபட்டிருக்கிறோம். இப்படிப்பட்டவர்களுடைய தேவைகளை நம்முடைய சொந்த தேவைகளை காட்டிலும் பிரதானபடுத்தி நாம் நமது அன்பை காண்பிக்க வேண்டும்.
உங்களை காட்டிலும் பலவிதங்களில் வேறுபட்டிருக்கக்கூடிய மக்களிடம் நீங்கள் எந்தெந்த வகையில் உங்கள் அன்பை காட்ட முடியும்?
இந்த திட்டத்தைப் பற்றி
மற்ற இன மக்களை ஏற்றுகொள்வது என்பது வேறு, அனைவரும் ஒரே இனமாக ஒற்றுமையாக வாழ்வது என்பது வேறு. இன்றைக்கு மக்கள் அநேகர் முந்தின வகையை சேர்ந்தவராகவே இருக்கின்றனர். நம்மை காட்டிலும் வேறுபட்ட இனமக்களையும் நாம் ஏற்றுக்கொள்வோம். ஆனாலும் அவர்கள் வேற்றினத்தை சேர்ந்தவர்கள் என்பது நமது சிந்தையில் நீங்காமல் இருக்கும். ஒருவேளை நீங்கள் ஒரு குறிப்பிட்ட மக்களுக்காக சமுக உணர்வுகளில் நடத்தப்படும் பேரணிகள், போராட்டங்களில் கூட கலந்துகொள்பவராக இருக்கலாம். ஆனால், அந்த நிகழ்ச்சி நிறைவுறும்போது, அவரவர் தங்கள் தங்கள் வழிகளில் சென்று தங்கள் அலுவல்களை வழக்கம் போல தொடர ஆரம்பித்து விடுவார்கள். எனவே அனைத்து தரப்பு மக்களிடையே வேற்றுமை உணர்வுகள் முற்றிலும் களைந்த உண்மையான ஒற்றுமையை ஏற்படுத்த, 'ஒருவரை ஒருவர் புன்முறுவலோடு சந்திப்பது, வணக்கம் சொல்வது' ஆகிய எளிமையான செயல்களை தாண்டின ஏதோ ஒன்று அவசியப்படுகிறது. இந்த 4 நாட்கள் தியான திட்டத்தில் Dr. டோனி இவான்ஸ் அவர்கள் வேதாகமம் கற்றுக்கொடுக்கும் ஒற்றுமையை குறித்து நமக்கு போதிப்பார்கள்.
More
