வெளிப்படுத்தல் 15
15
ஏழு வாதைகளுடன் ஏழு இறைதூதர்கள்
1நான் பரலோகத்திலே பெரும் வியப்புக்குரிய இன்னுமொரு அடையாளத்தைப் பார்த்தேன்: ஏழு இறைதூதர்கள் ஏழு வாதைகளைத் தயார்படுத்தியவர்களாக நின்றார்கள். இவையே கடைசி வாதைகள். ஏனெனில் இவற்றுடன் இறைவனுடைய கோபம் நிறைவுபெறும். 2நெருப்பு கலந்திருந்த கண்ணாடிக் கடல் போன்ற ஒன்றைக் கண்டேன். அதற்கருகில் அந்த மிருகத்தையும், அதன் உருவத்தையும், அதன் பெயருக்குரிய எண்ணையும் வெற்றிகொண்டவர்கள் நின்று கொண்டிருந்ததைக் கண்டேன். அவர்கள் இறைவனால் கொடுக்கப்பட்ட வீணைகளை வைத்திருந்தார்கள். 3அவர்கள் இறைவனுடைய ஊழியக்காரனாகிய மோசேயின் பாடலையும், ஆட்டுக்குட்டியானவருடைய பாடலையும் பாடினார்கள்:
“எல்லாம் வல்ல இறைவனாகிய கர்த்தாவே! உமது செயல்கள் பெரிதானவை.
அவை வியக்கத்தகுந்தவை.
மக்கள் இனங்கள் அனைத்துக்கும்#15:3 மக்கள் இனங்கள் அனைத்துக்கும் – சில மொழிபெயர்ப்புகள் இதை யுகங்கள் அனைத்துக்கும் என்றும், பரிசுத்தவான்களின் என்றும் மொழிபெயர்த்துள்ளன. அரசராய் இருக்கின்றவரே!
உமது வழிகள் நீதியும் சத்தியமுமானவை.
4கர்த்தாவே! யார் உமக்குப் பயப்படாதிருப்பார்கள்?
யார் உமது பெயருக்கு மகிமையைக் கொடாதிருப்பார்கள்?
ஏனெனில், நீர் ஒருவரே பரிசுத்தர்.
எல்லா மக்கள் இனத்தவரும் வந்து உமக்கு முன்பாக
ஆராதனை செய்வார்கள்.
ஏனெனில், உமது நீதியான செயல்கள் வெளிப்படுத்தப்பட்டு இருக்கின்றன.”
5இதற்குப் பின்பு நான் பார்த்தபோது பரலோகத்திலுள்ள ஆலயமாகிய சாட்சிக் கூடாரம் திறக்கப்பட்டது. 6அந்த ஆலயத்திலிருந்து ஏழு இறைதூதர்கள் ஏழு வாதைகளைத் தங்களுடன் எடுத்துக்கொண்டு வெளியே வந்தார்கள். அவர்கள் சுத்தமான, பிரகாசமுள்ள மென்பட்டு உடையை அணிந்திருந்தவர்களாய், தங்கள் மார்பைச் சுற்றி தங்கச் சால்வைகளைக் கட்டியிருந்தார்கள். 7அப்போது, அந்த நான்கு உயிரினங்களில் ஒன்று, என்றென்றும் வாழ்கின்ற இறைவனின் கோபத்தால் நிறைந்திருந்த ஏழு தங்கக் கிண்ணங்களை அந்த ஏழு இறைதூதர்களுக்குக் கொடுத்தது. 8இறைவனுடைய மகிமையிலிருந்தும், அவருடைய வல்லமையிலிருந்தும் எழுந்த புகையினால் அந்த ஆலயம் நிறைந்திருந்தது. அந்த ஏழு இறைதூதர்களுடைய ஏழு வாதைகள் நிறைவேறும் வரை ஒருவராலும் அந்த ஆலயத்திற்குள் உட்பிரவேசிக்க முடியவில்லை.
தற்சமயம் தேர்ந்தெடுக்கப்பட்டது:
வெளிப்படுத்தல் 15: TRV
சிறப்புக்கூறு
பகிர்
நகல்
உங்கள் எல்லா சாதனங்களிலும் உங்கள் சிறப்பம்சங்கள் சேமிக்கப்பட வேண்டுமா? பதிவு செய்யவும் அல்லது உள்நுழையவும்
இலகு தமிழ் மொழிபெயர்ப்பு™ புதிய ஏற்பாடு
பதிப்புரிமை © 2002, 2022 Biblica, Inc.
அனுமதியுடன் பயன்படுத்தப்பட்டுள்ளது.
உலகளாவிய ரீதியில் முழு பதிப்புரிமையும் பாதுகாக்கப்பட்டவை.
Tamil Readerʼs Version™ New Testament
Copyright © 2002, 2022 by Biblica, Inc.
Used with permission.
All rights reserved worldwide.
