Tabia Za KiunguMfano

Kwa nini tuwapende wengine?

Mungu alitupenda sisi kwanza. Upendo wa dhabihu wa Kristo ni kielelezo cha jinsi upendo ulivyo, Mungu alifanya hatua ya kwanza ya kutupenda ili aweze kutufanya watoto wake. Sisi nasi twapaswa kuwapenda wengine. Tukifahamu Mungu alitupenda kwanza na si kwa vile tulikuwa wema inakuwa msingi kuu kwetu kuwapenda wengine. Upendo huo haupaswi kuonyeshwa kwa maneno tu bali pia kwa matendo.

Ni amri kutoka kwa Mungu:

Yeyote anayempenda Mungu lazima pia ampende ndugu yake na dada yake. Marafiki, tunajuaje kwamba tunampenda Mungu? Ni kwa kuangalia kwa karibu upendo wetu kwa watu wake. Yohana anasema kwamba hatuwezi kudai kumpenda Mungu ambaye hatujapata kumwona na bado tunawachukia ndugu na dada tunaowaona. Mara nyingi tunakuwa na vijisababu zakutopenda wenzetu, pengine wako tafauti katika kibinafsi na sisi. Wito wa Mungu kwa watu wake ni kutii amri yake ya kuwapenda wote, hata wale ambao tunahisi hawastahili kabisa.

Ninatumaini kwamba msukumo wetu wa kuwapenda wengine itakuwa kwamba Mungu ametupanda nana pili kwa sababu ni amri. Mungu naye anapendezwa na kutii kwetu kwa amri na vile vile kutukuzwa. Je, siku hii utafuatilia kumpenda Mungu na watu wake kwa dhabihu na matendo? Labda kuorodhesha mambo machache yanaweza kukusaidia kama vile nitaonyesha upendo kwa wazazi, ndugu, mume na mke, familia ya kanisa, au hata wafanyakazi wenzangu vipi? Bwana akusaidie!