Kueneza Habari Za Yesu Katika Mwaka WaMfano

Kidokezo cha 1 kuhusu uinjilisti

Kujifunza kumsikiliza Mungu ni jambo muhimu katika kuzaa matunda ya kiinjilisti, lakini wakati mwingine si rahisi. Je, inawezekana kwamba unaona vigumu kuisikiliza sauti ya Mungu? Pengine huna uhakika kama ni Mungu anayenena?

Somo la leo linatukumbusha kwamba kila wakati Mungu atatupa maneno yanayofaa kwa wakati unaofaa. Jambo la muhimu sana kukumbuka ni kwamba Mungu anafanya kazi kupitia kwa mazungumzo yetu pia! 

Mara nyingi tunajipata kwenye mtego wa kuamini kwamba tuko pekee yetu katika shughuli ya kueneza injili; kana kwamba tunahitajika kufanya kazi yote sisi wenyewe.

Lakini ukweli ni kwamba, Mungu anataka mtu tunayempa habari za Yesu aokoke hata kuliko tunavyotaka sisi! Ana mpango kwa ajili ya maisha yao, kwa hivyo kwa wakati huo, kazi yetu ni kuwa sehemu ya mpango wake, kuungana na Mungu katika mpango wake wa kuwafanya watu waujue uwezo wa Yesu wa kukomboa. Mungu anajua kila kitu kumhusu mtu huyu, shida zake zote, mambo anayoyahofia na changamoto zake za siku za baadaye.

Tunapomruhusu Mungu ayaendeshe mazungumzo, ushawishi unaweza kutokana na habari fulani kumhusu mtu fulani, au kunaweza kutokana tu na kuuliza swali linalofaa kwa wakati unaofaa.

Ikiwa tuko tayari kutulia na kumuacha Mungu atuongoze, hujui ni nafasi zipi za kueneza injili anazoweza kuzifungua! Kwa hivyo muombe Mungu akuonyeshe cha kusema kila wakati unapoeneza injili.