Kufuata AmaniMfano

Kupatana na Yaliyopita

Kupatana na yaliyopita ni vigumu kama vile maamuzi unayojuta ama kusamehe aliyekukosea. Ni muhimu kushughulikia na yaliyopita ili isidhuru yaliyopo au yajao. Tafakari kupanda baiskeli. Iwapo utatazama nyuma, au kuangalia chini, hakika utagonga kitu. Ni muhimu uzidi kuendelea kutazama mbele na kushiriki katika mambo mapya ambayo Mungu anafanya.

Njia muhimu ya kupatana na yaliyopita ni kuchagua msamaha. Unaposamehe aliyekukosea, si kwamba unakubali kwamba yaliyotendeka ni mema bali unajipa ruhusa kusonga mbele na maisha yako. Yaliyopita ni mazuri kwa sababu ya mambo mawili: kukufunza na kufurahia maisha Mungu amekupa.

Methali ya Kiafrika

Iwapo kuna amani, kiongozi habebi ngao . ~ Methali ya Kiganda

Tearfund inashiriki katika kuleta amani na upatanisho. Kuna hadithi moja hapa kutoka Rwanda kuhusu jinsi msamaha unaweza kuponya hata vidonda sugu.

Tendo:

Kuna hali ambazo unahisi kwamba unabeba ngao kwa sababu huna amani? Kama u jasiri, tembea makaburini ili upate mtazamo kuhusu yaliyopita. Makaburi mengi yana ujumbe ambao wapendwa wa mwendazake wangependa kupitisha kwa aliyetangulia mbele ya haki: "Lala Salama." Jipe muda kujiachilia mbele ya Mungu na kupatana na maamuzi yako au mtu yeyote aliyekukosea.