Soma Biblia Kila Siku Oktoba/2022Mfano

Viumbe vyote vya ulimwenguni vinaonyesha utukufu wa Mungu. Vinamjulisha mwanadamu kuwa kuna Mungu. Vinamjulisha na kumfundisha tabia yake. Hata mwanadamu amepewa ufahamu zaidi, kwani tumepewa Neno la Mungu lililoandikwa. Neno hilo ni ufunuo wa Mungu unaoaminika, ambalo humpa mtu anayelipokea kwa imani maisha mapya. Latuonya dhambi zetu na kututakasa. Hiyo ni sababu ya swali na ombi katika m.12: Ni nani awezaye kuyatambua makosa yake? Unitakase na mambo ya siri. Neno la Mungu linapofanya kazi namna hiyo ndani ya maisha yetu, linaifurahisha mioyo yetu, na tunapendezwa na yanayompendeza Mungu wetu tukiomba, Maneno ya kinywa changu, Na mawazo ya moyo wangu, Yapate kibali mbele zako, Ee Bwana, Mwamba wangu, na mwokozi wangu (m.14).