Soma Biblia Kila Siku Oktoba/2022Mfano

Bali furahini kwa sababu majina yenu yameandikwa mbinguni (m.20). Wanafunzi walifurahi sana kuona matunda ya kazi yao (m.17, Wale sabini waliporudi kwa furaha, wakisema, Bwana, hata pepo wanatutii kwa jina lako). Yesu anawafundisha kwamba wasishangae sana juu ya hayo, maana yanathibitisha tu kwamba Ufalme wa Mungu una nguvu kuliko ufalme wa giza. Ufalme wa Mungu ni ufalme wa ushindi. Kwa hiyo wafurahi hasa kwa sababu ni raia wa ufalme huu. Uraia huo wameupata kwa neema tu kwa jinsi Mungu alivyoyafumbua macho yao. Heri macho yaonayo mnayoyaona ninyi (m.23). Ni kwa sababu wote waliompokea aliwapa uwezo wa kufanyika watoto wa Mungu, ndio wale waliaminio jina lake; waliozaliwa, si kwa damu, wala si kwa mapenzi ya mwili, wala si kwa mapenzi ya mtu, bali kwa Mungu (Yn 1:12-13). Basi, furahini katika Bwana sikuzote; tena nasema, Furahini (Flp 4:4). Je, umetambua heri yako?