Soma Biblia Kila Siku Oktoba/2022Mfano

Nakusihi usinitese (m.28). Hili ni ombi la watumishi wa Shetani kwa Yesu. Yesu ni Mkuu. Mbele yake Shetani hana nafasi kabisa! Kwa hiyo, ndugu Mkristo, huna sababu kuhofu nguvu za giza. Liitie jina la Yesu, ujikabidhi mikononi mwake kila siku! ‘Shimoni’ ni gereza la Mungu kwa malaika walioanguka pamoja na Shetani: Mungu hakuwaachilia malaika waliokosa, bali aliwatupa shimoni, akawatia katika vifungo vya giza, walindwe hata ije hukumu (2 Pet 2:4). Yesu atakapokuja kuudhihirisha utawala wake hapa duniani Shetani atafungwa shimoni kwa miaka 1000! Katika Ufu 20:1-3 imeelezwa wazi: Kisha nikaona malaika akishuka kutoka mbinguni, mwenye ufunguo wa kuzimu, na mnyororo mkubwa mkononi mwake. Akamshika yule joka, yule nyoka wa zamani, ambaye ni Ibilisi na Shetani, akamfunga miaka elfu; akamtupa katika kuzimu, akamfunga, akatia muhuri juu yake, asipate kuwadanganya mataifa tena, hata ile miaka elfu itimie; na baada ya hayo yapasa afunguliwe muda mchache. Lo! itakuwa siku njema sana! Neno la kigriki lililotafsiriwa ‘jeshi’ ni ‘legeon’. Maana yake ni 6000.