Soma Biblia Kila Siku Juni/2022Mfano

Akapeleka watu kuwaita waganga wote wa Misri ... Farao akawahadithia ndoto yake, wala hakuna aliyeweza kumfasiria Farao mambo hayo(m.8). Waganga wa Farao hawakuwa na Roho wa Mungu wa kweli, Muumba wa mbingu na nchi. Kwa hiyo walishindwa kutambua maana ya ndoto. Wao waliabudu miungu na hasa yule aliyeitwa Ra, mungu wa jua. Hivyo walitawaliwa na giza la Shetani. Mambo ya Munguhakuna ayafahamuye ila Roho wa Mungu(1 Kor 2:11). Paulo anaeleza vizuri zaidi akisema,Lakini Mungu ametufunulia sisi kwa Roho. Maana Roho huchunguza yote, hata mafumbo ya Mungu. Maana ni nani katika binadamu ayajuaye mambo ya binadamu ila roho ya binadamu iliyo ndani yake? Vivyo hivyo na mambo ya Mungu hakuna ayafahamuye ila Roho wa Mungu. Lakini sisi hatukuipokea roho ya dunia, bali Roho atokaye kwa Mungu, makusudi tupate kuyajua tuliyokirimiwa na Mungu. Nayo twayanena, si kwa maneno yanayofundishwa kwa hekima ya kibinadamu, bali yanayofundishwa na Roho, tukiyafasiri mambo ya rohoni kwa maneno ya rohoni. Basi mwanadamu wa tabia ya asili hayapokei mambo ya Roho wa Mungu; maana kwake huyo ni upuzi, wala hawezi kuyafahamu, kwa kuwa yatambulikana kwa jinsi ya rohoni. Lakini mtu wa rohoni huyatambua yote, wala yeye hatambuliwi na mtu(1 Kor 2:10-15).